مشكلة في الشغل ممكن اتساعدوني فيها ؟؟؟؟؟

--------------------------------------------------------------------------------


مرحبا بنات

السالفه وما فيها اني من سنتين كنت ادرس في روضة مستوى ثاني وكنت اوكي ويا الأطفال

السنه عرضت علي المديره اني اكون اداريه بسبب مجهوداتي في الروضة والحمد لله يعني مساعدة لها والكل اعرف شنو مسئوليات المساعده

المشكله ان المدرسات الى معاي كانو يتكلمون معاي عادي بس بعد ما استلمت هالوظيفه تمو يتكلمون معاي من ورا خشمهم يعني كأنهم حاسديني على هالمنصب ولما ادخل عليهم يسكتون اخافون انقل كلام للمديره

وبصراحه كلمت المديره بالموضوع قالت لي ما عليكي منهم مادامك قايمه بواجباتك فما اهمكم منهم

المشكله الثانيه انتو اتعرفون ان الموظفه الأداريه لازم اتكون لها شخصيتها وانا شخصيتي طيوبه ابي افرص شخصيتي في الروضه اشلون

المشكلة الثالثه

أهي ان في مدرسة جديده في الروضه وايد عاجبه المديره وكل تمدح فيها بدت تقترح على المديره افكار انا مقترحته من قبل وكانت امرحبه ابها المديرة بس ما اتنفذت فقالت لها انا اجيب لك الوسائل وغيرها عشان انفذ هذي الأفكار

ابصراحه انقهرت واخاف انها بصررررررررررررررررررررررررررررررررررررررررراحة تاخذ مكاني

فهموني لأني مب عارفه اشلون اتصرف ؟؟

4 تعليق 874 مشاهدة

شاركي في النقاش

سجلي الدخول لإضافة تعليق.

التعليقات

4
  1. @ragd

    حبيبتي ادي عملك بما يرضي الله ولاتخافين مااحد بمااخذ رزقك اذا الله كاتب انك راح تبقين بهاالمنصب راح تبقين الله يوفقك
  2. @thewife_1

    ماعليك من أحد بما إنك ماشية زين ولا تلتفتين وراك ولا لكلامهم هم شوي بس مستغربين الوضع عليك بكرة هم بيجون يسولفون معاك

    أما عن قوة الشخصية فهذي شي من رب العالمين بس إنتي لا تظلمين الناس ولا ترضين بالإهانة من أحد و إذا أتخذتي قرار لا ترجعين فيه ولا تتندمين بس بالمعروف و بما يرضي الله

    أما عن الموظفة الجديدة فما أحد يأخذ مكان و رزق أحد أجتهدي بشغلك و بيني إنك نظامية و اللي كاتبة ربي بيصير

    الله يوفق الجميع للخير
  3. حبيبتي صراحه ما الوم المدرسات انه اسلوبهم يتغير في البدياه بس بعدين باسلوبك الحلو معاهم راح يرجع كل شئ زي اول

    المشكله الثانيه انتو اتعرفون ان الموظفه الأداريه لازم اتكون لها شخصيتها وانا شخصيتي طيوبه ابي افرص شخصيتي في الروضه اشلون

    حبيبتي بالاحترام والاسلوب راح تكسبي اللي قدامك واذا كسبتيهم صدقيني راح يعطون ويتحمسون .. بس مافي شئ اسمه تفرضين شخصيتك
    الاشياء اللي تتمنين تكون في رئيستك طبقيها وبس..


    مدرسة جديده في الروضه وايد عاجبه المديره وكل تمدح فيها بدت تقترح على المديره افكار انا مقترحته من قبل وكانت امرحبه ابها المديرة بس ما اتنفذت فقالت لها انا اجيب لك الوسائل وغيرها عشان انفذ هذي الأفكار


    حبيبتي مفروض تفرحين انه في وحده كويسه بالمدرسه انا لومنك اساعدها لان المهم مصلحه العمل والاطفال ولاتفكري بالمنصب ابد
    اهم شئ مصلحة العمل صح ولالا؟
  4. حبيبتي صراحه ما الوم المدرسات انه اسلوبهم يتغير في البدياه بس بعدين باسلوبك الحلو معاهم راح يرجع كل شئ زي اول

    المشكله الثانيه انتو اتعرفون ان الموظفه الأداريه لازم اتكون لها شخصيتها وانا شخصيتي طيوبه ابي افرص شخصيتي في الروضه اشلون

    حبيبتي بالاحترام والاسلوب راح تكسبي اللي قدامك واذا كسبتيهم صدقيني راح يعطون ويتحمسون .. بس مافي شئ اسمه تفرضين شخصيتك
    الاشياء اللي تتمنين تكون في رئيستك طبقيها وبس..


    مدرسة جديده في الروضه وايد عاجبه المديره وكل تمدح فيها بدت تقترح على المديره افكار انا مقترحته من قبل وكانت امرحبه ابها المديرة بس ما اتنفذت فقالت لها انا اجيب لك الوسائل وغيرها عشان انفذ هذي الأفكار


    حبيبتي مفروض تفرحين انه في وحده كويسه بالمدرسه انا لومنك اساعدها لان المهم مصلحه العمل والاطفال ولاتفكري بالمنصب ابد
    اهم شئ مصلحة العمل صح ولالا؟

تابعي تجارب أخرى من هذا القسم.