فن التقديم لبنات الرياض ( ملف شامل ومختصر لاهم التقديمات )
متابعة النقاش، صفحة 271
شاركي في النقاش
سجلي الدخول لإضافة تعليق.
التعليقات
2,908- كم رقم عريب
- السلام عليكم ورحمة الله وبركاته مسا الخير عليكم جميعا
والله يعطيكم العافيه ويجزاكم كل خير على تعاونكم لبعض وحبكم للخير
والله يجعله في موازين حسناتكم جميعا لان الي يقضي حاجة لاخوه المسلم له اجر الله لا يحرمكم اياه
وخصوصا بنت اجاويد و vip@vip الي على قولة خير ان شاء الله ما نسونا حتى وهم بالنفاس وحوسته
الصراحه انا داخله وبراسي مليون شغله وشغله ومدري وشلون ابدأ لكن بحاول اتسلسل
اول شي اقول لخواتي بنت اجاويد و vip@vip الف الف مبروك والحمد لله على سلامتكم
انتم وكل الوالدات الي ما ذكرت اساميهم اذا هم كاتبينها هينا ولا شفتها
واقول لبنت اجاويد ما ادري ليش دمعة عيوني يوم قريت كلامك الي تقولين فيه ان عمليتك بكرا>>>>>>مرررره رحمتك ودعيت لك مع انك خلصتي :hahaha:
الحين نجي للي مقلقني ومطير النوم من عيني والي مخليني ادخل هينا وانبش مع اني ما عندي وقت ابدااا
لكن انا ادري انه مالي الا انتم من بعد الله تساعدوني وتوقفون معي الله يعافيكم
ومعليش اتحملوني شوي لان اسالتي كثيررررررررره
انا الله يسلمكم بسوي عزيمه باخر هذا الشهر ان شاء الله وبعزم ناس اول مره يدخلون بيتي وهم بالصراحه عزيزين علي
وودي اسوي عزيمه حلوه ومرتبه ومتكتكه وان شاء الله بتعاونكم يمديني اخلص كل شي
اول شي حابه استفسر عنه العشا ؟ من وين اجيبه لاني ابيه كامل مع طاولاته وكراسيه وديكوراته
انا سبق وتعاملت مع المائده الطيبه والشهاده لله شغلهم حلو وديكوراتهم راقيه
بس انا ابي شي احلى واجد والصراحه ودي اغير بديكورات جديده وحلوه
اذا تعرفون احد غيرهم ياليت تقولون لي وتساعدوني وابي اسالكم هل تعرفون sugarspice ؟
سمعت عنهم بس ما جربتهم، هم حريم يسوون بوفيهات بس يوم كلمتهم قالو ما نسوي ديكورات على الطاوله :(
حتى لو تعرفون محلات راقيه تاجر الطاولات بديكورات راقيه ما عندي مانع
نجي للشي الثاني الي هو صياني التقديم سواء للحلى او للقهوه والشاهي ابي اعرف وش الدارج بهذا الوقت؟
ومن وين اجيبها؟ وبالنسبه للمحلات الي ذكرتوها فوق مثل فن البيوت وغيرها القى عندهم صواني جاهزه وكيف اسعارهم؟
وودي بصينيه فخمه ادوار تكون حلوه ومو ثقيله من وين اجيبها؟
الحين نجي للشي الثالث والصعب الي هو حلويات القهوه :eek: الي الصراحه انا شايله همها مررررره
انا ناويه اسوي حلى بالبيت حلو وانا اضبطه وناويه اجيب صينيه شوكولاته مغلف من لاتين او من واو محتاره :confused- واذا عندكم اراء ثانيه ساعدوني
وناويه اسوي صينيه ثالثه حلى بس الصراحه ما ادري وشو؟ محتاره مرره مع اني ابي شي حلو وغريب وجديد:confused-
سمعت عن كاجو ورتيلا وصبا ودلال وعريب بس ما اعرفهم ولا ادري وش اجيب منهم جربت رتيلا بس بالمعمول والكوكيز بس ابي غيره
الشي الرابع المعجنات والي لاحظت هينا السؤال المتكرر عنها بس للاسف ما فيه احد مدح لنا محل حلو بالشكل والطعم الا اذا انا ما قريته اعذروني
اخر شي بعد العشا وش رايكم انا ناويه الغي حلا العشا واحط بداله حلى يتقدم مع قهوه تركي او فرنسي وش رايكم بالفكره حلوه
والحلى وش يكون ومن وين اجيبه؟؟؟والا اغير الفكره كلهااااااااااا مع العلم ان المعازيم كلهم بنات صغار بس كلهم متزوجين
سامحوني الله يعافيكم عالاطاله وساعدوني باسرع وقت بالي تقدرون عليه
وش رايكم وش اجيب شي انتم جربتو طعمه وعجبكم لان الطعم مهم عندي مررررررره اكثر من الشكل
والصراحه انا ما عندي وقت اقرأ فيه الملف كامل لانه مره طويل ولا عندي وقت ادور على المحلات
اعذروني تكفون :44: - أهليين أمل امل
ياقلبي أنتي وإن شاء الله خير
ما سوينا ألا الواجب وعشاان نفيدكم بتجاربنا فرررريش:)
شوفي ياقلبي
العشاء قد جربت المائده الطبيه وأعرف وحده ماشاااء الله شغلها مرره غرريب وحلو <<امي شافت شغلها في عزيمه وتمدحها وصوانيها غريبه مو تقليديه,,
بحاااول أجييب لك الرقم
وديكور الطاولات ,,تعاملي مع محل ورود يسوي لك الطاولات والبوفيه,,
والحلى صواني ادوار ياقلبي ماشفت بس دوري محلات المواعين وإن شاء الله تلقين طلبك<جبتي شي جديد:)
والحلى
شوفي أنا مريت على لتين قبل يومين مرره حلو حلاهم ,,الحلى الكويتي<أظن أسمه كذا> جربته مررره حلوه أشكاله وألوانه تفاحي وبنفسجي مرره يفتح النفس<<ويواجهه
طيب كاجو جربت الحلى المنزلي حلو ولذييذ بس حق لتين أوجهه بالشكل
والشاهي
الموالح <<كلن وذوقه بس مافيه مكاان يبرد قلبك بالزين
وحركه انك ماتحطين حلى عشاء ,,مررره حلوه الفكره جيبي بايات صغاار من جولدن براون بس أشرطي عليهم يكون فررريش
او تشيز كيك صغاار <<مدري من وين
اتمنى اكون أفدتك ياعسل ولو بالقليل - ياليت تقولون لى الدارج بالصوانى لان لى 8شهور مازرت نفاس
- مشكوره حبيبتي vip@vip على الردما قصرتو يا قلبي والله يجزاكم كل خير
الله يعافيك ساعديني برقم الحرمه بسرررررررعه وياليت تسالين امك اذا فيه اصناف معينه حلوه اطلبها
وكيف تسوي ديكورات والا لا؟
الحلى الكويتي ياليت توصفينه لي اكثر مغلف؟ بحشوات والا لا؟
حلى كاجو ممكن تخليني اجربه؟ وكيف شكله؟
وموالح الشاهي وش رايك اجيب من زاكي الي قلتو عليه؟ياليت تقولون لي وينه فيه او رقمهم
وحركه حلى العشا كويس انه اعجبتك بس حلى جولد اند براون مليت منه كلن يجيبه والتشيز كيك بحطه مع القهوه
وتراك تفيدينا انتي وغيرك من البنات بالكثير والله يوفقكم جميعا
مواضيع مشابهة
تابعي تجارب أخرى من هذا القسم.