السلام عليكم ورحمة الله وبركاته
بنات زوجي بدا يتغير عن طبعه وصار زود عن زود يحب يقعد بالحوش وبأي زاوية ويجلس متربع ويناظر الجدار بإبتسامة
طبعا يسوي هالحركة من قبل امس
حسبته يستهبل لأن من عادته يستهبل علي
لكن بصراحة تأكدت من ملامح وجهه انه فعلا ً فعلا ً جاد في فعلته مايمزح
قلت شكله انهبل او شي وقلقت عليه حيل
لكن تصوروا لما جيت انام وزوجي جالس بالحوش وقت الظهرية بالشمس
جا ولدي من المدرسة يبغى يعلمني وش بيدرسونهم وشي كذا
طبعا ولدي بالثانوي ولله الحمد
وجا ولدي بيقرا القران
جا زوجي مسرع من الحوش الى المطبخ
وقال اسكت لا تقرا شي
ولاحظت في خده اليمين "عرق اخضر" اول مرة اشوفه بوجه زوجي من 13 سنة
وقلت له خل الولد يقرا ويكمل
ويوم جا ولدي يقرا
جا زوجي ومسك ولدي وضربه بصحن كبير على ظهره وطاح
مع وقت المشكلة هديت الولد من الروعة والاستغراب اللي بوجه ولدي من اللي صار من ابوه
والله يابنات الاجواد اني نومت الولد
وقلت اتفرج على الدش كطبعي كل ظهرية لين يفوح الشاهي واطلب من زوجي يتقهوى معي ثم نتغدى
مادريت الا وانا مغيره القناة
حطيت قناة "محمد" صلى الله عليه وسلم وبالصدفة واحد يرتل ترتيل حلو اتوقع ( ماهر المعيقلي )
زوجي قام يرتعش ويرتعش اكثر برجوله
وصار وجهه مخيف لما سمع القرآن .
فجأة انصدمت من اللي سواه
تصوروا كسّر التلفزيون والرسيفر وخذ الريموت من يدي بقووه وكسره ( عور يدي والله انها للحين تعورني )
وضربني كم كف
وطيحني على الارض ويطقني بعصا المكنسة لين تورمت اماكن جسمي اللي تعرضت فيها الضرب
وانا طايحة متألمة
نسيت الألم وقلت اقرا القرآن اتأكد اذا زوجي فيه شي والا لا؟؟
قريت سورة البقرة ( وانا حافظتها كلها )
يمين بالله يوم قريته عند اول آية قال بالفصحى ( تعتروش كفرين الكفار وسأطلقك ان كررتي هذه مرة ثانية هل تسمعيني يا باب الطفش والضيق؟ وبتعتروش سأقتل ولدك أمامك ان رددتيها ثانية مرة )
خفت على ولدي انا
ودخلت غرفته وقفلت على روحنا
لين وزوجي اسمعه بالحوش يدور
وانا اسمع صوت رجلينه انه يدور بالحوش من بعييييييد
تصوروا فتحت الدريشة وهو يمشي من بعيد
طلع بوجهي بسرعة مدري كيف طلع بوجهي قدام الدريشة ...!!!
يمين بالله يابنات اني اقول لولدي اقرا معي القرآن اقرا ..
وولدي خايف مو فاهم السالفة
وانا وياه مقفلين على روحنا
على فكرة اهلي واهله بتبوك
بحكم ان زوجي منقول للرياض والمفروض يداوم
لكنه ماداوم
وانا للحين بغرفة ولدي وأراسلكم
وش اسوي؟؟
علموني وش اسوي
ترى منعت ولدي ان يروح للمدرسة هاليومين لين القى لي حل
وللحين خااااااايفة
اسمع حركات زوجي ومشياته ويقول كلام غريب زي الافريقيين
انا حسيت واكتشفت انه يا مسحور او انه انهبل
لكن لو مهبول معقوله يقول لي لا تقرين القرآن ؟؟ ويسمح لي ان اتكلم بأي شي غير اني اردد بالقرآن ؟؟
خايفة يابنات خاااايفة
الموضوع مغلق