نفس ولدي
والحمدلله فطمته
واتوقعت ما راح افطمه لانو بس على صدري ومافيني حليب ومع كذا يبغى يرضع لو جلده
يحزززن
بس فطمته بالتدريج لما قرب يكمل السنتين وبعد جهد جهيد والحمدلله
في البداية صرت ارضعه كل ثلاث ساعات طبعا مافي حليب بس هو كان يرضع لما يبغى ينام ولما يبكي ولما يطفش ولما يتعب ووو
فبديت اشغله بأي شيء لعبة اعطيله براد فيه موية وفناجين يصبها اوراق يقطعها اي شيء
وبعدين زدت الساعات كل شوي لحد تسع ساعات
وبعدين بس ارضعه في الليل في النهار لا
واهم شيء شبعوا اطفالكم لايحسوا بالجوع ولا يكون صدرك باين له
وبعدين صرت انومه بدون رضاعة بس ارضه وهو نايم يعني هوا يصحى في الليل يبكي يدوره !!
طبعا انا كنت في اجازة عند اهلي وساعدتني اختي الله يسعدها بهذه النقطة
كانت تشغله معي تلاعبه وتنومه وهي تهزه او وهو في حضنها ومشغلتله اناشيد اطفال من النت
والخطوة المتعبة يعني جهزي نفسك لها نفسياً ومعنوياً وهي الفطام التام حتى لما يصحى بالليل لاتعطيه
اول ليلة بكي وطوول وهو يبكي وكنت اهزه بس ورحت اعطيته موية سويت له حليب مارضي يشرب
واخذته اهزه واقرا عليه وأرقيه وادعي ربي ييسر لي وله
وقريت اللهم لاسهلاً إلا ماجعلته أنت سهلاً ....
وأمن يجيب المظطر إذا دعاه ...
و والمعوذات ولاحول ولاقوة إلا بالله والحمدلله نام
وسوى كذا ثاني ليلة وثالث ليلة وبعد كذا بدا يخف بس مو كثير احياناً تجيه نوبات بكى و يبغى يرضع
لكن في الإخير خلاص استسلم
هذه تجربتي وان شاء الله تنفعكم واهم شيء لاتروحي يوم تقطعيه واليوم الثاني تعطيه
والتدريج احسن شيء
ابي افطم ولدي مووووووووووراضي ينفطم تعبت تعبت
متابعة النقاش، صفحة 2