هـــرمـــون الـــهـــم .. يـــاعـــالـــم فـــهـــمـــونـــي

السلام عليكم ورحمة الله وبركاته
مرحبا عزيزاتي

أول شي بعطيكم نبذة عني عشان توضح لكم الصورة ..
أنا متزوجه لي سنة و5 شهور وعمري ( 21 ).. وأهل زوجي قلق يبون طفل وهالشي أكيد الكل يبه ..
ع الطالعه والنازله دقات ورا ماجابت مع ان توي ماصار لي متزوجه ..
وعشان كذا اضطريت اروح المستشفى أشوف شو وضعي ..
طبعاً أختكم في الله عليمية في جميع أمور الحريم والحمال وهيك يعني ابد ماأعرف ..
ولما رحت للدكتورة قالت لي اشياء أول مره اسمعها مادري وش سالفتها ..

أول هم قالته لي ان فيني تكيس عالمبيض اليسار أما اليمين سليم << وبالغصب بعد قراءة في المنتديات عرفت وش هالتكيس ..((( تصدقون لما طلعت من عند الدكتورة أصيح وحالتي حالي على بالي أن التكيس معناته أن عقيم ماجيب عيال <<<< خبله خخخخخخ .. لأن الدكتورة الله يصلحها مافهمتني عبالها أني فاهمه وأنا من جنبها .. ))) ..
المهم صرفت لي تحاميل وغسول والحمد لله راحت الإفرازات كلش وأرتحت .. وطبعاً سويت تحليل هرمونات ..

فالموعد الثاني اللي سميته موعد (( الــــهـــــمـ )) قالت لي نتيجه التحليل وليتها انطمت ماقالت شي لانها جد سببت لي حالة من الوسوسه مايعلم فيها إلا الله ..
قالت لي اول ماشافتني (( ياخراااااشي دا هرمون الحليب مرتفع عندك أوي وصل 61 مستحيل تحملي وهو كدا خلاص انسي ياحبيبتي الحمل )) وكانت هذي اول صدمة لي مادري هي تستهبل علي او صادقه ؟؟؟؟؟
قالت لي أن المعدل الطبيعي هو 25 وانتي 61 يعني أنسي تحملين <<<<< ع كيفها الحمال :angry2:

صرفت لي علاجين اللي هي:

( dostinex ) أكله لمده شهر يوم الأثنين والجمعة في وسط العشاء <<< لشو هالدواء وش فايدته وهل له مضار ؟؟؟؟؟...
وكمان صرفت لي ( clomid ) أكله بعد الإفطار حبتين لمدة 5 أيام <<< كمان لشو هالدواء ؟؟؟؟


أبي أفهم وش دخل الحليب فالحمل

يابنات تسوي معروف اللي تشرح لي وربي من بعد الموعد وأنا بس أبكي ومالي أحد اقول له وش فيني والله والله أنه هم على قلبي ..
تميت أني أموت ولايجي أحد يقول لي ماتجيبين عيال ..

:(:(:(:(

39 تعليق 3,350 مشاهدة

شاركي في النقاش

سجلي الدخول لإضافة تعليق.

التعليقات

39
  1. @ahsas_dayaa

    الله يشافيش وعافيش
    له دخا هرمون الحليب لازم يكون كنوازع عشان تحملين
    يارب اشهر الجاي تكوني في قسم الحمل والولاده
  2. صاحبة الموضوع
    كنوازع !!!!
    :35::35:


    <<<<< حـــالـــة تـــنـــاحـــــة مـــســـتـــعـــصـــيـــة ..




    والله ماااااااااافــــهــــمــــت :09:
  3. حبيبتي بالنسبه للعلاج الاول فهو ينزل هرمون الحليب

    هرمون الحليب ياقلبي واحد من الهرمونات اللي تمنع الحمل بس ياقلبي انتي مو مرتفع مره عندك معقول

    وبالنسبه للكلوميد هذا منشط للمبايض يساعد على تكون البويضات وكبرها عشان الحمل

    احرصي بعد ماتخلصين منه تسوين متابعة تبويض معها بالسونار المهبلي عشان تشوفين استجابة مبايضك للحبوب

    والله يرزقك من واسع فضله

تابعي تجارب أخرى من هذا القسم.