فن التقديم لبنات الرياض ( ملف شامل ومختصر لاهم التقديمات )

ام فصولي

سؤاال...
بكم الأكيااس البلاستيك ألي من الشرق حقت المكسراات؟؟

وكيف حجمها؟؟

مشكوره حبيبتي على نقل تجربتك

بس تتوقعين حلا الوردات حق شوكولا بلان هو نفسه حق ريتلا وكاجو والا يختلف من حيث الطعم؟
أنا سألت كم مره هالسؤال في المنتدى لكن محد قدر يعرف بس اتوقع في وحده قالت انه نفس رتيلا يمكن vip ناسيه مين!!!

والي جبتيه انتي وش كانت حشوته؟ واي لون؟
لما سألت صاحب المحل ايش الحشوات قالي اول مره أوريو بعد لماشافني مدخله الصياني قالي استني كلميني بكره واقول لك الحشوات احنا بصرحه ماندري ايش حشواتها!!
المهم أخذت المحشيه بسكوت وكراميل وشي بسكوت بالكباتشينو


تصدقين انا مره ذقت حق ماينا الي قدام مارينون وذوقني وحده لونها ابيض ومحشيه كارميل

بس كان حجمها كبيررر وطعمها مره دسم ولا عجبني مدري كل حلا الوردات كذا والا يختلف؟

المشكله في عجينة اللوز المصنوع قالب الورده ثقيل وماله طعم مدري شلون
الرسالة الأصلية كتبت بواسطة data »
أمل أمل
بالنسبه للحلا بعد العشاء ان معاك انك تلغينه
الله يعطيك العافيه يا قلبي فكرتك مررررررره اعجبتني لاني الصراحه احب الاشياء الغريبه والجديده

بس عندي لك كم سؤال الاواني الي شفتيها شفتيها عند الدانوب من قريب والا من زمان؟
يمكن جايبتها من سنه عباره عن صحن البيض عميق تحته قاعده ستيل وتحته شمعه

انتي جربتيها حلوه وتحتفظ بالحراره؟ واهم شي الشوكولاته السايله من وين اشتريها وكيف اسويها
اكيد لأنك تحطين تحتها شمعه صغيره والشكولاته تلقين عند هرفي عباره عن قطع كبيره بالكيلو يمكن الكيلو ب70 تحطنها في المايكرويف وتصبح سائله
بس احسن تكسرينها قطع صغار شوي وتحطينها في صحن التقديم وتحطينها في صحن التقديم ثم الماكرويف وماطول بس تسبح شوي طليعيها وحركيها وتكمل ذوبان مسحي اطراف الصحن وحطيه على القاعده وشغلي الشمعه بس كل هذا قبل وقت التقديم بدقايق لأن لو طولت الشمعة يبداء تحترق الشكلاته الي في قاع الصحنوالف شكر يا قلبي على التفاعل
تسلميين


vip
كلها سنه وتلاحقين ورا اخوانك لعبو ولدي معاكم ههههههه
انا زيك اول واحد اول ماجبته اخاف عليه مابغى احد يلمسه بعدين لما كبر ودي احد ياخذه عن وجهي

ام فصوووولي يااحبيلك الله يعينك استلمي الاسئلة....:)
الاكياس الشفافة عرفنا من وين بس العلب البلاستيك من اي محل بالضبط في السويلم لان ماعندي وقت ادوور لازم اخلص هالاسبوع وعاجبتني مرررره المكسرات لازم اقدمها وحسيت ان المحلات يبالغون في اسعارها مع انها ما تكلف غير ان ودي يكون عندي كمية كل ماخصلصت اصلح جديدة واختار المكسرات على ذووقي حتى محل نوردان قالت اصلحها لكي الحبة بمدري كم ((بس اتذكر غالي شوي))



طيب سؤال ثاني تتوقعين تكفي المكسرات عن الموالح -لافندر- مع فطاير؟؟ والا لازم الموالح .... ياختي مليت كل مااروح مكان لازم تكون الموالح موجودة بالتقديم وانا ناوية مع المكسرات اصف كوكيز صغار مغلف حق هارت تو هارت بس مدري يصلح مع الشاي او لا؟؟

انا جربت ماكرون تبع محل ميشيل غلاسيه الجديد خطيييييييير.... ومن بعده ماتعجبني كل الماكرونات من جد خيال بس الكيلو بـ900 تخيلي وعشان تذوقين بس الحبة 15 حتى قهرني اخترت من عنده شوكلت مكشوفه اعجبتني مره على شكل مشروم واشكال ثانيه بس حصلت بعض انواعه عند لافندر وبسعر ارخص <<<< مشكلة كثر الدوران بالمحلات يشتت :35:

اللي سألت عن الاكياس هي مو مخصصه للمكسرات بس انا اللي حطيتهم فيها علشان يكون شكلها مرتب ونظيف
وسعرها ياقلبي نسيت اخذت معاها حاجات كثير مو متذكره بس انها رخيصه

اللي تسأل عن محل العلب بالسويلم هو محل كبيييييير وكله علب هدايااذا مو غلطانه اسمه الافكار الذهبيه او شي زي كذا بس ترى مو بلاستيك العلب
لا علب كارتون زي علب الهدايا بس صغاااار وعليهم شريط واذا رحتي بتدووخين من كثرة التشكيله اللي عندهم ويمكن تلاقين احلى
اشتريتهم جمله ال24 حبه ب20 ريال
وانا اشوف انها تغني عن الموالح
يعني هي وفطاير وكوكيزحلويين
يمكن لاني ما احب الموالح

اي اسئله انا بالخدمه