فكرت أروح لمشعووذ واسأله بس ؟؟

السلام عليكم ..


مشكلتي غريبه وعجيبه لدرجة اني نويت ادور مشعووذ والعياذ بالله ..

زوجي تجيه رسايل من ارقام يقولون فيه زوجتك فارطه ومابقى احد ماشافها من اخوياااك وتكلم من ورااك وانت ديوث ومدعم بأحاديث بعد لاحووووووول ولاقوة الا بالله يقولون له راكبه عليك والانس تسولف فيك عيب خلك رجاال المره تلعب من ورااك وانت ياغافل لك الله ووووش اقوووووووووووووووووول وووش أخلي تخيلوا بدت هالرسايل من بعد زواجي بسنه وكنت مسافره عند اختي بقطرر واي مكان اروح له يجيه مسج يقوله زوجتك بالمكااان الفلاني وتلعب من ورااك هي واختها وانت بالرياض ماتدرري عن شي لدرجة مره رحت لزواج نااس قحاطين من جيران اختي الا يجيه مسج يقوول رح شف زوجتك تررقص بزواج القحاطين يارررررررررررررررررررربي بس معقوله فيه نااس بهالتفكير والانحطاط قسمآ بالله تعبت وكررهت عمررررررررررري ليش الظلم ليش الحقد طيب من؟ صديقااتي ؟ قريباااتي ؟ مع العلم ان بناات جماعتنا فيهن غيره بس ماتوقع توصل لهالدرجه لا ومعلومااات عني وش سويت وين رحت وش لبست :06:



الحمد لله زوجي انسان متفهم ويخااف ربه وفوق كل هذا واثق فيني وانا ماسويت هالخربطه وانا بنت اسويها وانا ام بزران قسمآ بالله اني بكيت وانقهررت بس نفسي اعرفها من كلامها ومعلوماتها انها تقربلي لأن لم سافررت ماكنت على اتصال مع صحبااتي ..


لا وهالحين مع أختي نفس الحكاااااااااااااايه تخيلوا يرسلون مسجاات لزوجها يقولون فيه زوجتك ماتبيك طفشت منك (هم لهم 8 سنواات مارزقهم الله بأطفال )وتقوول العيب منك عيب عليك خلاص افهم وتركها بحالها واليوووووووووم تتصل فيه وحده تقوله زوجتك تكلم اخووي وتلعب من ورااك وربي تكلمني وهي تبكي مع العلم انها ملتزمه وتخااف ربها ...انا احب اسولف واضحك واللي بقلبي على لسااني بس هي ماتحب تسولف كثير وماتحب تختلط مع احد حتى الزواجاات ماتطلع لها يعني ظلمووها وهي غافله آمنه وربي حنا بناات حمايل ونخااف الله قبل كل شي ولاحنا راعياات خرابيط بس ليش هالحقد ليش هالكررره وش سوينا ووش ذنبناا والله العظيم فكررت وسألت ومازلت ادور عن احد يعرف لي اسم راعية هالحركاااااااااااااااات ابي اعرفها ابيع نص عمري بس اعرفهااا ..تكفوون ادعوا لنا بالثبات والستر وان الله ياخذ لنا حقنا منها وانها تنكشف والله يفضحها بالدنيا قبل الاخررره الله يوفقكن يارررررررررررررب بس ادعوا ان الله يوريني فيها عجاايب قدرته ..

معقوله تكون تقرب لنا وحنا ماندرري والله مخي انلحس مدري ماعرف عدووي من صديقي تخيلوا صرنا مانطلع لحد حتى امي اروح لها مرره بالاسبوع مع ان البيت قدام البيت بس حريم اخواني عيونهن علينا انتن على كيفكن وانتن ازواجكن مايقوولون لكن شي ويسفرونكن وين مابغيتن وكل العالم فاتحه عيونها علينا مع العلم ان زوجي وزوج اختي مدلعينا ومايقصرون معانا وين مابغينا قالوا يالله .. وش تشورون علي والله محتاره ومن تتوقعوون ؟؟