شاركي في النقاش

سجلي الدخول لإضافة تعليق.

التعليقات

114
  1. @ghrob_akht_shrok

    بامانه سالت زوجي وقال


    قوليلها هو رايه مثل اخواته يعني

    زوجي عنده 5اخوات من ابوه 3منهم خجولات وحياويات ويالله تسمعين هرجهم اذا هرجة معهم حرمه كلمه ورد غطاها هذول تزوجو ماشاء الله وعدى نصيبهم بخير

    2هذول جرييييييييييييئات وراعيات مزح كثير وهرج وبربره وجرئه زايده في مجالس الحريم والبنات فالحريم يخافونهم حتى مرة عمهم رفضت تخطبهم لاولادها تقول والله لبغيرن عيالي ويكرهون عيالي فيني ذول متسلطات السنتهم طويله مايحترمن ازواجهم باكر
    لذلك اقولك خليك حياويييييييييييه حيل خلي هالصفه فيك على قد السؤال جاوبي الحشمه والادب تدفع الناس وترغبهم في البنت اكثر ويمدحونها لولدهم اكثر يالله اعطيني ربع المهر بعدين هاه اعطيتك سر الخلطة

    الله يفرحني فيكم وفي اخواتي واخوات زوجي عاجلا غير اجل يارب
  2. @kl_alkhyr

    من غير مانسال ازواجنا
    هذه ارزاق مقسمها رب العباد
    وامر الله كله خير تاخر الزواج او الانجاب او المرض او المصائب او المشاكل الزوجية
    لوكل انسان نظر لهابانها خير من الله بيعيش اسعد انسان
  3. @kr_aayn

    ابي افهم بس ليش السؤوال للمتزوجات بس !! حتى بهذي مطرودين البنات << امزح معك عارفة انك تبين راي الرجال لأنه هو يتخذ قرار الزواج من عدمه بس يكون في علمك لو القرار بيده 100% كان تزوجوا كل البنات

    اما اذا كنتي تبين تعرفين تفسير الرجل للي في مثل حالتك ريحي بالك مجتمعنا واحد رجالهم وحريمهم وهذا شيء نادر انهم يتفقون
    لاتخلين للشيطان مجال يدخل عليك ويفسد ايمانك بالقدر خيره وشره


    يعني بالعربي مافيه سبب يمنع انك تنخطبين بالعكس احمدي ربك بتقولين ليه ؟
    اقولك ربي راحمك
    من البنات تنخطب ويرفضون اهلها طمعا في راتبها او يبونها تخدمهم
    وغيرها تعقد وفي النهاية يتفركش كل شي وتبقى في نظر المجتمع باسم مطلقة بعد العقد
    وغيرها تتطلق بعد ايام من الزواج وتكونين بنت ماتزوجتي افضل في منظار المجتمع من المطلقة

    لا تدخلين احد من الناس بتفكيرك مارح تلقين شيء يقنعك ولاتنسين ان شياطين الانس يفرحون بتسخطك على قضاء الله

    ولا تسألين ليه محد فكر يخطبك انتي مادخلتي في قلوب الناس وعرفتي انهم مافكروا يخطبوك !!
    يمكن كثير فكروا يخطبونك بس ماخطبوك وهذا خير لك

    اسأل الله لي ولك ولجميع المسلمات الخيرة في جميع امورنا .. و ان يزيدنا ايمانا بالقدر والرضا بعد القضاء
  4. طبعا كل شيء بارادة رب العالمين ..وربي ماراد لحد الحين
    لكن مايمنع انك تتحرين اوقات الاستجابة ..وتكثر ي من الاستغفار ..والصدقه لو بالقليل
    والواحد يتوكل على الله ويأخذ بالاسباب ...يعني زي ماقالت وحده من الاخوات كلمي خطابه وماراح تخسري لو ماعجبك لا تقبلي
    وبعد ممكن تكون علاقاتك محدوده بالناس وهذا سبب مهم واشوفه كثير ياخر الزواج مو مثل اللي علاقاتهم كثييرة
    وربي يوفقك ويعطيك اكثر من اللي تتمنين
    ولا تخلين المهم هو شغلك الشاغل سبحان الله اذا نسيتي الموضوع يصير من نفسه.. بس افعلي الاسباب

تابعي تجارب أخرى من هذا القسم.