شاركي في النقاش

سجلي الدخول لإضافة تعليق.

التعليقات

12
  1. أختي انا الصراحه درت اماكن كثيرة و استقريت على :

    الستاير اذا تبين حركات حلوة و أشياء جديدة عندك مفروشات عالي و فدك الصراحه درت و درت ورجعت لهم لأني مالقيت شئ أحلى منهم بس أسعارهم مو رخيصة خاصة مفروشات عالي لكن الشئ اللي تستلمينة شئ حلو و راقي و الكل بيسألج من وين

    الكراسي عندك فدك و ماجستيك

    المغاسل روحي إيلامس الصراحه عنده أشياء حلوة و أفكار جديدة بس غالي ... بس على الأقل انتي روحي عشان تاخذين فكرة و اذا حسيتي انه غالي حاولي تدورين شئ نفس الفكرة من محلات ثانية.

    قطع الزل الصراحة احنا خذناهم من السعودية من مرينوس اشكالهم حلوة بس زوجي ماعاجبينه احين يقول غلطنا يوم خذيناهم لان يوم استخدمناهم حسينا ان جودتهم لج عليها
  2. صاحبة الموضوع
    ما شاء الله عليكم خواتي

    صدق صدق ما خذلتوني

    ماتوقعت بفتح الموضوع وبلقى الردود السنعه

    بس ما قلتوا لي اسعار اطقم الحمام كم؟

    لان ناويه احط ميزانيه للشقة كامل وبعدها نبدأ بالشغل
  3. @bhryny999

    اطقم الحمامات عندج درويش مثل ما قالوا البنات حلو

    انا اخذت لي من دلمون حلو بعد

    وطقم الجلوس

    اخذت لي من هوم ستور حلوين وسعرهم زين وترى اذا تكلمينهم بعد يسون لج تخفيض محترم واسعارهم في حدود 300 و400

    وعندج هوم سنتر وبعد مفروشات العدلية حلوين ومفروشات احمد شريف بعد

    غرفة النوم

    مفروشات سولا بس بصراحة حدة عقار هو صج حلو ان يسوي لج اللي تبينة بس مو زين

    افضل شي انج تفترين شارع السهلة حق الاثاث شكثر فية محلات وعندهم بعد اشياء حلوة

    البيت الخليجي اعتقد اسمة جذي حلوة غرف نومهم واسعارهم في حدود 400 و 500

تابعي تجارب أخرى من هذا القسم.