الجزء الثالث لديوانية الاخوات الي يعمرون بيت العمر

السلام عليكم..


كيف احوالكم بنات..

اللبارحه واخيرا حصلت فرصه استكشافيه لمحلات الجبس ..

افتر راسي صراحه وكل محل يمدح الي عنده والي عنده ماعند غيره .. والاسعار تتفاوت بعضها تفرق وبقوووه .. ماادري من زينهم ولاا بس للشهره..

ان شاء الله هل الاسبوع اذا حصلت فرصه اول الاسبوع بكمل بحث .. والله يعين.


غلا الروح

كيفك ان شاء الله منيحه


بالنسبه لاسئلتك


السؤال الاول ....

وش احسن نوع لمكيفات الاسبليت ؟

بالنسبه للتكييف السبلت ميتسوبيشي وتوشيبا نتيجه لتجربه صرااحه جدا زين ومعمر.. لاني جربت كرافت كللش ماينفع في البدايه بارد بس بعدين تغيير كل شي.. بعد سمعت يمدحوون اوجينرال.. صراحه ممتاز بالنسبه للشباك.. بس التكييف السبلت في من يمدحه.

السؤال الثاني ....
هل ورق الجدران يصلح مع الاثاث الستايل المودرن ولالا ؟

طبعا يصلح.. البارحه مع لفتي الاستكشافيه .. لموديلات الجبس والديكور.. طبعا حاطين كتالوجات ورق جدران.. طار عقلي من اشكالهم.. وفيهم السميك الملمسه وشكله تقولين جلد وفيه الورق العادي .. وحاجه كانها ربر طبعا الا سعار تتفاوت على حسب السماكه والنوعيه.. تطيير العقل بالاخص القشات المودرن.

بالنسبه لي كنت ناويه احطه في المجلس ان شاء الله اراد وغرفة النوم الرئيسيه .. والحلو في الورقالجدران يفكج من اختيار عفسة الصبغ بس المو عملي في كل الاماكن.

السؤال الثالث ....

وش احلى لون للباركيه لغرفة النوم الرئيسية اللي يناسب جميع الغرف بدرجاتها متوسطه ولا فاتحه ولا غامقه ؟

اعتقد تقدرين تحددين هل الشي من عاملين مهمين مساحة الغرف ولونها.. بس انا افضل الغامق.
شكله افخم واحلى بس الاطفال طبعا الفاتح يكون فرايحي اكثر
السؤال الرابع ....
ابغى موديلات لغرف الاطفال تناسب للاولاد ؟
انا ماايد الي يسوي غرف اطفال طفوليه جدا.. لا نه العيال والصغار مصيرهم يكبرون ومومستعده اغير كل سنه..


والسؤال الخامس ....

هههههه والله تقدرين تقولين مو فاضين وخلصت الفلوس..

وقت الدوام مزعج محاظراتنا ماتخلص الا العصر.. وصعبه جدا ادخل النت وارد.. ممكن اتصفح على سريع..


لينا..

الصيغ في الشتاء ماينفع صدقيني راح تندمين..

السلام عليكم يابنات كيف الجميع وماشاء الله ا لديوانية مشعللة بفضل الجدد وحياكم الله
مغرورة بحبك
سئلت عنك العافية وتسلمين ياقلبي والله حايسين ومشغولة اتابع وبس
مازلنا في مرحلة الدهان وبدانا جولة البحث عنالادوات الصحية بس اعوذبالله غلا مش طبيعي الكراسي الاوربية بجميع ماركاتها فوق الالفين والصيني ماودي اخاطر وناخذه فاليت اللي يعرف شي عن هالمرحلة يفيدنا
غلاالروح
كيفك والدهان اناواياكي مع بعض والتقليم الحمد لله طلع روعة وعيالي انجنوا عليه وعسى اعجبك اللي خلصتي من دهنه
بالنسبه للمكيفات دايكن بس رافعين اسعارهم مره وكذلك فوجي وهي غالية بس ابعدي عن ال جي في كل شي مااحبها ابدا
والباركية انا بعد ابحطه واللون على حسب لون الدهان اذافاتح غمقي وبالعكس انا كذا مقررة باذن الله
وورق الجدران جميل افضله فقط في غرفة النوم الرئيسية اماللاطفال فلالالالالالالالالالالالالا
وغرف الاطفال لاتحطي طفولية بيكبر وتضطرين تغيرين واحسها مملة

هلا بالجميع

لكم ولهة

عاد تدرون هاليومين الظروف الدولية شاغلتني وكلن يبيني من جهة احل هالمشاكل :)

البنات جميعا بلا استثناء

أسأل الله لكم في هذا اليوم المبارك أن يسهل أموركم وييسر بناءكم و قر عينكم ببيوتكم .............

نجي للبنات

عطر الليالي المخطط مواضح كثير الجزء اللي عاليسار ياليت توضحينه وما يصير خاطرك إلا طيب .....

مملوحة ليش
انا والله ارد عليك يالغالية وبالنسبة للشفاط ان شاء الله رتوش فادتك


أم عمر

الله يعينك عاد المناوبة كرييييييهه


غلا غامد

هلا بالطش والرش
بس وين العقوبات اللي بتنزلينها على الهاربات والغير ملتزمات بالحضور ؟؟؟؟؟؟؟؟؟؟
يله كل وحده منهم تسدح عمرها ( يعني كم عمرها ) ؟؟؟؟

رتوش
لا تقاطعين :44:

سفر فر

الله يعونك شغل البيت متعب


رقي
اهم شي خلص المخطط راجعيه زين قبل ماتودونه المهندس


أميرة الشوق
الله يرجعه لكم بالسلامة
بس ما هقيتك تهدينه كان خذتي اجازة ورحتي معه :)


مغرورة
شخبارك يالغالية
وشكرا عالسلام الحار :)

أم علي وعزيز\
خلاص اذا خلصت البحث عطيني النتائج :)

غلا الروح
فوشي

انتم الثنتين بالذات يبي لكم صفحة ارد عليكم فيها
بس زعلانة ............ لاتسألون ليش
أبي رضاوة
شدوا حليكم
مو أي شي يعجبني :)

نوضاء

ما اقدر افيدك عن الادوات غير ان الصيني بعدي عنه
واي مرحاض تاخذينه لاتقل فتحته عن 3.5 او 4 بوصة
فيه موضوع حلو بالمهندس شوفيه


أي وحدة ما رديت عليها
تسامحني تراني مو مجمعة
دعواتكم يابنات

نوضاء

الله يساعدكم.. صراحه انتي في اصعب المراحل

سجى..
هل والله. كيفك


بالنسبه للبحث رااح اعطيك المحلات الي رحتهم.. والفرق بين اسعارهم..


اول مارحت حقالسماعيل للديكور الي في شارع مطعم توباز..

صراحه اسعاره للجبس حييل غالي.. العادي الساده ناسسيه بكم.. بس اذا فيه اكثر من ليفل 120 وفوق طبعا الحلو عنده يركب خشب..
ومايفضل يصبغ على شكل خشب

بس هذار الله يهداه المصري حسيت نفسي في محاظره بالكليه بس لما طلعنا ودخلت على باقي المحلات احس استفدت من محاظرته

عيبه انه مافي صور للواقع كله مخططات ومافهمت منهم شي ولا واضح الحلو من المايل


.. بعدها على طول جنبه الديوانيه.. محل شكله على قده واسعاره فرق حيييل عن السماعيل العادي الساده 75 اما الي فيه اكثر من ليفل 95 ريال.. طلع لنا كاتلوج قديم ومو حلوه زوجي قال ابي اشوف حاجه منفذه وورانا بعض صور البيوت الي هو مسويهم الحلو فيهم طبيعيه وعجبني شغله..

بعدها رحت لمحل على نفس الشارع بس الجهه المقابله اسمه ديكو تك..

هذا لما رحنا له قال كل الصور في الاب توب والحين مو عنده طالع فيه المهندس وعطانا كرته على شان نتصل عليه ونشوف

بس ها سعره متوسط بين السماعيل والديوانيه

يعني اغلى شي عنده 105 للمتر

بعد عند ديكو تك والسماعيل شفت ورق جدارن يجننون تنهبلين عليهم..
بس السماعيل ماعنده الا نوعين الايطالي والالماني.. وسعره وااحد 75 ريال

اما ديكو تك فعنده اسعار متفاوته تلقين 75 والي بـ55 ريال..

جينا بنروح يوسف للديكور بس ماكان في وقت..
بعدين مرينا جبل لبنان الي يم سكيكو.. بس كللللش ماعجبني..

..

اي صح
احنا نسال ونستكشف..

ناس قالوا لنا في كوشن بالمبرز جهة النزهه يم كوش الجوري حلوو تصاميمه.. والحلو فيه انه المصممه من الجبر.. يقولون شاطره..
ان شاء الله بزوره وبشوف

ومدحوا بعد زوايا الي جنب لوران وباسكن روبنز.. يقولون تصاميمهم حلوه ومبتكره واسعارهم ممتازه بالنسبه لشغلهم ان شاء الله لقدرت بروح وبشوف