ماهو علاج إفرازات العين مثل الدموع و ( الغمص ) للطفل المولود

ماهو علاج إفرازات العين مثل الدموع و ( الغمص )
بنتي مسكينة اول ما تقوم ما تقدر تفتح عينها
عمرها شهرين
ومشكوره للي ترد

علما ان بنتي مولوده بالثامن

18 تعليق 253,645 مشاهدة

شاركي في النقاش

سجلي الدخول لإضافة تعليق.

التعليقات

18
  1. @am_rzan21

    الله يخليلك بنتك ويشفيها
    وديها لدكتور عيون
    وحده قالتي عن ولدها مثل بنتك على طول افرازات وسوا له عمليه في مغربي راحوا لكذا دكتور وماسوى له شي وكان عمره صغير 4 شهور
  2. @ryan_alaaod22

    انا ياختي لما جت الافرازات لولدي مابقيت شي ماعطيته من ادويه لكمادات دافية
    لكن مانفعت كثير واللي ناسبه الحمد لله ويمكن من اول مرة هوه حليب صدري
    والطريقة قالتلي عليها امي الله يحفظها وهي انك تقطرين بمناديل ولاقطن من حليب
    صدرك وتمسحين فيها على عينه
    والله ياختي ماتصدقين انا ماسويت الطريقة بالضبط
    لا بالصدفة وانا ارضعه وصدري كان مليان ونزلت قطرات منه
    على عينه ووجه كله فمسحت بالمناديل ومن بعدها الحمد لله عينه طابت:32:
    بس لو كان الدكتور قاللك ان في عيونه شي من ولادته فوديه المستشفى اضمن
    بس لوكانت حالته بسيطه بس دموع وغمص جربي طريقتي
    وان شاء الله اكون افدتك


    ادعي لامي تقوم بالسلامه وان الله يسهلي ولادتي
  3. حبيبتي بنتك معها انسداد في القناه الدمعيه
    ولازم تنظفين بنتك كثير بمناديل او قطنه مبلوله
    واذا سكرت عينها من الغمص حاولي تدهنينها بشوي فازلين وتبدا تفك معك عموما هي يبغى لها تدليك
    ولازم تراجعين دكتور بيعطيك قطره واحيان مرهم للعين
    وتستمرين عليه فتره اذا تحسنت ولا يضطرون يسوون لها عمليه
    انا الحمدلله بناتي مع التدليك تحسنوا ولله الحمد
  4. صاحبة الموضوع
    ريانة العود22
    انا ياختي لما جت الافرازات لولدي مابقيت شي ماعطيته من ادويه لكمادات دافية لكن مانفعت كثير واللي ناسبه الحمد لله ويمكن من اول مرة هوه حليب صدري والطريقة قالتلي عليها امي الله يحفظها وهي انك تقطرين بمناديل ولاقطن من حليب صدرك وتمسحين فيها…
    ودي اودي بنتي لدكتور لأن جاها ابو صفار وهي توها مولوده وعطانا الدكتور موعد عن دكتور العيون والى الحين ما وديتها

    وبالنسبة لحليب الأم اتوقع ان فيه فايدة بس خايفة ان في عين بنتي التهاب اشوفها تحمر شوي

    الله يقوم امك بالسلامة ويسهل ولادتك يارب
  5. @ryan_alaaod22

    ياحياتي اذا الدكتور قالك بلسانه ان عيونها تعبانه وفيها حساسيه اوالتهاب او القناه الدمعيه فيها شي لازم تعرضينها على طبيب عيون فالافضل توديها عشان تطمنين
    لكن لاتتوهمين ولاتهوجسين لان الاصفار يجي لكثير اطفال ومو خطير وافضل لو تحطينها تحت لمبه وخليها تركز شوي فيها هاذي الطريقة هم بانفسهم بالمستشفى يسوونها
    والله يطمن قلبك عليها ويشفيها يارب

تابعي تجارب أخرى من هذا القسم.