الغدا عيش محمر وسمك صافي مقلي (مصور)

قد يحتوي هذا الموضوع على محتوى غير مناسب. عرض الموضوع
عيش محمر وسمك صافي مقلي


السلام عليكم



الله يسلمكم هذي اكلة خليجية :)

اكثر شي يستخدمونها في الغبقات الرمضانية ويحبونها :arb::arb::arb:

الطعم لذيذ

وذاك اليوم اشتهيناها وسويناه عالغدا


الطريقة

نحمر السكر في القدر بدون زيت طبعا

اذا تحمر نضيف عليه الماي وحبات من الهيل واعواد الدارسين وكم حبة قرفة وحبة زبدة ونخلي الماي يغلي

اذا بدا بالغليان نضيف العيش ونخليه يطبخ مثل المجبوس

آخر شي نحمس بصلة مفرومة مع حب الرمان في الزيت وننثره عالوجه ونقدمه مع السمك الصافي المقلي

&&&&&&&&&



ننظف السمك الصافي ونبهره ونقليه ونقدمه وهو حار



يتبــــــــع.....:26:

187 تعليق 32,668 مشاهدة

شاركي في النقاش

سجلي الدخول لإضافة تعليق.

التعليقات

183
  1. @nor_alfgr_4

    صاحبة الموضوع






    سويت عيش ابيض لان ولدي الصغير ما ياكل المحمر



    بس يكبر بياكله ان شالله



    لان كلنا ماكنا ناكله واحنا صعار:):):)





    &&&&&&&&&








    قدمت معه سلطة الجرجير



    ( جرجير مقطع وحطيت عليه ملح وفلفل اسود وسماق وليمون وزيت زيتون)








    والجهة الثانية جرجير عادي مغسول بدون تقطيع


    &&&&&&&&



    السفرة كاملة








    الف صحة وهنا:26:

تابعي تجارب أخرى من هذا القسم.