تدرون وش سوت أم زوجي؟؟؟؟!!

بغض النظر صاحبة الموضوع كانت غلطانه او مغلوط عليها

الواضح ياصاحبة الموضوع ان هذه ردة فعل تراكميه يعني جمعتي مواقف كثير ماحسيتي فيها بالخصوصيه
وطلعت كلها بهالموقف هذا اللي شافوه البنات بسيط ومايحتاج ردة الفعل هذه منك صح والا انا غلطانه :42:

عشان كذا عالجي الامور من بدايتها وحافظي على خصوصيتك من غير ماتضرين احد
من حق كل واحد انه يكون عنده خصوصيه من كنا اطفال وحنا نبي غرفه بلحالنا وعندنا امور خاصه حتى مانحب نشرك اهالينا فيها
اكيد انتي حاسبتها بمقام امك بس برضو الواحد مايضيع عمره يدور رضا الناس ويعجز وهو مايقدر يلبس او يطلع مشوار الا مستأذن وعامل حساب الغير ويمكن مايقدرون اللي سواه

اعرف بنات يبون العرس باي طريقه عشان تفتك من تحكم اهلها بطلعات السوق وغيره وش السواه ان طاحت بناس اغراب ويتحكمون بعد :o

انا رحمت ام زوجك لانها مسكينه وارمله وتكسر الخاطر صراحه ورحمتك بعد لانك تحملتي مواقف كثير حنا مانعرفها وطلعتي الحره كلها بموقف واحد بسيط ظلمك عند البنات وحطوك شريره :eek:
واكبر دليل انه زوجك مشاهها وعدى الامر وكأنه يقول معذوره زوجتي
في ردود كثير رائعه زي رد نبض الوفا وغيرها من البنات وموفقه

كلمتها هذي مره مؤثره وكاني اشوف عيونها الان وهي تقولها
ابقول بس نقطه وانتي افصلي الموضوع
ترى الارمله سبحان الله تحس بفراغ كبير الزوج مايحل محله احد ابد ..يطول الوقت (وخاصه الليل)بشكل مخيف حتى لو انها من الصبح الى الليل طلعات
يظل فيه شئ ماامتلا مكسور الله يجبرها الضعيفه ويعوضها خير ويملا قلبها يقين ورضا وصبر
وزوجك تصرفه حكيم صعب يقول لها شئ والله يعطيك من فضله لان كل شئ سلف بهالدنيا
ماقلتي عن تعاملها اذا هي تعاملها محترم معك فهذا جيد ومافيه شئ كامل

اما بالنسبه لغرفه النوم فانا معك بس نصيحتي تقفلين غرفه النوم علشان ترتاحين اقصد وانتم فيها لانه صراحه مافيه احد ينام والباب غير مقفل
والله يسخر لك:: :

احمدي الله انا عمري صغير ومتزوجه واهل زوجي اخواته وامه كانهم عقارب عليه وام زوجك انتي كلمي زوجك وقوليله انا حابه ندخل ونخرج لحالنا ومعليش يمكن انتي من البدايه اعطيتيها مجال تدخل نفسها في مالا يعنيها ولو كلمتي زوجك من البدايه كان عرف اختي وربي يعينك ويسعدك ادعيلي وانا ادعيلك انا زوجي مسمعنجي ويتسلط من اهله كتير وينقل كلام قولي الحمدلله وربي يسهل امورك وامورنا

وصادقه الاخت اللي قالت كدا بلا ارمله بلا غيروا يعني هيا زوجت ولدها عشان تخش راسها في كل شي بس انتي لازم تفهمي زوجك وتقوليله اللي يعجبك وما يعجبك انا كدا والله في وجهه لقيت انه لمن اللمحله مانفع سرت في وجهو على طول ولو ماسمع اقله انا اتصرف دحينه سار يخاف اني لا اتصرف معاهم بكيفي وهوا السبب كمانه ولا تعطيها وجه اخصريها ولازم تفهمي زوجك لو كان طيب معاكي فهميه بطيب مثال قوليله حبيبي انا داكه اليوم جيت خارجه معاك وماقدرت عشان ماما كانت خارجه معاك معليش ماما او عمتي على عيني وراسي بس كدا ماينفع كل خرجه نخرجها وهيا تجي معانا انا اضايق ومااحب كدا وانا والله احب ماما او عمتي كتير بس يعني مايسير كدا قوليله انا مني جايه اشتكي بس قلت حبيبي افتحلك قلبي لمن ماافتح قلبي ليك افتح قلبي لمين يقوم راسه يكبر ويقلك ابشري من عيوني دا لو كان طيب معاكي

وسامحيني طولت مررره بس حسيت بالقهر مرررررررررررررررررررررررره وكانه انا

اشك ان اللي كاتبه رد مثالي تسوي اللي تكتبه اخاف انهم من ( يقولون مالايفعلون ) ...

ترى حنا حريم غالب الحريم نفسياتهم زي بعض ..

واللي ماجربت ولاعندها حماه ماتدري وش السالفه ..

والله يافي حماوات سم ..

الله يكفينا الشر