يابنات كتبت موضوع سابق اني بديت الرقيه وتعبانه وابكي ومتضايقه واحس ماني قادره اكمل ومن الساعه 4 الفجر الى 12 يزداد خوفي ويضيق صدري اكثر واحس باعراض تعب لدرجة تنفسي احس فيه بصعوبه ومادري اش معنى هالوقت انا اقول يمكن لان الكل يداوم وانا اجلس لوحدي عشان كذا تزداد الحاله
وابي نتجمع هنا ونشجع بعض لاننا راح نحس في بعض اكثر 0 صحيح احس زوجي يحاول يساعدني بس ماراح يحس فيك الا اللي يحس باعراضك ومجربها
انا من قبل ابدا الرقيه بدأت الحاله عندي من خوف وضيق وكره للاكل ( قاعده اكتب لكم وانا ماكلت بعد غداي امس والحين الساعه 2 الظهر ) بس احسها بعد الرقيه زادت وصرت احس بغثيان وصرت اتضايق اكثر
اللي تبي تبدا معي تكتب وش تحس فيه ووش الاعراض اللي خلتها ترقي نفسها ووش تحس بعد الرقيه
الله يشفيني وكل مسلم يارب العالمين
شاركي في النقاش
سجلي الدخول لإضافة تعليق.
التعليقات
45- عادي اختي اعراضك
وكمان بتحسين ببروده الاطراف
وضيق بالصدر
وتثاوب كثير ودموع كثيرة
لكن استمري
الله يحفظك - حبيبتي كل ماتحسين به اثناء القراءة هو دليل على انك تستجيبين للعلاج
ونصيحتي داووومي عليها وعلى قيام الليل والدعاء وابشري بالخير
وازرعي التفاؤل في نفسك فبالطبع هو ابتلاء من خالقك
ولاتجعلي للشيطان عليك مدخل
شفاك الله ياالغاليه - انا مثلك قلق وتوتر واحلم فيهم بالليل يؤذوني ويؤذون عيالي بس خلاص قررت احارب التعب والمرض وصرت كل يوم اقرا جزء من القران بعد صلاة الفجر وتعبت م الالام وزادت بشكل فظيع ومع المداومه والاستمرار خفت بشكل ملحوظ حتى زوجي لاحظ هالشي
- موضوع مهم جزاكم الله خير
انا مثلكم احس بخوف رهييب اثناء الحمل لدرجة انه يرفع النوم عني واحيانا ما انام الاساعه اوثنتين باليوم
واحيانا ما انااااااااام
الكل يفسره بخوف من الولادة لكنه استمر بالنفاس بشكل قوووي وزاد الاكتئاب وضيقة الصدر
اخذت مضاد اكتئاب وخف الاكتئاب بس الخوف لاءء
لين صرت اررررتعب من الحمل ومن منظر الحامل احسها قوووية وبطلة اللي تحمل
واستغرب لما اشوفها تضحك او تتراقص احيانا
زوجي الان وده احمل بس انا مرعووووبه
رقيت نفسي عند شيخ مدة اسبوع ماحسيت بشي عقبها تركت نفسي 3 سنوات
وصرت اخاف من الصوت العالي ومن اشياء راح تضحكون علي لو اقولها
وهي لما اشرب تجيني لحظة خووف وكمان لما افرش اسناني
كمان لحظة ما انام احس بخوف وايضا لحظة صحياني من النوم..اكون كأني مفزوعة او مقومة على صوت عالي لدرجة اسمع نبضات قلبي
دلوني..هل هذي اعراض عين ولاحالة نفسية تحتاج دكتورة نفسة..؟
وان احتجت دكتورة هل اروح لستشارية تعطي ادوية او اخصائية نفسية تجلس وتتحاور معي...؟
ونداء لبنات الرياض الطيبات ابي شيخ يقرا يكون من اللي يحس بك اثناء القراءة ويحدد نوعية تعبي هل هو عين او حالة نفسية..
ارجوووكم ردوالي خواتي ربي يسعدلي قلوبكم ولايوريكم الشر
وودي رد سريع الله يعافيكم لانه احتمال نسافر برا قريبا للدراسة وراح نطول..وانتو عارفين هناك مافي قرائين ولاشي
اسألكم بالله العظيم تردون لي باللي تعرفون
والله لايحرم كل وحدة تفيدني من نعمة الصحة والعافية والراحة النفسية
اسفة اختي صاحبة الموضوع على مداخلتي ..
و - جزاكم الله خير على المشاركه في موضوعي وبارك فيكم
اختي رائعة الكلمه الله يشفيك ويشفيني ومرضى المسلمين اجمعين
مواضيع مشابهة
تابعي تجارب أخرى من هذا القسم.