عزيزتي شوفي
مشكلة الطلعات عندي لك كم حل ودي
راح تنفع معك باذن الله بس انتي سويها وشوفي
اول شي لو بغيتي تطلعين انتي وزوجك
صعبة انك انتي او زوجك تقولولون لها لا تجين معنا !
قوية وكسر كبير لخاطرها ..
ولا تقدرين تسوين برضو زي حركات بعض الحريم
بالخش والدس تاخذين نعيلاتك وتنزلين مع الدرج بشويش !
همن لا دورتكم المسكينة تكتشف انك تغافلتوها وطلعتو
برضو كسر لخاطرها احساس شين اقدر احس فيه
وانا توي ما بعد جاني عيال وجربت حريمهم
شي حلو + سهل + يدل على انسانيتك انك تحسين بمشاعر غيرك
احسن حركة لو تبين انتي وزوجك طلعة لحالكم
تخلينه يحطك عند اهلك ( ما اظن بتقول بروح معكم !) تقعدين عند اهلك كم ساعة
ولا جا المغرب ولا العشا ياخذك تروحون للي تبون !
هذا الحل
الحل الثاني هو طريقة تخلينها فيها هي تبادر
تخليكم لحالكم .. طرت ببالك دونات( مثل حالتي الحين ) ولا شي زي كذا
بدل ما تروحين انتي مع زوجك روحي قولي لها :
خالتي فلان بيروح يجيب لنا عشا حابة تروحين معه ؟
اكيد بتقول اي .. واتوقع بعد تقول تعالي معنا ( يا حبي للحريم
الكبار وطيبتهم ) قولي لا خالتي انا ياما رحت
ابيك تاخذين راحتك مع ولدك .. سويها كم مرة .. وشوفي بعدين
تلاقينها باذن واحد احد اذا جا بيطلع تقول لك روحي انتي معه وتجلس
هي بالبيت عن طيب خاطر ..
بخصوص مشكلة الغرفة والدخول بدون استئذان
هذي برضو حلها سهل وهو المواجهة
بينك وبينها وباسلوب ذوق قولي معليش خالتي
\انتي على عيني وراسي بس ليتك ما تفتحين غرفتي
علي فجاة ترى ما اكون مستعدة اقابل احد لو زوجي
فالله يرضى عليك طقي الباب قبل لا تدخلين
وبس .. يا قلبي ترى الامر هين المصارحة هي اول شي
تسوينه قبل تزعلين خصوصا لما يكون الشخص يسوي الشي بعفوية
مشكلة اهالينا ما عودونا على المواجهة والمصارحة
عودونا على اللف والدوران الواحد يقدر يحكي بالظهر
بس ما يقدر يواجه
شوفي بقول لك شغلة لعل وعسى تحنن قلبك اكثر عليها
وتتشجعين تطبقين نصايحي
ترى الحريم الكبار يحبون المشاركة .. وبشكل عام كبار السن
من يكبرون بالسن وهم يحسون بوحدة لان كبر عمرهم
يخلي الناس نوعا ما ينبذونهم ما لاحظتي هالشي بمجتمعنا ؟
فما بالك عاد لو مات شريك حياتهم ..
عشان كذا تلاقين يدورون احد يشاركهم لقمتهم وضحكهم وسوالفهم
ام زوجك تقدر تفتح التلفزيون ولا الرادو ولا تقدر تروح الملاهي ولا اي مكان
لحالها .. بس هي تبي تحس بالمشاركة تبي تحس ان اي شي
تسويه في احد يشاركها اياه .. واختارتكم انتو رجاء قدري هالشعور
شوفي ترى الحريم الكبار نوعين في حريم
من عصر السبعينات والستينات يتصرفون بعفوية مطلقة
توصل للاتدخل بخصوصيات الناس .. هم يسوون هالتصرفات ومو عارفين
انها تضر غيرهم .. وفي حريم يكونون يسوون هالتصرفات وهم يدرون
انها تضر غيرهم ! بس ما يهمهم .. ما اتصور ام زوجك من هالنوع
ام زوجك من النوع الاول والي خلاني اتاكد اكثر يوم قالت لك :
طيب تروحين وانا اقعد ؟؟ مسكينة واضح انها ما كانت متعمدة ابد تضايقك
عزيزتي نصيحة اخت لوجه الله
سواء ام زوجك ولا غيرها .. دايم ابدي حل مشاكلك
بطرق ودية .. لا تبدين بحرب وضرب ...
وترى الطرق الودية ممكن تنفع بحل كثير من المشاكل
بس حنا ما نحب نجي غيرنا باللين والذوق يركبنا الزعل
ولا نتعوذ من ابليس .. ابدي بالطرق الي قلتك وان شالله
منتي شايفة الا كل خير
البنات الي يقولون والله النشبة !! اتصور لو هي امكم ما قلتو هالكلمة !!
هالحين وهي ام + مجرد ام من الامهات الي تعبو بتربية عيالهم +
ماهي قاصدة الغلط .. قلتو نشبة !! اجل شلون تعاملكم مع اهاليكم
انا بلغت عن ردودكم ولو اني لو كنت مشرفة كان على طول تنبيه !
خوش جيل والله !!حتى الام ما يعطونها قدرها لو بالكلام QUOTE ]
تسلم ايدك ياعسل
ولصاحبة الموضوع أقول ترى الدنيا دواااااااارة..........................وبس!!!!!
تدرون وش سوت أم زوجي؟؟؟؟!!
متابعة النقاش، صفحة 17