•°• كبرياء الرجولة في ذل المرأة •°•°*

السلام عليكم ورحمة الله وبركاته








بصراحه ماأحب المقدمات..


لكن في شي قاهرني ومستفزني:44:


وان كنت مخطئه صحوني ووعوني



ليه فيه حريم تذل نفسها لزوجها !!



يعني مثلا تلبسه الله يعزكم الحذاء ولاتبوس راسه


انا ماعندي مشكله احب راسه ويده لو يبي


واقص له اظافره لكن هالشي بيني وبينه:arb:



لكن شفت منظرين بصراحه

ماعجبوني ابدابد


وحده تربط الحذاء لزوجها ونازله لين رجلينه



والثانيه تحب راس زوجها وقدام الناس والمشكله


بدوله اغلبهم كفار وكل نظرتهم بنفور


انا احس انها اهانه للزوجه يعني في اشياء نختلف معهم فيها



ليه نظهر انفسنا كن المرأه ذليله للرجل



اتمنى تطرحون ارائكم من غير تجريح باحد :)


16 تعليق 1,375 مشاهدة

شاركي في النقاش

سجلي الدخول لإضافة تعليق.

التعليقات

15
  1. @alhmdllh_4

    ممارسة هذي الأشياء بين الزوجين عن رضا وحب ..

    أرى أنه شيء جميل ..

    لكن أمام النــــــــاس ..لاأحبذ سواءآ كان عن رضا أو عن أكراه



  2. @aldoaa_alshard

    وعليكم السلام ورحمة الله وبركاته

    شوفي أختي إنتِ فسرتيها بدون ما تدري وش ظروفهم
    يعني أنا أقولك موقف صار معاي ومع زوجي اليوم ومتأكدة اللي شافونا ممكن حكمو علينا نفس حكمك
    كنا بالمستشفى وطاحت مفاتيحه بالأرض وكان يكلم جوال فأنا جبت المفاتيح من الأرض وكمان غطا كان طاح مع المفاتيح
    السبب زوجي مسوي عملية بظهره وممنوع إنه يركع أو يحني ظهره
    واللي شفتيها تربط الجزمة لزوجها تلقي زوجها مسوي عملية لأن كثير من اللي يسافرو للخارج يكون علاج
    واللي حبت راسه يمكن قالها شي فرحها فتصرفت على طول بدون تفكير خاصةً وإنهم بالخارج يعني محد بيهتم لتصرفها ولا بيطالع فيها

    هذا رأيي,, وأنا واثقة إنه فتح لك رؤية جديدة
  3. @ngdyh100100

    صاحبة الموضوع
    اختي حره على كف صقار..

    والله هذاالي انا اشوفه بعد :(


    اختي الضوء الشارد ..


    شوفي كلامك منطقي ومعقول والمفروض نحسن النيه


    لكن الدوله سياحيه ماظنهم جايين علاج

    والرجل شايفته يلعب بمدينة ملاهي
    مافيه الا العافيه
    ومادري وش تفسير الي حبت راس زوجها صراحه

    حتى لو مزعلته ولابتراضيه موقدام الناس!!

    موفقين.
  4. @blbon

    اختي ..اقدر وجهة نظرك بشدة ولكن..

    أليس الكفار أو الأجانب هم من بنعقون ويزعقون طوال الوقت وينادون....بالحرية..

    فلماذا لا يحترمون حرية زوجة في التعامل مع زوجها....؟؟

    هم لا يتورعون عن ممارسة الفواحش على الملأ أمامنا وفي بلادنا..!!

    ولا يخجلون من عاداتهم القذرة...فلماذا نخجل نحن من عاداتنا الكريمة؟؟

    ماتفعله الزوجة مع زوجها..هي عادات دارجة بينهم ولا حق لأحد بالتدخل فيها.

    اتمنى تقبل رأيي بود.

تابعي تجارب أخرى من هذا القسم.