ابي رساله حلوه للـ.....الموضوع مو هين يابناااات

بسم الله الرحمن الرحيم

السلام عليكم ورحمة الله وبركاته

صبحكن../مساكن..الله بالخير يالغاليااات

قبل كم يوم جانا امطار ماشاءالله تبارك الرحمن
وطلعنا نتمشى بالسياره ونتفرج عالمطر الله يديمه ويجعله سُقيا خير وبركه
وندعي ونستغفر ونحمد الله على نعمه
ومن اول هالنعم ان انعم علي بالهدايه وجعلني مسلمه ومقيمة للصلاة الله يثبت قلوبنا على دينه يارب
المهم وحنا نفرفر بالسياره قام ولدي الله يحفظه وشغل الراديو كان على اذاعة القران
وكان فيه شيخ يتحدث كان يتكلم عن الدواوين اللي تفتح على العبد يوم القيامه وقال من ضمن كلامه
ان ظلم ابن ادم لنفسه بالقيام بالمعاصي والمنكرات ممكن يسامحه ربي عليهن بالاستغفار والتوبه (استغفر الله العظيم التواب الرحيم) ماأرحمك ياربي
وفيه نوع ثاني نسيته من هول ماسمعت بعده اللي هو ديوان ظلمك للناس عن طريق الشتم والسب والغيبه والنميمه وياكثرها بينا يالحريم
هذا الظلم مايسامحك فيه ربي ولايغفرلك الا اذا سامحك صاحب الشأن ياربي رحمتك
انا بهاللحظه فهيت قلت وشلون وشنسووووي استغفر الله صارت مجالسنا كلها حش ونم ياربي رحمتك
والله ياخوات اني ضاق صدري ودي امسك كل الناس واقولهم سامحوني بس كيف مدري من وين اجيبهم هي ايام المدرسه ولا الكليه ولا الحياة كله
انا مسكت اللي حولي وقلتلهم سامحوني وقلت لخواتي بعد كيف ان هالموضوع مقلقني قالت وحده من خواتي علشان كذا الواحد اذا مات نقول نحلله ونبيحه وندعيله الله يرحمه قلت هذا البلا طيب كانهم ماتوا قبلي متى يحللوني يوم القيامه يوم كل انسان مايقول غير اللهم نفسي نفسي يوم الام تتبرا من ولدها والولد مايعرف ابوه
يوم كلن يتمسك باي حسنه يلقاها اكيد لما ربي بيقتص مني لهالشخص بيقول ماني مسامحها وياخذ من حسناتي واكيد ماراح تكفيه ويقوم يعطيني من سياته لين تطرحني بالنار اعاذني الله واياكن ووالدينا منها يارب
اللهم أيما امرئ شتمني أو آذاني أو نال مني ، اللهم إني عفوت عنه ، اللهم فاعفو. اللهم أنا عفوت عن عبادك فاجعل لي مخرجا أن يعفو عبادك عني. >>> جزاك الله خير يامرة الدب المملوح لطشت توقيعك جعله في موازين حسناتك
والله يبيحك ويسامحك يارب على هالتوقيع الرائع

والله ان السالفه مي هوينه انا حدي خاااايفه
طلبتكن اللي يعرفني واللي مايعرفني سامحوووني وحللووووووني

الحين انا جاء في بالي فكره هي اني اكتب رساله حلوه في اخرها اني ابيكم تسامحوني وتحللوني كاني اخطيت بحقكم وارسلها لكل اللي اعرفهم بالجوال >> نخفف شوي من ذنوبنا
واللي ابيه منكن تساعدني بصياغة رساله تسامح حلوووه تصلح ارسلها بالجوال والايميلات >>> تكون قصيره علشان ماتكلف وتنتشر بين الناس ونكسب اجر ينفعنا يوم القيامه


بنات لاتحسبوني وحده ماهمها غير الحش لا والله بس ماتخلو سوالفنا من هالاشيئا وهذا اللي مخوفني لان لو كلمه بسيطه ماتدري صاحبها بيسامحك ولا لا
انا مسامحه ومحلله كل شخص اساء لي او تكلم فيني او ضرني عفيت عن كل الناس ويارب الناس تعفو عني
والله يعفو عني وعنكم وعن المسلمين اجمعين ويطهرنا يوم نلقى وجهه الكريم يارب
انتظركن يالغااااااليات
اختكم المحبه لكم
قصووووووصه:27:

52 تعليق 3,492 مشاهدة

شاركي في النقاش

سجلي الدخول لإضافة تعليق.

التعليقات

51



  1. زلات اللسان قد تحرمنا الجنان...

    أخيتي..قد تكونين ممن أسأت لهم سهواً..

    فدعيني اطلب منك سماحاً وعفواً..

    وأجدد لك عهد الإخاء..

    نقياً من أسباب الجفاء..




    مدري تصلح ولا لا..

    كتبتها على عجاله..


    إذا في بالك شي معين..

    اكتبيه وأعيد لك صياغته لو تبين..



  2. @aml_oaaad_1

    الله يجزاك خير قصوص

    وربي يوم قريت كلاامك عورني قلبي انا ماتوقعت بصراحه انه الله مايغفر الين يحلله الشخص الي اغتابه
    يااااااارب رحمتك على عبادك
    ياقصوص ان شاء محد زعلان عليك ولا ضنيت انتي بذات قد اخطيتي باحد وان كان عالنميمه او الغيبه والله محد خالي الا من رحم ربي
    بس الله يهدينا ويلهمنا الصواب يالله
    قصوص الله يثبتك وينور طريقك ويعينك عالطاعه وحسن العباده
    دعواتك يالغاليه
    مشكووره عالتنبيه <<<<<والله قلبها عورها
    :44:
  3. @athyrothyr


    مشكووووووووووووووره على الموضوع الحلو والله من جد الغيبه ذنبها عظيم

    لكن مره سمعت داعيه تقول أكثروا من الصيام لأن الصيام لايؤخذ أجره لمن أغتبتيه

    لاتظنون أن قصدي صومي وحشي على راحتك لا حبايبي بس كثروا الصيام عشان الأجر وزلات اللسان ماتخلص

    ماعدت أنا رسالتك حلوه وكتبتها بجوالي برسلها للي ابي
  4. صاحبة الموضوع
    ما عُدتُ أنا
    زلات اللسان قد تحرمنا الجنان... أخيتي..قد تكونين ممن أسأت لهم سهواً.. فدعيني اطلب منك سماحاً وعفواً.. وأجدد لك عهد الإخاء.. نقياً من أسباب الجفاء.. مدري تصلح ولا لا.. كتبتها على عجاله.. إذا في بالك شي معين.. اكتبيه وأعيد لك صياغ…
    رائعه رائعه رائعه
    جزاك الله خير وبارك الله فيك ياقلبي
    كلمات تؤادي المعنى الله يجعلها في ميزان حسناتك يارب
    اسعدني مرورك ورسالتك والله يرزقنا العفو والعافيه
  5. صاحبة الموضوع
    امل واعد
    الله يجزاك خير قصوص وربي يوم قريت كلاامك عورني قلبي انا ماتوقعت بصراحه انه الله مايغفر الين يحلله الشخص الي اغتابه يااااااارب رحمتك على عبادك ياقصوص ان شاء محد زعلان عليك ولا ضنيت انتي بذات قد اخطيتي باحد وان كان عالنميمه او الغيبه وال…
    هلا اموووووله
    اله لايجيب ضيقة الصدر يارب
    شفتي شلون الموضوع خطير والله اني قلقت على نفسي وعلى كل اللي احبهم واللي اعرفهم وماعرفهم
    الله يغفر لنا ويعافينا يارب
    ومشكووورة على كلامك الحلو ياحلوه وياليت كل الناس مثل قلبك الطيب:26:

تابعي تجارب أخرى من هذا القسم.