مو عارفه كيف اتعامل معه ( يارب تعين )

السلام عليكم ابغا مركز يساعدني على حل المشكله
معلومات عن ولدي مايتكلم ويزحف على بطنه وزنه 8كيلو نحيف لدرجه فضيعه ويعرفني ويعرف ابوه ويضحك وعقله طبيعي للاسف الاطباء رغم كل التحاليل والفحوصات ماهم عارفين ايش هي المشكله حتى يحددو العلاج عمره الان ثلاث سنوات

الحين صاير مره عصبي واذا بغا شي بس يبكي ويصرخ وانا موعارفه كيف اتعامل معاه تعبت على طول بكاء
نسويله علاج طبيعي لمدة ساعه ونص تخيلو بكا مستمر يعني ندفع فلوس وهو مومتجاوب مع الاخصائيه
عنده خوف شديد الاخصائيه قالتلي ضروري تودينه لمركز تخاطب وتدخل مبكر حتى يعلمونه كيف يتحكم بنفسه ويتعامل معك ومع الناس سالتها وين القا مثل هذا المركز قالتلي مدري


ياليت احد اذا يعرف مكان يعلمونه يسيطر عل نفسه ويهدي اعصابه تدخل مبكر وتخاطب او تاهيل نفسي تدلني راح اكون شاكره لها انا في الرياض

51 تعليق 4,530 مشاهدة

شاركي في النقاش

سجلي الدخول لإضافة تعليق.

التعليقات

50
  1. @am_mos

    يارب تشفي لك اياه اخيتي

    اتوقع الاماكن هذي تكون واضحة روحي عيادة المديفر على ما اظن او اي مستشفى حكومي الاطفال المعوقين

    واكيد راح يخدمونك ويدلونك على المكان الافضل

    اهم شي لاتتركين ولدك ترى الوقت يمضي وهو بحاجة لكل يوم
  2. @smaaa_aaaly_1

    الله يشفيه لكي يا قادر
    ترى يذكرنى بحاله ولد عمتى كان مثل كذا ودوه مركز تاهيل المعوقين على ما اعتقد تحسن وصار هاديء هي فترة وتنتهى ويرجع مثل قبل
    الله يشفيه ياااااااااارب ويقومه على رجوله يا حي يا قيوم يا من تقول كن فيكون
    عيونى دمعت انا حاسه فيكي لانى شفت حالة مثل كذا الله يقوي ايمانك ويجعلك من الحور العين

تابعي تجارب أخرى من هذا القسم.