مرحبا اخواتي
ابي استشيركم بأسلوب وحده من جماعة زوجي خالته بس هي صغيره يعني كبر زوجي
دايما كلما شافتني لازم تعلق علي تعليق سلبي وتعيب وتحرجني قدام الجميع
وعشان احطكم بالصوره انه اجمل وحده في العيله ولله الحمد
مو غرور ولكن هذا رأي الجميع وكان بعد رايها قبل لا تتغير علي
يعني اول ما دخلت عيلتهم كانت معجبه فيني مره ودايما تمدحني
بس بعد الزواج صارت تقط الكلام قط
مثلا مره كنت سويت بلياج وطلع علي مره حلو والكل مدحني وقالي يجنن عليج
وانه ما انكر اني قبل الزواج كان شعري طويل وكثيف بس بعدين تدرون من الحمل والولاده وحبوب منع الحمل صار يتساقط وخف بس بعده حلو وكثيف المهم لما شافتني وللعلم احنا كنا بعزومه ببيت حماتي وكان في ناس ما اعرفهم يعني اول مره اشوفهم
الا تقولي باعلى صوتها شفيك يا فلانه صلعتي
انه انصدمت وفكرتها تمزح الا الحرمه تتكلم جد وخلت كل الضيوف يتلفتون على شعري
هذا غير انها كلما شافتني يا تشبهني باشين الممثلات او تقولي تعليق سخيف ودايما تعليقاتها على شكلي
طبعا انه ادري انها تغار الحين سؤالي كيف ارد عليها او بالاصح اوقفها عند حدها
اهل زوجي ومن بينهم زوجي يحبونها كثير
وانه من طبعي ما اعرف اجرح احد واحاسب على كلامي وبنفس الوقت حساسه كثير
يعني اتأثر بكلامها مع انو اعرف انو مو صحيح :icon33:
ولا اعرف ارد عليها مادري ليه ينربط لساني لما تكلمني
يعني احاول اسوي وحده بوحده بس ما اقدر
شورو علي شسوي لانها صارت تتمادى والمشكله اني اشوفها بكل المناسبات
اسفه طولت عليكم
شاركي في النقاش
سجلي الدخول لإضافة تعليق.
التعليقات
29- عادي ردي عليها
اهم شي تكونين واثقه من نفسج ولا تتأثرين بكلام الناس
يعني مثل يوم قالت لج يا فلانه ليش صلعتي
قولي لها تدرين الحمل والولاده اشلون بس مازال شعري حلو ويهبل لو غيري كان شعرهم في خبر كان
يعني امدحي نفسج لا تعطينها فرصه تهزأج .. بس مو بالهواش بس خليه مدح لنفسج
وبعدين انتي قلتي كلمه .. ان الكل يحبها حتى زوجج .. ترى باين عليها حبوبه
الله يوفقكم - لايهمك أحد خليك قويه وعاملي الناس باخلاقك لاتعملينهم باخلاقهم وخليك حليمه وسعي صدرك الدنيا ماتسوى شي واذا رديتي عليها راح يضيق صدر ك(وعامل الناس بخلقاً حسن ) مالقيت أحسن من الصممممممممممممممممممممممممممممممت ،،،،اللهم أهدنا الى أحسن الاخلاق لايهدي لاحسنها الاأنت ،،،،،اللهم يصلح ذأت بينكم،،،، ولو شبهتك بأحلىىىىىىىىىىىىى ممثله قولي أنا أحسن منها بديني وأخلاقي وحجابي ،،،،،
- مره قريت موضوع عن هذه النوعيه من الناس الي يغارون منك ويبغوا يحرجوك قدام الناس ....
يقولون احسن طريقه لقهرهم انك تغيري الموضوع على طووول يعني مثلا لو قالت لك ليه يافلانه شعرك صلع ..قولي انت ..ايش اخر اخبار الموضه في الفساتين ..او ما قاتوا لي كيف طريقه الطبخه الفلانيه ..يعني هي تبغى الناس يلتفتون لكلامها عشان تجرحك انت شيلي الانظار عنها وبتنكسف ومع الوقت ما تكررها ...
انا زيك ..ما احب ازعل احد ابدا ...حاولت اطبق الطريقه وان شاء الله تجيب نتايج طيبه - ردي بأدب وبنفس الاتجاه اوكي يعني لا تعاكسينها حتى مايصير بينكم اصتدام مثلا قالت اشفيك صلعتي قولي لها الشعر يروح ويرجع وتعرفين شعري بالاصل نوعيته زينه والحمدلله ع كل حال عين ماصلت على النبي الله يحفظ الجميع وابتسمييييييييي
قالت لك اشفيك سمنانه شوي قولي ابجرب شكلي وانا مربربه
اشفيك مسمره ابد ابجرب لوك جديد
وش فيك طويله قولي ابناظر لكم من فوق خخخخخخخ
المهم ردي بس بدون ما تخسرين نفسك لان لو بنلاحق هالسوالف والله بنفقد ارواحنا
تخيلي لو تجيك هالتعليقات من اختك اللي من بطن امك الدنيا ترى ما تسوى واللي بنفسه شي ع الناس ما ياخذ الا ضيقة الخاطر
محمد عليه السلام ماسلم من السنة البشر
الله جل في علاه عطوه البنات وخذوا الاولاد سبحانه ما تبين يتلحقنا كلام البشر واحنا بشر
:26: - اجل كذا؟؟؟؟؟؟؟؟؟؟
ليتك ياراعيه السالفه ذكرتيها من زمان :( كان ودي استشير احد بنفس سالفتك بس تدرين
تصرفت من عندي بقولك وش السالفه
وحده غثتن كل شوي تقط كلمه والله يشهد اني ما قد رديت عليها والمشكله الكل ملاحظها
وبالاخير لمن عاد وصلت معي رجعت البيت كلمتها تلفون عاتبتها وتوقفت عن هالسوالف
صدق كان ودي اشرشحها وافشلها بوسط الحريم بس قلت لا ماتسوى علي اصير سالفه اهم شي توقف
كلمي خاله زوجك وعاتبيها واكيد بتقول والله ما اقصد قولي انتي فشلتيني وماتوقعت منك وكذا...... بتعتذر وبتوقف بتشوفين:26:
مواضيع مشابهة
تابعي تجارب أخرى من هذا القسم.