مشكورين على آرائكم
وبقول لكم قصتي أنا بثاني ثانوي وفيه وحده تقرب لي من بعيد وصديقتي الروح بالروح بنفس الوقت هم ساكنين بمنطقه غير منطقتنا وبالاجازه رحنا للمنطقه اللي هم ساكنين فيها (طبعا اللي أنا منها)وكلمتني قالت لازم تجين عندي بالبيت مع العلم أني ماعمري رحت لبيتهم وأنا من زمان ماشفتها بس أشوفها بالمناسبات ومتواصلين بالمكالمات ورحت لها المهم من بكرا كلمتني وقعدت تلمح لي عن أخوها أنا مااهتميت للموضوع وأخذتها مزحه وبعد يومين دقت علي قالت لي تراني اتكلم جد وأهلي يبغون يخطبونك رسمي هالفتره
أنا اسكت ماعرفت وش ارد عليها ويوم رجعنا لمنطقتنا اتصلت أمها على أمي وافتحت معها الموضوع المهم أمي عصبت قالت وشلون يخطبونك وأنتي بهالعمر ماينفع قلت لها هم ماسووا شي حرام والا عيب عادي(للأسف أمي أول شي تحسب الولد شافني وأنا عندهم) وهو أصلا ماكان بالبيت
وبعدين أمي قالت لي بكلمهم بقول لهم مافيه نصيب أنا هنا عصبت لأني ماشفت فيه شي مااعجبني أخلاق ودين (من كلام أخته عنه)
وبنفس الوقت أنا رافضه أني اتزوج بهالعمر بس قلت نأجلها خصوصا أنه هم قايلين عادي ننتظرك الى بعد الثانوي بس أمي مااقتنعت ودقت عليهم قالت مافيه نصيب وقبل كم يوم كلمتني أخته تقول اننا بننتظرك الى ماتخلصين الثانوي
أمي تغيرت معاملتها معي صارت كل يوم هواش على اتفه الاسباب مع اننا سكرنا السالفه بس كأنها مااقتنعت والله ان نفسيتي تعبت من معاملة امي كأني أنا اللي قايله لهم تعالوا اخطبوني
وش رايكم وترا بالاصل امي مااعجبها الولد لأنه اكبر مني بحوالي 9سنين
بنات أبغى رايكم وش رايكم لو يجيكم واحد أخلاق ودين بس أنه أكبر منكم بـــ 9 سنين توافقون وألا لا؟؟؟
تكفوووووووووووون لاتطنشون عطوني رايكم لأني عطيتهم كلمه
ممكن تدخلون حبايبي بستشيركم
متابعة النقاش، صفحة 2