ساعدوني اخاف انجن او اموت

بسم الله الرحمن الرحيم

بنااات جزاكم الله خير انا ما احط مشكلتي هنا الا لانكم خواتي بناااات احس اني راح اموت وخايفه انجن او الشيطان يلعب فيني بناااات انا تقدرون تقولن اني اعاني من وسوسه يعني الوضوء اعيده كم مره الصلاه اذ جيت اصلي اعيدها كم مره اخاف اني ما نطقت الكلمة او التجويد او القلقه صح واذ صليت احس كانه في ريح تطلع بس بدون صوت ولا اسمع شي والغريب انه اكثر شي او ما يجي الا في الصلاه وقريت انه من به سلس الريح يتوضوء لكل صلاه بس حطيت في بالي الي مصاب صحيح بسلس الريح ويسمعون له صوت او يشمون ريح وليس الشك وبعد ساعات اذ جيت اصلي او اذن اخااف ولا اخلص صلاتي الا وانا تعباانه وبصعوبه اتنفس من القهر والشك جاني قبل سنه تقريباً بناات قريت مواضيع انه وسوسه ولا التفت له المهم صرت بعض الاحيان اصلي صلتين بوضوء واحد علشان اقهر الشيطان وقلت الوضوء كل صلاه حق المصابين بسلس الريح المتاكدين انه طلع ريح لانه سنة الرسول صلي الله عليه وسلم انه الشخص ما ينصرف عن الصلاة الا اذ سمع صوت او شم ريح وقبل فتره قريت هنا فتوى حق محمد العريفي انه حتى المصابين بوسوسة يتوضون حق كل صلاة سؤالي الحين طيب صلواتي وصيامي الي كنت اصلي فيه صلاتين بوضوء وش حكمه لاني ما كنت ادري انه حتى المصاب بالوسوسه يتوضاء لكل صلاه جزاكم الله خير الي عندها معلومه او تعرف رقم شيخ يقدر يساعدني ويفتيني لاني بديت اتعب ولا اقدر اناام اخااف ربي يعاقبني

22 تعليق 4,298 مشاهدة

شاركي في النقاش

سجلي الدخول لإضافة تعليق.

التعليقات

22
  1. @mod_2

    انا مااعرف فتوى بهذا الامر بس مستحيل واحد مااحدث يتوضأ
    اللي ابي توصلين له لاتلتفتين للوسواس حتى لو شكك الشيطان وقالك وضوءك خطأ ادحريه قولي معليش ابي اصلي بدون وضوء
    اذا قرأت في الصلاة لاتعيدينها حتى لو اكد لك الشيطان ان صلاتك خطأ سلمي على طول وتعوذي من ابليس _يعني خذيها قاعده مهما صار ومهما حصل في صلاتك لو شكك بحدوث شيء وحسيتي انك سمعت صوت لاتعيدين الى ان يمل منك
    الله يكفيك شر الشيطان
  2. @taagbkm

    تعوذي اختي من الشيطان وكثري استغفار ..هذي وساوس مالها اصل ولا تلتفتين لها ابد خليك قوووووويه
    وقولي دائما لنفسك هذا الكلام من الشيطان وانا اقوي منه ...عليك بالقرآن والدعاء..

    وان حسيتي ان المسأله طولت وزادت عن حدها لازم تراجعين اخصائي نفسي يفيدك ويعطيك الازم..
    الله يوفقك ويحفظك ويفرج عليك يااااااااااااااارب
  3. @sdmat_kthyrat

    انا ما اقدر افتي واحمل ذمتي شي ماني متاكده منه وفيه مشايخ تقدرين تسئلينهم بس انا بانصحك بشي ثاني ولاتفهميني غلط ولا تزعلين انا اقول تروحين لشيخ هذا اولا وثانيا وانتي تروحين لشيخك تروحين لمعالجين نفسيين مهو تاخذين علاج لا اللي يسوون جلسات استرخاء ويطلعون الضغوط خارج الانسان تراني ما اعرف اشرح غير كذا انا اوسوس في الصلاة اخرها البارح في صلاة العشاء اقول صليت ثلاث مهو اربع وكنت بعيد صلاتي بس قلت اذا اعدت بينشب لي ابليس دايم انا صليت وخلاص والله يشفيك ويرفع عنك واسئل الله لك العافيه العاجله
  4. صدمات كثيرات
    انا ما اقدر افتي واحمل ذمتي شي ماني متاكده منه وفيه مشايخ تقدرين تسئلينهم بس انا بانصحك بشي ثاني ولاتفهميني غلط ولا تزعلين انا اقول تروحين لشيخ هذا اولا وثانيا وانتي تروحين لشيخك تروحين لمعالجين نفسيين مهو تاخذين علاج لا اللي يسوون جلسات …

تابعي تجارب أخرى من هذا القسم.