صدمه..اعترف لي بعد 9 سنواااااات !!!!

السلام عليكم

بنات انا اليوم مصدومه من جد...وراح احكي لكم حكايتي

علني اجد من يواسيني ..


انا تزوجت قبل 9 سنوات...وعندي ولدين ولله الحمد...منذ اول ليله من زواجي وانا اتعرض للصدمات من زوجي

هو طيب واخلاقه نوعا ما جيده ...ولكن ماتعرضت له اصبح كالسكين تنغرس في قلبي وتدميه

من اول يوم في زواجي تلقيت منه اول صدمه ..وليتني تعلمت منها

قال لي ...قابلت اعز اصدقائي وقعد يسألني عن الزواج وكيف مستانس ولا لا

وقلت له: (ليتني ماتزوجت ) !!!!!!!

تخيلوا قاعد يقولي هالكلام ..اول يوم زواااج وحطوا عليها مليييون خط

انا رغم حيائي منه بذاك اليوم الا اني طالعت فيه وقلت له صاااادق انت قلت له كذا..؟ قال لالالالا امزح معك

وسكتنا ....ومر الاسبوع الاول من زواجي وانا وزوجي بشقتنا لا يحدثني اطلاااااقا يجلس معي بدووون كلام

وايضا بهذي انجرحت بس عديتها له ..لاني كنت احبه بجنوووووون


ومرت اول شهر وبعد مارجعنا من السفر صلحت له اول عشا بيديني واقسم بالله اني بذلت كل طاقتي في هالعشاء

وكنت متحمسه مررررره وللاسف من زود الحماس احترق السمك شوي بس وكنت مسويه كذا صنف غيره

المهم يوم حطيته والله لا يوريكم انواااااع التهزئ في طبخي وانا سااااااااكته...مايشوف قدامه الا السمك بس

ومغمض عيونه عن الاشياء الثانيه ...بجد والله ثم والله ثم والله انكسر خاااطري بذيك الليله وانجرحت

وبعد عديتها له

ومرت اول سنه ....بعدها بدأمسلسل الضرب...ضربني بسبب نقاش بيننا..انا خلاص سودت الدنيا بوجهي

معقوله زوجي وحبيبي يضربني ...بعمري وبحياتي ماانضربت حتى من امي وابوي ويجي زوجي ويضربني

المهم سامحته وعدت برضوا ولا قلت لاي احد من اهلي

وبعدها صااار في كل سنه تمر يضربني ضرررب مبرح احيانا لدرجه وجود اصابات خفيفه بجسدي

ومع كل هذا انا سااااااااكته ومااملك الا الدموع وكله من حبي له

اقولكم 7 سنوات مررت تعرضت خلالها لسبع ضربات مهينه من زوجي غير الكلام اللي كان يهيني فيه

وبعدها بدأ يحس بذنبه وبدأ يتغير من ناحيه الضرب لان اولادي بدوا يكبرون ويعرفون وهو يحترم مشاعر اولاده

لي الآن سنتين ما مد يده خلالها علي ولله الحمد ...

بس المشكله ان حبه بقلبي بدا ينقص ماعاد احبه مثل اول ...انجرررحت منه كثير وانهنت وهذا هو السبب

مع العلم انو الان مااحد يدري من اهلي باللي يصير لي والكل يتوقع اني عايشه بجنه ونعيم

لاني انسانه كتووووومه


المهم نجي للزبده

تخيلوا الان لي 9 سنوات من الزواج ...تصورا بعد كل هالسنين

اعترف لي زوجي امس باعترااااف الجمني الصمت..!!!!

كنا نسولف عن ايااامنا بدايه الزواج..

وقالي بالحرف : تبين الصدق انا اول ليله من زواجنا انصدمت في شكلك

ولا اعجبتيني ابدا ...وجتني حاله نفسيه ..........!!!!




ياااااااااويل قلبي بس



عرفت وقتها انو جاااد لما قال لصديقه ليتني ماتزوجت عرفت انو كان يلعب علي وانا مصدقته

عرفت اني كنت عااايشه بوهم ....واني كنت غبيه وغبيه بوقتها

حسيت ان سنين عمري عدت على خداااع ....

التزمت الصمت وطلعت من عند زوجي

بعدها بساعه جا وقعد يراضيني يقول كل شئ تغير ونتي اللحين احلى وحده بالدنيا

وانا خلااااااااص ثقتي فيه انعدمت

ماعاد ابي اسمع منه شئ ...احس يكفيني اللي سمعته ..خلاص

بعدها قالي انتي حقووووده وقلبك حاااقد

ليش ماتنسين اللي سويته فيك؟؟؟

تخيلوا يبيني انسى وكأني مجرد اله عنده مالها احساس ولا مشاعر



بناات بجد...يحق لي ابكي....؟؟؟

يحق لي اطلع كل اللي كاتمته بقلبي من سنين ولالا؟؟

يحق لي يوم نزعت حبه من قلبي ؟؟

يحق لي ولالا؟؟

انا الآن منهااااره نفسيا ومتحطمه لابعد حد..



واعذروني ...بجد ابي افضفض...