صدمه..اعترف لي بعد 9 سنواااااات !!!!

حبيبتي الله يساعدك
انتي ليه سكتي طول هذي السنين ليه ارخصتي نفسك كذا اسمحيلي اختي انتي غلطتي ليش تعطينه فرصه اومجال يتكلم عليك ماقلنا شي زوجك وواجب طاعته بس ماتوصل للضرب وتسكتين وتقولين احبه واخلاقه زينه وهو كل سنه ضربه يهينك ويرجع يراضيك لانه تعود انك ترضين بسرعه وتسكتين على الاهانه
المهم اختي انتبهي لنفسك وعيالك وحاولي تهمشينه وماتعطينه وجه مررره ولاتفكرين بالطلاق نهائيا عشان عيالك
اختي معليش اذا غلطتك عليك بس والله كسرتي خاطري والله يعينك ويهدي سركم

يا حبيبتي خليك واثقه من نفسك الف بالميه


وش اقول انا


من ثاني يوم بالزواج يقولي شكلك يعني 50% جمال و 50% شعر


يعني مو عاجبته وجسمك مو حلو نحيفه ووو يقطع بشكلي كل يوم طول شهر البصل


ورب البيت اني جميله وبشهادة الجميع ومنهم اخته تقوله يوم الشوفه انها ملكة جمال بالحرف الواحد


و اخواته بس يشبهوني ع المطربات الجميلات بالشكل والجسم


لكن الرجل ما يملا عينه الا التراب


وفعلا بعد كم سنه صار يقولي ما شاء الله اشوفك اجمل وحده بالعالم


يمكن لانه صار يحبني

وبداية الزواج لسى ما دخلت قلبه


بس احيانا اتذكر تحطيمه لي هذيك الايام وانقهر لانه خلى ثقتي بنفسي صفر


شي يقهر


البنات بداية زواجهم يتغزلون الرجال بجمالهم وانا كل يحطم فيني والمشكله اني فعلا جميله والكل يشهد بجمال وجهي وشعري وجسمي وكأني لبنانيه وربي مو عشن امدح نفسي لكن قهر اللي عنده نعمه ولا يشوفها


عندنا الرجال ما فيهم رومانسيه


لا تذكرؤيني بذيك الايام :(


اقلها زوجك جاملك بالبدايه مو مثل زوجي


حطم مجاديفي من ثاني يوم

هذا غير انه خلاني اطبخ بعد اسبوعين

ولا فيه سفر لشهر عسل


وعزم اهله عندنا بعد اسبوعين ببيتنا تخيلي وامه جات تقعد معانا بالبيت من بعد عشره ايام



وانا البنت الدلوعه ببيت اهلي واللي توقعت بعيش بجنه وبسافر اوروبا بعد الزواج


وطلع هم وغم


بس الحمد لله تغير الوضع بفضل ربي


انتي تحملي وطنشي وترى الحب ما يجي الا بعد سنين

والرجل ما يشوف جمال زوجته الا بعدين


وسعي صدرك وترى كل الخليجيين كذا جلوف ولا يعرفون يمدحون الا من رحم ربي

لك حق تزعلين وتبكين من القهر
بس الرجال أغلبهم كذا ماعندهم ذوق ولا اسلوب إللي في باله بيقوله ولايفكر فيك ولا في مشاعرك
وعاد الأغلبية من زينهم لاجمال ولا نظافة ولا حتى شوية ذوق ويبون كل شي كامل في زوجاتهم وهم كلهم عيوب
هذا حال الكثير من الزوجات مو بس إنتي وحاولي تنسين وماعليك منه اصبري وتحملي والله يجازيك على صبرك بس الضرب لاعاد تسكتين وتخلينه يتمادى ويمد يده

والله يهديه ويصلح حاله وحال الرجال إللي مثله

كثير ازواج ماتعجبهم شكل زوجاتهم وكاتمين بقلوبهم الله يعلم حتى الجميله منا يمكن بنظر زوجها موذاك الزود تعرفين الرجال ونظراتهم
ولو ندري وش في قلوبهم كان من زمان مليانين علل وامراض نفسيه منهم
كلامه بجد تحطيم وشي صعب المفروض كتمه حاله حال غيره بس انتي لاتكدرين خاطرك لان فييييييييه كثير مو عاجبين ازواجهم بس الازواج كاتمين
واكيد نظرة زوجك تغيرت عشان كذا صارحك انتي حاولي تنسين كلامه وفتحي صفحه جديده مو عشانه عشانك انتي وعشان نفسيتك ترى الرجال ماهمهم شي
لايهمك الا نفسك اهم شي تعيشين سعيده