ماركة مكياجي

السلام عليكم

هذا اول موضوع لي بالمكياج صح اني قديمه بالتسجيل بس كلش كااشارك ومتابعه لكم بشكل دائم والي خلاني اشارك هو كرمكم وحبكم للمساعده

حبيباتي انا ابي اوصي وحده على مكياج وحيل يمحدون ماركة مكياجي بس مااستخدمتها شخصيا ومااحب امدح شيء مااستخدمته

فياريت اي وحده فيكم تكتب لي شنو احسن شيء عندهم

واذا تعرفون له موقع خاص بالنت يكون احسن او تحطون لي صور من عينات المكياج عندهم

وجزاكم الله خير :27:

40 تعليق 5,101 مشاهدة

شاركي في النقاش

سجلي الدخول لإضافة تعليق.

التعليقات

32
  1. اختى انت من الكويت ؟ ليش تشترىن من برة و توصين وحدة تشتريلك مكياج؟ يمكن ماتعجبك الالوان ؟ بعدين ترمينهم ؟ الافضل انك تشترين من الكويت و تجربينة على وجهك فى اسعار غالية و فى اسعار و سط حسب ميزانيتك و اكدي اتعرفين سوق دبنهامز فية كل الماركات المعروفة انا احب انصحك انت مثل اختى :27: :26:
  2. @ryooof_1

    صاحبة الموضوع
    هلا والله اختي احلى انوار

    انا عارفه ماشاء الله الكويت مليانه وعلى افا من يشيل مكياج

    وتوني اليوم رايحه شارمل وقاشه منهم حق اكثر من ستين دينار شدوات ولمعات وحمر

    بس شفت الكل يمدح ماركة مكياجي قلت اشتري على الاقل منهم شدوات مميزه

    ودبنهامز غني عن التعريف كل المكياج فيه وانا مااضمن اصلا اشتري عطور ثقه الا منه

    خلينا نفتح هالموضوع مني انا وكل البنات يمكن نستفيد من تجارب الغير عن ماركة مكياجي نوصي احد او حتى ان شاء الله لي سافرنا تكون عندنا خلفيه باحلى مافي ماركة مكياجي
  3. مكياجى من اى بلد؟ اذا كانت رخيصة لا تشترينها ابدا لان الشدو ما يثبت

    تبين رخيص و حلو مافى احلا من بورجوا او ماكس فاكتور حتى فادى قطايا يستعملة :27: :26:
  4. @ryooof_1

    صاحبة الموضوع
    مكياجي اعتقد في الامارات واشوف والله حوالي كذا وحده توصي على علب شدو من هالماركه حيل يمدحونها وشفت العلبه فيها الوان كثيره وحلوه

    ماكس فاكتور اكثر كريم اساس ناسبني والكل يسألني عن كريمي صج روووووووووعه

    بس بورجوا ماقد جربت شيء منه ناويه كاتبتهم بلسته عندي وبروح اخبص حمر وشدوات من جم ماركه

    مشكوووووووره اختي انوار على الرد
  5. هلا حبيبتي
    بصراحه مكياجي انا اقولك عن تجربه
    ماركه والله قمــــــه حلللللو ه ومريحه وبسيطـــه...
    انا اخذت من عندهم علبه كاملـــه(الي زي الشنطه)وفيها 4 علب شدو ، و6 ارواج ،وقلم كحل وماسكارا ومحدد وفرشه للبلاشـر وشنطه صغيره تحطين فيها الاغراض المهمه وتحطينها بالشنطه الي بتاخذينها للجامعه او للسوق او اي مكان.....
    على فكره انا من السعوديه....وماادري اذا يختلف الي عندنا عنكــم..!
    اتمنى انك فهمتي علي.....واذا مافهمتي قوليلي حبيبتي وانا احـاول اوضح لك اكثر.....
    اختك:نور الرياض:)

تابعي تجارب أخرى من هذا القسم.