وظيفتي ام طفلتي ذات السنه

اخواتي راح ادخل في الموضوع على طووول انا حيرانه وابي مشورتكم انا توظفت في مدرسه براتب 1950 المهم عندي طفلتي ووحيدتي اخذتها معي للمدرسه عند المربيه لكنها متعلقه فيني بالمرررررررررررررررررره ماتبي احد غيري وانا ماندي اي مشكله غير طفلتي اللي راااافضه تتاقلم مع الوضع هذا شي والشي الثاني اننا في وقت برد يعني صعوبه الخروج بالطفل الله يخليكم ابي رايكم لاتبخلون علي بالنصيحه............ونسيت اقول اني في منطقه مااعرف فيها احد يعني لااحد يدخل علي ولااروح لاحد وزوجي يبي طفلتي تحتك بالناس وتتعود على وجوه جديده .......................

19 تعليق 1,379 مشاهدة

شاركي في النقاش

سجلي الدخول لإضافة تعليق.

التعليقات

18
  1. @taaag_aaamy

    اختي انصحك نصيحه الله يغنيك عن الوظيفه انتبهي لبنتك وربيها وارعيها ولاتتركيها في ايدي المربيات او الخادمات انتي عارفه كم من ملايين الاطفال ضحايا الخادمات اللي ماعندهم قلوب ولاصبر على شقاوة الاطفال اهتمي بطفلتك والعبي معاها وربيها بحضنك ولاتحرميها حنانك واذا انتي في حاجه للمال في هذي الوظيفه استخيري ربك والله يكتب لك مافيه الخير يارب بس ارجوووووووووووووووك يااختي انظري الي عيني طفلتك قبل تروحي لدوامك وتذكري انها محتاجه لك,,,,,,:26::26::26:
  2. @dnya_ghrybh_2

    لا حبيبتي لا تتركي وظيفتك ابدا واذا على بنتك اعتبريها في المدرسه مو كنتي راح تطلعيها في البرد !! اهم شيء لبسيها زين وبالنسبه للبكاء كل الاطفال كذا خاصه اذا معك دايم وفجأه تركتيها وهذي فرصه عشان بنتك تحتك في العالم الخارجي بدال وحدتها المسأله يبي لها شوي صبر وصدقيني راح تتأقلم بنتك وماشاء الله شوفيها معك في نفس المكان كثير موظفات يطلعوا وعيالهم عند الخدم في البيت يدورون الرزق وهاالزمن وانا اختك زمن غلاء ووظيفتك امان لك
  3. @tyf_ngd_1

    والله مادري بس بنتك صغير بالمررررررررررررره يعنى هي مومحتاجه الالك ورعايتك لها وحنانك انت لما توديه الحضانه وبها السن كانك ترمينها ولا تدرين عنها حتى لو تطبطبين عليها كل شوي هي راح تتعب لما تشوفك وتروحين عنها

    اعذرنى لان بنتك مرررررره صغيره يعنى حتى الطفل الا عمره 3 و4 باقي صغير وصعب ينترك لحاله بدون امه ساعه اظن انتي فاهمتنى صح

    ولا تفهمينى غلط والله ان نصيحتى لو جه الله وبس وراح اسئل عنها

    لكن انت شوفي الا ولويات بنتك وصغر سنها وبعادك عنها

    ولا 1950 والله حتى الوظيفه والراتب مايستاهل انك تتعبين انت وبنتك عشانها لو انها حكوميه وراتبها 3 وفوق كان بقول راح تمسكيلك وظيفه زينه بتعوظين بنتك ونفسك بمستقبل زين لاكن انت وياه بتتعبون بدون فايده ( بعدين اختى الا يقلولك متوظفات ويطلعون وعيالهم عند الخدم ترى مو الكل يخلونهم لحالهم عند الخدم والا تاركين عيالهم عند الخدم ترى متبهذلين من الخدم ومشاكلهم بس ايش يسوون لقمة العيش)

    لا تقولين ابي اطلع واحس بالوحده هذا الانترنت اشغلي نفسك بلي يفيدك لك ولبنتك ترى بعض الوظايف تشتت وتضيع الوحده هي وعيالها
  4. والله الراتب مايستاهل تتركين بنتك وهي عمرها سنة وتطلع في البرد الله يغنيك عنه وأكيد عملهم كرف وتعب
    لو حكومي كان قلنا ماعليه مضمون وراتب يستاهل
    لكن أنا هذا رايي والله يسهل أمورك

تابعي تجارب أخرى من هذا القسم.