شاركي في النقاش

سجلي الدخول لإضافة تعليق.

التعليقات

1,416
  1. مبروك علينا الملف الجديد وعقبال التاسع يار واحنا بخير وصحه

    اخباركم بنات

    ام الدموع الله يعينج عالتحليل انا عندي بعد اسبوع روح اسويه
  2. @mraoy22

    أم الدموع
    عسوووووووووولة وجولي هلا حبيباتي شخباركم عساكم طيبين وشخبار النونوات معاكم انا الحمد لله بخير توني رادة من المستشفى مخلصة تحليل سكر ابو ساعتين ما ظل تحليل سكر الي اتعرفت عليه وكونت معاه صداقة خخخخخخخخخخخ بس صداقة من هالنوع ما ابي…
    صباح الخير

    بنات شنو هالتجمع كلش مايشجع الصراحه التجمعات الثانيه وايد أحلى أم الدموع ليش مافتحتي الملف إنتي وايد تنسيقج أحلى يفشل صايير تجمعتنا :o

    نسيت من فتح هالتجمع بس لاتزعل مني فيها الخير بس نبي يكون تجمعنا مميز ومزقرت

    وين الألوان

    وين الصور

    وين الجداول

    وين المواقع المفيده

    كل هالأشياء الجداد يستفيدون منها
  3. @mraoy22

    " ضي "
    السلام عليكم ومبروك التجمع الجديد وحيا الله جميع الحوامل اللي انضموا لنا مؤخرا الفراشة طولتي الغيبة طمنينا عليك ام الدموع الله يعينك على هالتحاليل انا دكتورتي تقول مالها لزمة لان ما جاك سكر حمل في حمل سابق وانا اشك ان عندي سكر ف…
    إلا بسألكم بنات تحليل السكر ضروري ؟

    آنه ماحبه أحس ماله داعي آنه ولله الحمد مافيني سكر فليش عوار الراس والصيام والإنتظار ساعه بعد كل تحليل وفوق كل ذي هالسكر إلي يعطونه إياه يلوع الجبد ماقدر عليه يعني ليش مايخلونه ناخذ معانه

    5 كت كات + 5 جلكسي + 5 مارس

    ناكلهم بدال هالسكر ذي

    ماحبه باطلع أي عذر ومابسويه


    في مستشفيات يعطون عصير بس المستشفى إلي أراجع عنده يعطونه كوب بلاستك مشحون سكر بودره يزردونه شوية ماي ويشربونه ووووووويع تذكرت طعمه:mad:
  4. @rhaa

    صباح الخير على كل الحواااااملل

    تعبانة حييييييييييييييييييل بطني تمغصني واحس برطوبة تحت خاااااااااااايفة

    على فكرة كان عندي موعد مع الدكتورة امس ومادريت فية نسييييييييييييييت اول مرة انسى موعدي يوم شفت كرت المواعيد ضقت ومدري اذا اتصلت لهم اليوم بيوافقون يسوون حجز ولا بياجلوا

    دعواتكم
  5. @am_aldmoaa

    مراوي
    تعالي فضحتينا قصري حسج

    خخخخخخخخخخخخخخخخخ

    راح اتابع الملف اول بأول وادلعكم بالألوان هذا الي اقدر اسوية خخخخخخخخ

    وتعالي انتي تبين تحليل سكر ولا تبين اترفعين السكر

    هاي شنو الا جلكسي ومارس وما ادري شنو

    وليش للحين ما سويتيه <<<< وج مستحمق ومعصب خخخخخخخخ

    روحي سوية اشلون ما عندج احساس عندج خخخخخخخخخخخ مخبطة الجملة بس فهميها

    انا بعد ما دريت عن السكر الا بتحليل

    سوية احسن لج واضمن

    لو تقرين عن اخطار السكر بس <<<<<<<<<< وحدة اتخوفج ههههههههههه

    لا عن جد مهم ضروري اتسوينه

تابعي تجارب أخرى من هذا القسم.