لاهل الثقه والذمه والي جربت ليزر بالرياض تفضلي الله يعافيك ولاهان الباقي

السلام عليكم ورحمه الله

خواتي انا ابي اسوي ليزر لشعر الابط هل تنصحوني كثير يمدحونه ومحتاره وبرضو انا عندي مسامات واسعه بوجهي وحبوب وايضا بالظهر والصدر هل اليزر يشيل المسام؟ ويوخر الحبوب بدون ضرر؟ او التقشير الكرستالي للمسام؟
ارجوكم الرد الوافي والعاجل وانا اذا كنت باذن الله بسويه فبسويه عند دكتوره بعياده ادمه من تنصحون فيه د ريما الساعاتي ولا اخصائيه الي عندهم غاليه او نور

الله يوفقكم لما يحب ويرضا خاااااالص شكري لكم

11 تعليق 1,729 مشاهدة

شاركي في النقاش

سجلي الدخول لإضافة تعليق.

التعليقات

11
  1. @bnt_ngd_16

    السلام عليكم:)

    اختي انا بقول لك شغله حلوه احلى من الليزر وجربتها مره وحده بس

    قريت هنا بالمنتدى عن موضوع معجون الاسنان تحطينه بعد ماتشيلين بالحلاوه على طول وكل مايطلع الشعر تشيلين لاحلاوه وتحطين معجون الاسنان... وكل مره بتلاحظين انها اقل من اللي قبلها حسب اللي جربوه

    انا بالنسبه لي شلت من فتره وحطيت المعجون وطلع الشعر بس طلع اخف من اول بكثيييييييييير يعني بعد مرتين او ثلاث بيروح نهائيااااااا ولا ليزر ولا شعر...

    اتمنى تجربينه وترتاحين من الليزر
  2. @sweet_tala

    مرحبا بنات
    انا ابي اسأل عن التقشير اللي اقوى من الكرستالي واللي أقوى منه
    سمعت ان فيه ناس تقشر وجههم وبعدين يوم خلصت الجلسات صارو يعانون من أثار التقشير
    وبقت البقع والبثور مكانها
    ممكن اللي عملت تقشير قوي تطينا تجربتها أو تجربة وحده تعرفها
    لان كثير خوفوني بالذات ان الجو عندنا مايناسب التقشير بسبب
    التلوث الشديد والشمس الحارقة والمعروف ان التقشير لازم الوحده ماتتعرض للشمس
    وتحط عازل ولاتنسون بنات اننا نلبس غطا وجه اسود وانتو تعرفون ان اللون الاسود يعزّ الشمس:06:
    وياليت اللي تتم استضافه متخصصة بالجلدية والليزر
    بالذات اني انا نفسي افكر بالليزر لأزالة الشعر مع ان كميته قليله وخفيف
    بس مافي احلى من النعومة مرة:42:
    تحياتو
  3. @bnt_alaaz_1

    انا بقولك تجربتي مع ادمه ..

    انا جربت دكتورتين وكلهم خرطي حسبي الله عليهم لعبوا فيني لعب وخربوا وجهي ولهفوا مني الاف مؤلفه ..غير مواعيدهم الزفت والمركز اللي ضايعين اللي فيه بالطوشه ....الدكتورتين ريما الساعاتي وحنان العقيل ..كل وحده اردى من الثانيه ..لا وحنان نفس خايسه وماتعرف وين ربي حاطها فيه ..ماادري وشلون هالحرمه استشاريه ..!!!؟؟؟ ..يعني ماتفيدك بشي ودايم متذمره ومستعجله وياويلك اذا ماعجبك شغلها ....!!!! وريما ماكن ودها تسوي شي ..كل شي عندها ماله داعي اصلا شوفي شكلها تعرفين ان مالها دخل في التجميل !!....الله لايوفقهم ثنتينهم ..اما الاخصائيات فما جربتهم ..

    هذي تجربتي واتمنى اني افدتك ..
  4. @sweet_tala

    هلا وغلا فيك اختي بنت العز
    تصدقي انك خوفتيني :06:
    امس بديت جلسة ومثل ماقلتي يلهفون فلوس لهف !!
    ومع الكل يقول لي حرام وجهك مافيه شي
    حتى اني مااستعمل خافي عيوب ولا كريم اساس
    بس طلعت لي كم حبة بخدي وضربة شمس نكدت علي عيشتي
    خايفة بدل ماتختفي,,,, يتبهذل وجهي:44:
    مشكله زواجي بعد اقل من شهرين
    تحياتي
  5. انا جربت ازالة الشعر بالليزر بس ماكملت
    لان يبغى لها ميزانيه كبيره كل ماطلع الشعر لازم تسوين جلسه سويت ثلاث جلسات وشفت السالفه مطوله وتركتها
    وانا سويته في الموعد اخلاق الاخصائيه حلوه
    وسويت تقشير باحماض الفواكه حلو بس مفعوله مؤقت
    انشاء الله اكون افدتك

تابعي تجارب أخرى من هذا القسم.