مشكلتي شخصيتي مادري وش اقولكم ادخلوا وتعرفون
اهلين اخواتي ماادري وش اقولكم واخاف تفهموني غلط الحمدلله مي مشكله بس صدقوني تطفشين ويضيق صدرك خاصه اني الي من النوع ادراي واراعي مشاعر الناس ولاابي احد يزعل معي مشكلتي اذا جلست مع اي احد اغلبهم يحبوني ^^^ايه يحبوني بتسغربون يقولون ماشالله عليك سواليفك تجنن طلقه عاد لاتحسبوني مخفه او اجلس انكت عليهم ولله الحمد ثقيله ورزينه بشهاده الجميع بس يقولون غصب تخلين الواحد يحبك وناس اول مره اشوفهم او اروح لهم وكنا لحالنا طبيعي تسولفين معهم سواليف عامه صعبه تجلسين كذا مكتمه الناس مايحبون الي يجي منكتم نسولف سواليف عامه عن الشغل وطبيعه العمل ومن هالسواليف المهم انا صرت اتضايق ياخذون رقمي مااحب كذا اول مره اشوفك خلاص سولفنا ماله داعي علاقه وخاصه جلست مع وحده كبيره بالسن قولي في نهايه الاربعين هي حبييه ماشالله عليها بس نشبت فيني تدق والله حرام ماتطول بس تدق تسال عن اخباري وانا حبيتك ماشالله عليك وانبسطت معك وانا مااحب العلاقات الي من هالنوع هي ياعمري موب قصدها شي بس منصحه وتعبر عن مشاعرها او لاني من النوع الجدي شوي اقول في نفسي شلون نزلت نفسها لوحده اصغر منها بكثير انا في نهايه العشرين ماادري يابنات هل انا معقده او الي فيني طبع ماادري ماحب احد يكملني في الثابت كثير ولااحب اسوي علاقات جديده خلاص بس صديقاتي الي معي اول ومكتفيه وش رايكم وش السوات واسفه طولت عليكم