السلام عليكم ورحمة الله وبركاته
خواتي
انا داخلة المنتدى وكلي ألم وضيق من تصرفات وحده في الدوام مع زوجي
انا وزجي انداوم في نفس الشركة بس كل منا في فرع، يعني مش في نفس المكان
الاسبوع اللي طاف.. زوجي قال لي خذي موبايلي وطرشي مسج ل (.....) واكتبي لها اذا تقدر تاخذ دوامي وانا آخذ دوامها... يقصد تبديل الشفت او الجدول
وانا طبعا كتبت لها المسج من موبايله بكل ادب واحترام... وهي ما صدقت رجعت في نفس الوقت واتصلت عليه وهو كان يكلمها بكل ادب واحترام
المهم بعدها بأربع او خمس ايام... صارحني زوجي... بس قبل ما يصارحني، قال لي بخبرج عن شي بس احلفي انج ما تتدخلي... والله على طووووووول سألته قول لي منو هاي اللي بتقول لي عنها.... كأن قلبي كان حاس
قال لي انتي احلفي قبل... المهم انا حلفت من باب الفضول وقلبي ياكلني ابغي اعرف شو السالفة
بعد ما حلفت: قال لي في وحده في الدوام معاي اطرش لي مسجات دايما.. فيها كلمات جريئة وغزل واحيانا ادعية....
واللي ما تستحي البارحة نصف الليل مطرشة له مسج بس هو قال لي انه مسج ديني، قلت له خلني اكلمها واتفاهم معاها.. بس ما رضى
وهو في البداية ما قال لي عن اسمها غير البارحة بالليل
سبحان الله قبل شويه موبايله فضى وطلب مني احط الموبايل بالشاحن (جارج) والشيطان خلاني افتح مسجاته مع اني اول مره اسويها.. خذيت رقمها... وبصراحة انا اقدر اطلع كل بياناتها بس اللي مصبرني هو الحلفان اللي حلفته
شفت مسج فيه نكته بايخة طبعا فيها كلمة بوسة واشياء تلوع بالجبد
عاد الحين انا احس اني بموت من القهر ومو عارفة كيف اتصرف
الحمدلله زوجي صارحني عن هالشي
ونسيت اقول لكم
بعد ما كانت اطرش له مسجان طفسه وجريئة، كلمته في الدوام وقالت له لا تفهمني غلط لما طرشت المسجات... لان زوجي ما كان يرد عليها
قال لها لا بالعكس انتي مثل اختي... ومسجاتج هذي اعتبرها من اخت لاخ...
خبروني شو اسوي معاها... الاخت مو متزوجة وتلاحق زوجي
اكلمها ولا اطنشها... اخاف اذا كلمتها تخبر زوجي واروح فيها
انتظركم
شاركي في النقاش
سجلي الدخول لإضافة تعليق.
التعليقات
65- مدري وش اقولك
بس مدام زوجك صارحك يحببببببببببك وحببيه فيك اكثر
وهذي شوفي شغلها بكل هدووء
وجلسي مع زووجك قوليله انا بكلمها وبكسر حلفي تدلعي اشوي
ليين يرضى تتكلمين معها
وتفهميها انتي وشطارتك
ولاتنقهرين مدام زوجك يحبك انتي ومايحبهاا
ومعتبرها اخته ولافكر بيوم يحبها على المسجات
لو واحد ثاني اف انجرف وراها مثل الخروووووووووووووف
الله يوفقك
=) - اختي صح كلامج... بس انا حاولت معاه عشان اكلمها واقول لها انه ما يدري... طبعا وهو يكون معاي... بس ابدا مو راضي
- طنشيها ياقلبووو .. صدقيني زوجج مستحقرهااا بس قووليله يدق عليها ويفتح سبيكر ويقووول لهاا لو سمحتي مابي مسجات ولا اتصالات ولاتسويلي مشاكل مع زوجتي .. انا رجال متزوج واحب زوجتي !!
- حسبي الله على كل وحده تتجرأ على رجل غير محرم لها
حبيبتي مدام زوجك خبرك معناتها يحبك ورجل محترم وواعي
انتي لاتسوين شي بدون لاتخبرينه .. اقعدي معاه بوقت هدوووء
البسي وتكشخي وخليك كأنك طفله معاه وشاوريه قولي انا والله مابي
اكسر حلفي بس ابي اشاورك وودي اكلمها بأدب واقولها اني قريت مسجاتك اللي بموبايل
زوجي وهو ماخبرني عنك .......... ابيها بس تحس وماراح افشلك مع احد لاني احترمك
تكلمي بهدووووء اقنعيه بهدوء ........ ومو مشكله لو ماقتنع ورفض خلاص انتي
ارتاحي وخليك واثقه من زوجك والله زوجك نظيف وطيب والا كان ماخبرك عن قلة ادبها
اكسبيه ولاتخلين وحده من هالتافهات تسبب مشكله بينك وبينه
اذا ماوافق عليك بالدعاء وكثرة الاستغفار وصدقيني باذن الله ربي مايوفق احد بنيته شي حرام
......... الله يوفقك انتي وزوجك ويخليكم لبعض - لاتهدمين بيتك عشان وحدة ماتستاهل ياعسل
ومثل ماقالت خلي زوجك يدق عليها وانتي معه عالسبيكر ويقولها ماله داعي ترسل مسجات
وانه انسان متزوج واذا عندها دم ماراح ترسل واذا ناوية خراب بيوت بتستمر على خرابيطها
واهم شي صراحة زوجك وهذا دليل على حبه لك والله لايغير عليكم يارب
مواضيع مشابهة
تابعي تجارب أخرى من هذا القسم.