الزوجات الثانيات ... تفضلن إلى منزلكن الجديد

بسم الله
شكلكن ماصدقتن تشمن ريحة البرد وتجلدن وتكمكمن

مساااء الخيراااات ...


أيش الهرجة؟






























فمان الله,,,

السلام عليكم .....صباح الخير لكل البنات الموجودات والغايبات

الصراحه انا جدددددددددداااااااا عتبانه عليكم وشرهانه بعد لان ولا وحده فيكم سألت عني او فقدتني غايبه عنكم لي تقريبا اسبوع ولا احد حس ولا قال ضحكه وينها عسى مافيها شي فطست ولا مريضه ولا مهمومه ولا صاير لها بلا ؟؟؟؟؟؟؟؟؟

الله يسامحكم بس الشكوى على الله انا لي الله...


شمس الحنين هلا وغلا فيك ويسعدني والله اني اتواصل معك وافيدك باللي اقدر عليه واعذريني ان تاخرت عليك بالرد لان النت كان مفصول عندنا وتوه يشبك ...

بالبدايه احب اشكرك انك طلبتي نصيحتي وحطيتي ثقتك فيني ..

الشي الثاني اللي لازم تعرفينه ان الواضح على الرجال اللي خطبك انه ناوي يتزوجك مسيار يعني مالك ليله ولاعنده نيه انه يحط لك ليله...ان كنتي راضيه بهالشي ومايهمك انه يحط لك ليله ويجيك عيال ويكون زواجك معلن فتوكلي على الله ووافقي وانبسطي ..وان كنتي ماتبين المسيار وتبين ليلتك وتبينه يعلم زوجته ويكون زواج معلن فهو افضل لك لان الزواج بيكون بارادة الله مضمون اكثر من المسيار اللي يمكن والله اعلم بعد كم شهر يمل ويطلقك ولامن شاف ولامن درا وهو ماخسر شي ولاعلم زوجته اللهم انبسط معك وغير جو كم شهر ورماك وهذا معظم الرجال اللي يتزوجون مسيار كذا يسوون!!!!!
ونصيحه كانك من النوع اللي تغاااااااار علىزوجها بقوه مايصلح لك زواج المسيار لانه بيسبب لك مشاكل مع زوجك ...مثلا ليش ماجيتني وليش مانمت عندي وليش ماسويت لي مثل زوجتك الاوله وليش وليش؟؟؟؟

والله اني انصح كل بنت تبي تتزوج رجل متزوج او غير متزوج بس المتزوج بالذات انها تفكر مية مره قبل تتسرع ولاتخلي وضعها كمطلقه او ارمله او كبيره بالعمر ياثر على اختيارها وتختار اي شخص يتقدم لها عشان تخلص من وضعها وهمها ...ادري ان وضع المطلقه والارمله والكبيره بالعمر وضع جدااااااا صعب ومايحس فيه الا اللي عايش فيه ومجربه لكن الصبر زين نصبر شوي ونختار صح ولا اننا نختار بسرعه ونرجع بعد كم شهر مكان ما كنا وهمنا زاد همين والألم ألمين ....

ونصيحه ثانيه للي تبي تتزوج متزوج انها تسأله قبل تتزوجه عن السبب الحقيقي اللي خلاه يتزوج مره ثانيه وتستحلفه بالله انه يصدق معها لانه متى ماكان السبب قوي ومقنع بيتمسك فيك اكثر واكثر وان شاء الله بيكون استمرار حياتكم اكبر ..
اما ان كان السبب حيا الله سبب ولا للمتعه بس ولا بيقهر ويأدب زوجته وزوجته مو مقصره معه فأنا اتصور والله أعلم انه بسرعه بيمل منك وبيحن لزوجته الاولى وبيطيح اللي براسه وبيتركك بعد كم شهر وبترجعين لبيت اهلك بحسرتك بدال ما انتي مطلقه مره صرتي مطلقه مرتين وبدال ما انك كبيره بالعمر وبكر تصيرين كبيره ومطلقه ويمكن معك منه طفل ...
والله ثم والله ان التأني في الاختيار والتدقيق فيه طبعا ما اقصد ان الوحده مننا تتشرط على الفاظي وشروط مالها داعي لا اقصد تختار صح الرجل اللي تحس انه فعلا محتاجها وشاريها ...وساعتها اذا لقت هالانسان تخدمه بعيونها وماتقصر معه بايييييي شييييي وتكون له الزوجه والحبيبه والصديقه والاخت والام وكل شي بحياته ولا تكدر خاطره باي شي وتحاول تتحمله وتسعده ولاتكثر معاتبته ...ساعتها بيكون مثل الخاتم باصبعك وبتسوين روحه وبتلقين الدلع اللي ماتلقينه لو عاندتيه ولا نكدتي عليه ولا حاسبتيه على كل صغيره وكبيره ... والله اكتب كل هالكلام بشكل تلقائي بدون تنسيق او تصفيف خالص لوجه الله ابيكم تستفيدون وتدعون لي وتذكروني بالخير بس ما ابي اكثر من كذا منكم ...الله يوفقكم ويسعدكم

وانتي ياشمس الحنين الله يكتب لك اللي فيه خير ويسعدك بالزوج المناسب وكل بنات المسلمين ,,
والله انها نصيجه طالعه من قلبي ومن تجربه شخصيه عانيت منها عساكم ما تمرون بها ...

فانتي فكري واستخيري وقرري بالشي اللي يناسبك ووضعك وتفكيرك

ربي يوفقك ويسعدك دنيا واخره