خبروني كيف اتصرف معاها بعد ما صارحني عنها زوجي

لا تكلمينها عشان ما تفقدين ثقة زوجج فيج
و شكل زوجج عاقل و هو راح يتصرف معاها

الله يبعد عنه شياطين الانس و الجن يارب

تفاهمي مع زوجك بهدوء وقولي قول لها بصراحه لاعاد ترسل

هلا اختي
انا مع رأي الاخوات بانك ما تكلمينها ، بسبب مهم
لانك اذا كلمتيها سواء بعلم زوجك او بدون علمه معناها انك اعطيتها حجم اكبر من حجمها ، ومعناها انك مهتمه بأمرها وانها تمثل لك تهديد ،،
وهذا الشي يعطيها قوة ، وراح تتمادى اكثر ،
والحمدلله ان زوجك كان صريح ، وما خبى عليك شي ،،،والرجل بطبعة ذكي خاصه انكم بمكان واحد واكيد خاف انه مثل هالانسانه المتهورة ممكن تطلع كلام او اشاعات عشان تخرب بينكم ، عشان كذا انا من رأي
عززي احساسه انه مرغوب وانك محضوظة انك زوجته .
حاولي تفتحين معه حديث بحيث انك توصلين لاي معلومه جديدة عن تحرشات هالبنت بدون ما يحس.
جددي بحياتك معاه ، ولا تخلين هالمشكلة تأثر على نفسيتك وحياتك ،،،عشان زوجك ينشغل فيك مش فيها ...
حاولي معاه ياخذ اجازة بعيد عنها ،،، وسافروا ....
اذا شفتيها وانتي مع زوجك خليك طبيعية وكانها شيئ عادي ولا سوت شي ،،،بس اذا صادفتيها وانتي لوحدك عطيها نظرة قوية ،،، يعني نظرة من فوق لتحت مع ابتسامه خفيفه بدون اي كلام عشان ما تمسك عليك شي .
اصبري واصبري واصبري ،،،، وادعي واكثري من الدعاء والاستغفار ،،، كل يوم ادعي : اللهم استودعتك زوجي وبيتي واهلي
اللهم أمنتك زوجي وبيتي ،،،،
واي شي يطرا علي برسلك ****لله
الله يفرج لك ويكفيك شرها ويشغلها بنفسها يارب وينور بصيرة زوجك ويحمية من امثالها وتكونين زوجته الوحيدة في الدنيا وفي جنة النعيم يارب

والله ياليته كان يخليني اروح له للقسم بس ما يرضى
أما اذا اروح وهو مش في الدوام عادي عنده
وعن البنت هو ما يبغيني اكلمها نهائيا، يقول لي انا قلت لج عنها عشان تعرفين المصخره اللي تصير عندنا بالدوام
لا والحبيبة اطرش مسجات حتى حق زميله يعني زميل زوجي