تتزوجينه من غير مهر ولا شقة ؟؟

السلام عليكم ورحمة الله وبركاته

كيفكم بنات ؟

فيه موضوع محيرني حيييل

واحد اعرفه خطب وحده لان زوجته ربي بلاها وماتجيب عيال ,,

مو هنا الغريب الغريب ان اهل البنت المتقدم لها قبلوا فيه ومستعجليين حيل على الملكه لدرجه ان ابوها قال له املك عليها رغم ان الزوج للحين ماوفر المهر ولا الشقة ويبي له اقل شي شهرين او اكثر ؟

ورغم ان الزوج قال لهم انا احب زوجتي وماخذه جزء كبير من حياتي بس لولا الذرية كان ماتزوجت وانا اكره التعدد ومع ذلك البنت موافقة مع انها بنهاية العشرين مو كبيرة بس مطلقة مرتين وبكر مادخلوا عليها !!

ماتحسون ان الموضوع غريب ؟
انا مستغربه من إستعجالهم على الملكه يعني الابو مايفكر مثلا خلال الشهرين ايش يصير؟
مايقول مثلا يمكن زوجته الاولى تحمل ويطلق بنتي وتصير بنتي مطلقه 3 مرات؟
مايفكر في حال بنته ساعتها؟

مدري ليه مستعجل يفترض يقول خلاص انت رجال وعند كلمتك ومتى ماتوفر لك المهر والشقه ياهلا ومرحبا فيك؟

احسه رامي بنته وبقوووة على الرجال ولاشرايكم؟

33 تعليق 2,233 مشاهدة

شاركي في النقاش

سجلي الدخول لإضافة تعليق.

التعليقات

31
  1. @ala_yanfsy

    الأب يعالج الغلط بغلط

    متعقد من طلاقها مرتين ومستعجل على زواجها

    مادرى ان تزويجها بهالطريقه قد يكون سبب لطلاقها للمره الثالثه


    عموماً اسأل الله ان يكتب له ولها كل الخير ويقدم الصالح لهما
  2. لا خير ماسوا الرجل دام ان هذا انسان احترم زوجته الاولى اكيد بيحترم الثانيه



    يابنات المصايب كثرت والناس يدورون الستر الله يسترهم يارب

تابعي تجارب أخرى من هذا القسم.