السلام عليكم ورحمة الله
انا مقرر علي من الدكتوره عمل أشعة الصبغه يوم الثالث عشر من الدوره في مستشفى حكومي ,, لكن
المستشفى قالوا ليه ماحجزتي من ثاني يوم الدوره وقلت ما ابيها تروح علي ها الاشعة ,, رحت وحجزت اشعة
في مستشفى الدكتور عدالرحمن المشاري سمعت الاشعه عندهم كويسه حجزت الاربعاء وقالوا السبت بنسويها لك يعني عاشر يوم الدوره
الدوره ماتنزل الابحبوب لازم اخذها ووقفت يومالثلاثاء 6/11 المهم اليوم عاشر يوم من الدوره
دخلت غرفة الاشعه وانا خايفه من الآلام والاوجاع وطول الوقت استغفر واسبح والاذكار قاريتها والحمدلله داعيه ربي في كل وقت
واستخرت الصباح وعادي ماصار معي شيء ورحت
نسيت اقول عطوني يوم الاربعاء حقنة شرجيه لتنظيف الامعاء قالوا استخدميها قبل تجين بساعتين بس مدري وش فايدتها ..:09:
المهم دخلت وجهزت النيرس كل الاغراض المفك اللي يفتحون فيه الرحم والمسهلات ونزلت الاشعه ولبست لبس اللي مفتوح من ورء وخلت الملابس اللي تحت فقط
ولما جت الدكتوره وفتحت الرحم بالمفك واحس بالحديده داخله في رحمي وبطني يوجعني
قالت يوووووووووه انتي مخلصه الدوره ؟؟
قلت : ايه من يوم الاثنين
قالت مانزل نقط ولاشيء
قلت : الا يوم الثلاثاء شوي والخميس ووقفت لكني طاهره من الاثنين >>>علامة الطهر
قالت : لا لا فيه دم جاي من الرحم هذا انا اشوفه
قلت : بس مانز معي شيء
قالت : ما ادري انا شايفته جوى بالرحم ..
وقالت :ما اقدر اسوي لك اشعه في هذه الحاله أن عندك دم وبيسوي لك احتقان بعدين,, واذا الدم موجود معناته لسه الاورده مفتوحه ورطبه وراح تدخل الصبغه جوى وتسبب لك مشكله ثانيه
بدل ماتكوني بمشكله تصيري بثنتين ...
انا ماصدقت لأني خايفه وسمعتها تقول لي فيه الم شوي قبل تسوي الكشف وخايفه من الصبغه ..
على طوووووووول قلت لها : خلاص خلاص لا تكملين بسويها بعين الشهر الجاي
قالت : اه الحين مايصير وانتي على كذا قلت الدكتوه تقول ثالث عشر من يوم الدوره قالت بس الدم موجود انتي اسألي دكتورتك اللي تعالجك ,, واذا تبين سويت لك بس على مسؤليتك
قلت : خلاص هونا:icon28:
ادي طولت عليكم خواتي الغاليات
والله من طلعت وانا جايه اقول لكم القصه حتى اهلي ما شاورتهم ولاقلت لهم شيء
ابي مشورتكم وارائكم
ودي اخذ موعد مع الدكوره واحكي لها اللي صار بس اخاف تهاوش وتزعل وتقول ليه ماسويتيها وليه ماحجزتي في مختبرنا من ثاني يوم وانا ثاني يوم جاني ظرف طارئ؟؟؟
وودي اسوي الاشعة يوم الثلاثاء وخايفه اطيح بدكتوره غير الليكشفت علي اليوم حتى اسمها ما اخذته ,,
والدكتوره هذ حقت الاشعه تقول مايصلح شعة الصبغه باوقات التبويض ابدا ,,:(
تلخبطت وموعارفه ش اسوي
ودي تعطوني صفه ولا شيء يفع انزل باقي لدم اللي في الرحم ..
واللي مرت في زي كذا تقول لي وش تسمى هذي الحاله وكيف اعالجها؟؟:44::44:
اللي بتجاوبني واللي بترفع الموضوع واي وحده تمر على موضوعي
اله يوفقها دنيا وآخره ويمن عليها بالحمل السليم لمعافى هذا الشهر ويرزقها من حيث لاتحتسب ذرية طيبه يااارب
الموضوع مغلق