زوجي قال لي عنده سرطان/ استوفى حقه من الردود

مرحبا بنات

انا اللي تعرفني اللي قلت لكم ان زوجي تركني عند اهلي سنه ونص وجا بعدها وسب اهلي وقال بطلقها وبعدها راح


هو امس ارسل لي مسج

كاتب لي (الله يسامحك وانا مابي منك شي ومصروف الولد بروح للشيخ وبشوف كم ارسل لكم كل شهر وكل الصبر اللي صبرته عليكي بلقاه عند ربي انا كان عندي امل ان الله يهديك بس الحمد لله على كل والله يستر عليك)

وطوالي دقيت عليه قلت له طلقتني ؟

قالي لا

قلت اجل وش له هالحكي

قالي انتي كذا تبين الطلاق وانا تعبت من هالعيشه واصلا لو انتي حتى تو تبيني وانا بعد ابيك وربي يشهد علي بس انا توني طلعت من المستشفى وقالو لي عندي ورم بالمعده


قلت خلي اصفي حسابي معك عشان ربي يساعدني والحمد عالصحه والمرض

قلت له فيك سرطان

قال سويت تحليل قالو لي ان عندي ورم وللحين ما يدرون بس انا استفرغ دم

قلت له يمكن من السجاير

قال منعوني من السيجاير من شهور وحالتي حاله واقولك مستحيل تصبرين علي لاني فعلا مريض اذا اول وانا صاحي ماتحملتي المشاكل القليله بتصبرين على انسان مريض

انا صرفت الموضوع وضحكت وقلت له خذ كلم ابنك

وخذا ابني السماعه وقال له بابا بابا طبعا ما يعرف يقول غيرها

هو له شهور ماشاف ابنه

وبس قال لي بتغدى الحين وبرجع اكلمك بعدين


انا ماعاد اعرف اتصرف انصحوني

بابا قال لي رماك شهور والحين قال انا مريض عشان ترحينه بس ولا هو مافيه شي

ما ادري وش اسوي بنات

دلوني ربي يسعدكم ارد عليه لا دق؟

اطنش؟

استخير طبعا سويتها


ربي يفرج على كل بنت تدعي لي

وماتشوفون ضيقه يارب