السلام عليكم ورحمة الله
امي قبل شوي تأشر لي على راس كتفها اليمين وتقولي بابتسامة طالع فيني عظمة فوق براس الكتف قمت أنا بخوف ولمست كتفها لقيت فعلاً فيه زي العظمة بارزة شوي وطالعت كتفها اليسار لقيت مافيه شي !!
عاد تدرون ضاق خلقي ومليون وسواس دار براسي:06: قلت يمه كلمي ولد اختك << دكتور
قامت كلمته وقالتله قال دامه مايوجعك اتركيه قالت طيب أروح لدكتور قال لا مافي داعي إذا بتروحين مراجعه لدكتور السكر قوليله << ولد خالتي هذا مررررة يستبسط الأمور وماشاء الله عليه دوم مبتسم وماخذ الامور بسهوله ومرح ونكتي ولاكأنه دكتور ومع إن جوابه طمني شوي إلا إني رجعت اخاف وأسوس الله يستر ,,
معلومات عن الغاليه : امي فيها ضغط وسكر سبق جاها جلطتين تاخذ ابر أنسولين للسكر وحبوب كثيييييرة ربي يعظم أجرها ,, ومن تقريباً سنتين تاخذ بودرة الكالسيوم لأن دكتور السكر قال فيها هشاشة عظام شديدة وماراح تكفيها حبوب الكالسيوم فصارت كل يوم تاخذ حبة كالسيوم الصباح وبودرة أحركها بمويه قبل النوم >>>> أنا قلت يمكن نسبة الكالسيوم زادت عندها وطلع فيها هالتكلس !!
ياليت يابنات تطمنوني لأني خااااايفه عليها الله لايحرمني منها يارب
شاركي في النقاش
سجلي الدخول لإضافة تعليق.
التعليقات
9- الله يشفيهاان شاء الله
انا اقول لو تروح للمستشفى احسن علشان تطمنين
والحمدالله مدام ولد اختها طمنها الحمدالله مو شي ينخاف منه
وحده عندنا طلع فيه عظم بالراس وراى الاذن هذا الي ينخاف منه صدق
وعالجت والحمدالله طيبه ويقولو عادي
الله لايحرمك من الغاليه امك
آمين - الله يطمنك عليها ويخليها لك
- الله يشفيها يارب انا اقول تروح لدكتور عظام موثوق فيه وتشوف حالتها اما اذا كان ولد خالتك دكتور عظام فهو ادرى وانتي سوي بحث بالنت واسألي عن حالتها واهم شي لاتخوفين امك وتوسوسين لان الخوف نصف المرض
- الله يجزاكم خير
يارب لاتفجعني فيها أنت عالم مالي غيرها بهالدنيا - دلوعه كلمتي مسموعه هلا فيك الله شفيلك امك
يارب انا اقول تروح لدكتور عظام لانه في امراض طلعت الواحد ما يدري عنها مثل مرض الوماتويد
ما هي أعراض مرض أ لروماتويد
يسبب المرض التهاب في المفاصل فيشعر المريض بألم وتورم وحرارة واحمرار في المفصل أو المفاصل الملتهبة , عادتا المرض يصيب مفاصل الأيدي , المرافق , الأقدام , الرقبة , الركب , الأكتاف , الفكّ, الأقدام, الكواحل, ومفصل الورك يشعر المريض بتصلّب في المفاصل في الصّباح الذي يستمرّ أطول من ساعة ً ويكون التصلب أقوى في المفاصل التي يكون فيها الالتهاب أكثر شدة .
اعراض مرض أ لروماتويد ؟
يشعر المريض أنة قليل الطّاقة وكثير الإعياء والخمول والتعب يشعر أيضا المريض بالحمّى ( ارتفاع درجة الحرارة الجسم ) البسيطة و فقدان الشهية للأكل وانخفاض بالوزن .
تميز مرض ألروماتويد عن أشكال الأمراض الرّوماتيزمية الأخرى بنمط تأثيره على المفاصل , على سبيل المثال يؤثر المرض على مفصل المعصم و كثير من مفاصل اليد لكنّ عادة لا يؤثر المرض على المفاصل القريبة إلى الأظفار .
المفاصل الأخرى التي من الممكن أن تتأثر مفاصل المرافق, الأكتاف, الرّقبة, الفكّ, الأقدام, الكواحل, الرّكب و الأوراك و الرّقبة, أما العمود الفقريّ عادة لا يَتَأَثَّر مباشرة من قبل مرض ألروماتويد .
منقول
مواضيع مشابهة
تابعي تجارب أخرى من هذا القسم.