▓☼ تضربين عيالكـ / تهينينهمـ / تدعين عليهم / تعالي نتعاون لتركـ هذي العادات☼▓

متابعة النقاش، صفحة 22

شاركي في النقاش

سجلي الدخول لإضافة تعليق.

التعليقات

242
  1. @am_aaayaly

    انزين مادام كلنا مستائين من تصرفاتنا خلنا من جد نبدأ صفحه يديده


    اللي قدرت تمسك اعصابها ومر اليوم بدون ضرب تكتب

    عشان نشجع وانسوي مثلها وهي بعد تستانس انها سوت شئ اليوم
  2. @am_alrym_14

    مشكوره أختي ع الموضووع

    اعترف اني أنا واايد عصبيه ساعات ع الأشياء تافه ما أقدر أمسك نفسي على بناتي خاصه بعد حملي ... ما أأضربهم بس كل أدعي عليهم ...
  3. @ghrob_11

    المشاركة المقتبسة غير متاحة.

    السلام عليكم

    ياريت تكتبين لنا اسماء الكتب وجزاك الله خير
  4. @roaby_5

    يوووووووووه جيتي على الجرح ,ماتوقع انه فيه في الدنيا ام زيي والله اني اضرب عيالي ضرب يهود مارحمهم مابقى خيزرانه في السوق ماشريتها وقطعتها على ظهورهم حتى بسلك المسجل لسعتهم والله العظيم اذا نامو رفعت ملابسهم انه جلودهم متمزعه من الضرب مكان الضرب متورم واحمر انا عارفه اني مجرمه بس ايش اسوي يحرقون اعصابي غير كذا ياكثر مادعي عليهم انواع الدعاوي وهم يسمعون لدرجه صار عادي عندهم الضرب والهواش والصراخ لدرجه والله العظيم صرت ماحرك فيهم شعره وصار مالي اي احترام او حب انا عارفه خليتهم يكرهوني بسبب معاملتي لهم

    ولدي الكبير عمره الحين 12 صار يتطاول علي ويرفع صوته تخيلوا امس قلت الله ياخذك اذا بتكبر وتسوي اكثر قال الله ياخذ انتي جعلك تموتين ويقول لاخوانه قولوا امين تخيلوا اخوه الصغير عمره 7 يقول امين ,لا وبعد من عمره 6 للحين 12 وهو يبول وهو نايم ,اللي حولي كلهم يهاوشوني عند اسلوبي وطريقتي بس ايش اسوي غصب عني ماقدر امسك نفسي يمكن لاني ماتعودت على الحنان امي وابوي عصبيين وورثوني العصبيه والجلافه ,والله تعبانه من نفسي ومتضايقه انواع تأنيب الضمير انا ابي اتغير بس مو قادره اذا مسكت نفسي ساعه اعصب بعدها ,الله يعيني بس ويهدي عيالنا

    الحين ابي منكم الشور ويش اسوي مع ولدي انا متزاعله انا وياه من 4 ايام ماكلمه واذا كلمني مارد عليه اللي قالي جعلك تموتين ,تصدقون انه كل من شاف عيالي يسألني ليش عيالك اشكالهم تعبانين وديهم شيخ يقرا عليهم انتم لو تشوفونهم وجيههم حزينه ودايما معصبين ومكشرين مايبتسمون اكثر وقتهم والحركه كثيرررررررر عندهم والخراب ياكثره مايخلون شي والله فضحوني عند الناس كل يوم تجيني شكاوي منهم مادري شسوي ساعدوني,