تجدد الأمل على يدها .... وأحسه بدأ يتلاشى وياليتها ماحكت ؟؟

اخواتي بنات حواء شيروا علي ....ساعدوني ...أنا بضيقه شديده الله يسعدكم
أنا من ضمن البنات اللي تأخر عنهم الزواج
ووصلت لمرحلة بدأ صبري فيها ينفذ مع اني مؤمنة بالله ولساني مايمل الذكربس غصب عني الواحد تفتر همته أحيان
الموضوع ان وحده معاي بالدوام صار لها فتره تلمح لي وتتقرب مني بشكل كبير وكان قلبي دليلي ان وراها سالفه فأكثرت من الدعاء والاستغفار لعل الله يرزقني على يدها
لحد ماجاء يوم وصارحتني انها معجبه بأخلاقي وتعاملي وانها تبغى تخطبني لناس تعرفهم ومدحت فيهم كثييييييييير
أنا ماعرفت أرد لأن الفرحه عقدت لساني ..كل اللي قلته على بركة الله انت بس جيبي لي معلومات عنهم علشان نسأل
وبقيت استناها ...واستناها ...ومرت الايام لاحس ولاخبر ماعاد كلمتني بالموضوع
هي مازالت تتكلم معاي عادي وأحس بلسانها حكي ...لكنها ماعاد جابت سيره بالموضوع نهائي
انا الحين أصابتني ضيقه
مدري وش ببالها .....هل تراجعت ...وش وراها ياترى ...أنا مره محتاسه
لدرجة اني صار ودي أسألها لكن ألاقيها صعبه من جهتي ... والقلق ياكل فيني ... مو قادره أتحمل
تكفون دلوني ...أرشدوني ...عطوني حل .... وياترى وش ممكن يكون صار
هذي الفرصه الوحيده اللي قدامي ماودي أضيعها ...وش الحل ؟؟؟؟؟؟؟؟

33 تعليق 2,215 مشاهدة

شاركي في النقاش

سجلي الدخول لإضافة تعليق.

التعليقات

30
  1. @abtsam_aml_5

    لاتسالينها يمكن تتلاعب بمشاعرك
    حتى انا قبل اسبوعين صارت لي
    نفس الحركه بس ماعليه لاني
    عارفه ان مقدر ومكتوب لاتشيلي هم
  2. @gogo13_1

    طيب انتي اساليها بطريقه او اخرى مثلا قولي

    لنا تقدم لي واحد وماودي ارد الين تجون ونشوف اللي عندكم

    واذ ماقالت شي يمكن خيره وعسى ان تحبو شيء وهو شرا لكم

    والله يكتب لك مافيه الخيره
  3. @ghdyrshahyn

    لا كلميها وافهمي منها عشا تروح الحيرة .. هو مافي امل في هذا العريس لانها مافتحت الموضوع مرة تانية بس برضو كلميها
  4. @aalgryhh

    صرااااااااحة ماادري تسأليها اولا :::
    حطي إحتمال ان ماصار توافق مع الناس اللي من طرفها لاي سبب كان يمكن مو منك"
    وهي مستحية تقول لك وانتي أدرى بشخصيتها يعني لو سألتيها بتفهمك"
    استخيري قبل كل شيء وان كان فيه خيره بيسهل ربك الموضوع"
    وفقك الله وحقق لك كل ماتتمنينه"

تابعي تجارب أخرى من هذا القسم.