محتاجة أفكـــــار مبدعــه

السلام عليكم ورحمه الله و بركاته ,,,

محتاجه مساعدتكم .. اختي مدرسة لغة انجليزية .. و المدرسة مكلفتنها تسوي نشاطات و فعاليات بمناسبة يوم الاتحــاد عندنا في الامارات ( 2 ديسمبر) فالي عندها أفكار ممكن تساعدنــا ؟؟
الصراحــة محتاسين و ما نعرف شوو نسوي .. و هي تبغي أفكار حلو و مبتكرة و جديدة ..

فالي عندها شي لا تبخــــــل علينـــا


تحياتي

5 تعليق 907 مشاهدة

شاركي في النقاش

سجلي الدخول لإضافة تعليق.

التعليقات

5
  1. صاحبة الموضوع
    السلام عليكم والرحمه ...

    ما شاء الله 25 قراءة و لا وحدة كلفت خاطرها تحط رد ؟؟؟
    عن جد أحبطوني ...

    شوفوا هو مب احتفال احتفال .. لأن عندنا حداد على وفاة الوالد زايد الله يرحمه
    بس المدرسة مكلفتنها تسوي شي بمناسبة يوم الاتحاد .. يعني فكرنا نسوي نشرات عن هاليوم و عن بابا زايد و الشيخ خليفة بن زايد .. مع بطاقة تصميم عن بابا زايد ..
    شوو رايكم ؟؟

    و الي عندها فكرة تحطها لاتبخل علينا ..
  2. @alasyl_3

    وعليكم السلام ورحمة الله وبركاته ..
    ممكن تعملوا عرض مميز من بداية استلامه للحكم واعماله المميزة في الامارات ..
    وفيه موقع خاص بالشيخ زايد الله يرحمه يعرض حياته واعماله ..

    ويكون عرضها عن طريق البور بوينت يكون مشوق وحلوو..

    وإن شاء الله الاخوات ماراح يقصروا معاكِ ..

    :26:
  3. @bnz

    فديتج الغاليه
    لا تحاتين
    انا بساعدج بس ممكن تخبريني ان هي تبغي تسوي مجسم يعني والا بطايق
    يعني بالاساس هي شو حاطة في بالها ...
  4. صاحبة الموضوع
    السلام عليكم ورحمه الله و بركاته ,,,


    هلا اختي **الاصيل**

    فكرة عرض البوربوينت فكرنا فيها .. بس يبيلها وقت و شغل
    و إن شاء الله لو في وقت بتسويها ...
    و تسلمين الغالية على المرور..


    الغالية **بنز**

    فديتــــــــــج انتي المنقذة حبيبتي
    و الله هي مب حااطة فبالها شي محدد .. بس انا قلتلها عن البطايق و شكلها بتقتنع فيها
    هي تبغي شي جديد و حلو و مبتكر .. تعرفين يعني عشاان تحطه بملفها بعد ..
    و انا أقول أي شي منج نقبله.. لأنه شكلها محتاسة و مب لاقية شي
    إذا عندج شي قوليه ...
    بتريا ردج الغالية ..



    تحياتي




    تحياتي
  5. @bnz

    هلا الغاليه

    سامحيني على التاخير
    بخصوص البطايق لازم يكون عندج هالاشياء
    صمغ اوهو مائي
    التور
    ورود مجففه
    صورة للشيخ زايد
    ورق ملون مقوى
    تطوين الورقة وتقصينها بحيث لما تفتحينها تكون مربعين على جهة اليمين واليسار
    بعدين تلصقين التور على الورقة من برع بعدين تخلين الورود المجففة على البطاقة حوالينها وتلصقينها واخر شي تخلين التور على الصورة للشيخ زايد وتخلينها بالوسط ... بتطلع الشكل كثييير حلو
    والله يالغاليه لوكنتي من دبي كنت بيي عندج وبساعدج ... وانا روحي كنت بسويلج مشان تعطيها لاختج
    :17:

تابعي تجارب أخرى من هذا القسم.