شاركي في النقاش

سجلي الدخول لإضافة تعليق.

التعليقات

18
  1. @kl_alasamy_mogodh_1

    ياعزيزتي معقوله البنت عمرها كله مامسكتوها قلم بالبيت !!!
    المفروض الأهل يعودون أطفالهم على مسك القلم والشخبطه ع الورق من هم صغار علشان تمرين لعضلات اليد وتدريب على المسكه الصحيحه ..
    والأخت اللي تنتقد المعلمات انهم يبون الطفل يجي فاهم كل شي ..
    هذا مو صحيح ,,
    أنا لا مدرسه ولا غيره ..
    لكن المفروض وأقل مافيها يجيني الطفل يعرف يمسك القلم إلا لو كان عنده مشكله مثل صعوبة تعلم ..
    والا وين دورك كأم ؟؟ هل يقتصر دورك على تغذيته وحمايته فقط ؟؟

    أما بنتك ياغاليه ..
    جربي تجيبين لها قلم عريض شوي أعرض من القلم العادي وخليها ترسم تشخبط .. تلون والمكتبات مليانه كتب تلوين وخليها تسوي هالشي قدامك وفي البداية امسكي يدها وساعديها شوي شوي .. ويبيلك صبر وطولة بال وتشجيع ..
    وكلمي معلمتها باللي جالس تسوينه لها في البيت علشان ماتحس انك مطنشه المشطله وقولي لها لاتحسس البنت ان عندها مشكله أبداً ..
    ولو ماتحسنت البنت لازم تعرضيها على طبيب نفسي مختص بالأطفال يمكن يكون عندها صعوبات تعلم خاصه بالكتابه وهذا شي موجود عند بعض الأطفال الأذكياء الطبيعيين وبتدريبات بسيطه راح تصير طبيعيه يعني الموضوع مايخوف والطبيب النفسي مو شبح تحذرون منه وكأننا للحين في القرن الثامن عشر !!
    وترى الموضوع جدا مهم لاتتهاوني فيه حتى لو ابوها مع كل أسف مااهتم ,,
    وبنفس الوقت دربي عضلاتها الصغرى ..
    اعطيها خرز وخليها تنظمه في خيط ..
    انثري حبات عدس على طاوله وخليها تجمعها حبه حبه ..
    الصلصال والعجين ممتاز جداً ..
    سويلها بالفلين أشكال مفرغة الحدود مثل دائرة حدودها مفرغه وخليها تمسك قلم عريض مثل الخطاط وتمرره داخل الفراغ وهو تمرين مرررره ممتاز .. للعضلات الصغرى وللتآزر البصري الحركي االي يمكن تكون بنتك عندها مشكله بسيطه فيه ..

    ع العموم لاتعتقدون ان المعلمه بيدها كل شي ..
    بدون تعاون الأهل مع المعلمه لتطوير الطفل .. يمكن الطفل ينجح لكن لن يبدع ويتفوق ..

    الله يطمنك على بنتك ..
    ولو عندك أي استفسار أو تبين أي مساعده بمعلومه أو وسيله لاتترددين وعندك الخاص ..
  2. @knz_alhnan

    صاحبة الموضوع
    كل الأسامي موجوده
    ياعزيزتي معقوله البنت عمرها كله مامسكتوها قلم بالبيت !!! المفروض الأهل يعودون أطفالهم على مسك القلم والشخبطه ع الورق من هم صغار علشان تمرين لعضلات اليد وتدريب على المسكه الصحيحه .. والأخت اللي تنتقد المعلمات انهم يبون الطفل يجي فاهم كل ش…
    ياقلبي انتي والله مشكووره على نصايحك من جد محتاجتها

    وانا ماقصرت معاها اهي من قبل المدرسه انا ملاحظه عليها ودايم انبهها مادري عشانها عسماء مع اني احس هالشي ماله دخل

    حتى بالاكل تاكل باليسار ودايم انبها الحمد الله الحين بدت تتعود على اليمين بس ماتمسك باليمين الاكل زين

    انا ماقلت شي عن الطبيب المختص بالعكس هذا من حرصي عليها اوديها مافي مشكله بس انا اقول يعني المده اللي راحتت من بدت المدارس ماحس انها كااافيه انهم يياسون وانا اياس من واقول اكيد فيها صعوبات احس كل شي يبيله وقت

    ان شاءالله فتره وتعدي انا الشي اللي مابيه انها تتعقد من المدرسه او شخصيتها تتعقد بس الحمد الله اهي ذكيه ونببهه ماشاءالله

    الله يعييين :39:
  3. @slsalhal_1

    ما لقيت اسم
    اهلين اختي اتوقع لانها ما قدر درست ابد وشي طبيعي ما تعرف تمسكه على طول هم يقارنونها باطفال دخلو تمهيدي لان الغالبيه الحين يدخلون تمهيدي وقد قرأت طريقه لتعليم مسك القلم استخدام قلم رصاص يجي شكله مثلث وليس دائري ولازم انتي تتابعين معها بالبي…
    ياعمري بنتك زي ولدي توه ياول ابتدائي ويحفظ بسرعه ماشاء الله عليه ويفهم وذكي ماشاء الله عليه بس عيبه مسك القلم حرف الدال والرا يكتبها فوق تصير الفتحه لفوق والهمزه مايعرف يكتبها والقلم يمسكه بخفيف كانه خايف منه تعبة وانا اعلمه ومافيه فايده واي شي ثاني يمسكه طبيعي بس القلم ماساه وش اسوي
  4. @renad81

    والله كان عندي رقم مدرسه خصوصيه خطيرة تعلم الطفل كيف يمسك القلم وطريقتها مره حلوة تعلمه شوي وتلعب معه أكثر ومو لعب أي كلام لا لعب تعليمي

    بس للأسف ضاع رقمها ولا كان عطيتك اياه

    يعني تسويلك روضه في بيتك وخلال ساعه بس

    قد جبتها لولدي يومين

    وكانت مره تنصحني بالصلصال لتقويه عضلات اليد وانها اهم خطوة في جعل الطفل يمسك القلم صح


    وشي ثاني مره مهم أنتي تقولين ان بنتك عسماء يعني مفروض تكتب باليسار ليش تجبرينها على الكتابه باليمين يمكن هذي مشكلتها

    جربي تخلينها تكتب باليسار لأن اليسار بتكون أقوى من اليمين

    وإن شاء الله ماراح تحتاج الى دكاتره وعلمي المدرسه ان تخليها تكتب باليسار

    وبإذن الله بتنحل مشكلتها

تابعي تجارب أخرى من هذا القسم.