انا لو مكانك احط كنب جلد او زاويه جلد لانه الموضه و اختار لون فاتح يعني ابيض او سكري او من درجات البيج و اجيب كنبين صغار فيهم الوان صيفيه كثيره اصفر اخضر وردي ازرق احمر اورنج لانه بيضيف حياه للصاله ومن نفس لون الكراسي الصغار اصلح خديدات ملونه احطها على الكنب الجلد بالنسبه للجدار اختاري لون غامق من نفس لون الكنبات مثلا احمر و اصبغي فيه جدار واحد اللي بيكون ورى الكنب الرئيسي و بعدين حطي عليه المناظر المودرن يعني يكون ايطارها خشبي بسيط او من دون اطار وممكن تحطين رفوف السراميك الدارج السراميك الخشن اللي نفسه ينحط في الحدائق بالنسبه للسجاده الساده حلوه و في نوع من السجاد اللي يجي كانه شرايط او فرو او فيه اشكال من نفس اللون تلاقينها في ايكيا وهوم بلازا الطاولات خليها خشبيه بسيطه تتناسب مع ايطار المناظر اللي بالجدار و حطي عليها شموع و حصى او صحن فيه بتلات من نفس لون الكنب الزوايا حطي فيها نبات طبيعي بيطلع روعه لان الاضاءه عندك مره حلوه من الدريشه بالنسبه للتلفزيون يا يكون معلق بالجدار او تجيبين مكتبه بسيطه ارضيه و تحطي عليها التلفزيون تكون طوليه ممكن تسوين اضافات بالزوايا حامل كتب و حامل سي دي احواض زرع متفاوتت الحجم بالزوايا حوض سمك شكل غريب او كرسي هزاز
اذا انتي من الرياض روحي العويس عندهم محلات تفصل كنبات مودرن مره حلووووة اتوقع صالتك لاوم تفصلي لها لان مساحتها كبيره يعني ماراح يكفيها كنب من ديموس او ايكيا والتقصيل راح يطلع عليك ارخص