السلام عليكم كيفكم بنات حواء والله جالسه اكتب لكم ودموعي على خدي
انا وش سويت ماادري وش الذنب اللي اذنبته ياربي والله ماادري
بقولكم قصتي انا ملكت وانا طالعه لاول ثانوي وجلست سنتين مملكه بحكم الدراسه وبهالسنتين طلعت لي 3 ارقام وكل ماطلعت رقم تجيني عليه ازعاجات فضيعه لدرجه اني اصحى من النوم الاقي فوق الستين مكالمه وربي مااكذب عليكم
اول رقم كان باسم زوجي ويوم علمته قال حتى انا تجيني نفس الارقام وغيرنا ارقامنا وحطيناها برضه باسمه هو ماجاته ازعاجات بس انا طلعو عيوني ويرسلون لي علامات اللي هي الرسايل بدون رقم وكلها تهديد بنشر الرقم فغيرت رقمي وحطيته باسم اخوي وبرضه جات ازعاجات طفشت قررت اخلي الرقم لين قبل الزواج بشوي واغيره وطبعا زوجي عارف بكل شي
وكل مااعطيت زوجي واخواني يردون عليهم يتمادون ويدقون اكثر واكثر المهم غيرته قبل زواجي بفتره وحطيته باسم زوجي ويوم تزوجت جاتني رساله تهديد تقول هين سويتي اللي فراسك وتزوجتيه (تقصد زوجي) اوريك شغلك
وبعدها زادت الازعاجات وقررت اطنش ومر سنه و5شهور وانا على هالحال دايم جوالي صامت من كثر الازعاجات واليوم اليوم بالذات طفح الكيل لقيت رساله تقولي( مبروك البنت وهديتك ببتجيك والا اقولك بعلمك وشي بكتب رقمك على جدار الجامعه حقت الاولاد واذا تعبتي من الرد خلي بنتك ترد ههههههههه) شفتو كيف الوقاحه وربي خلاص انهرت تماما ليش يصير لي كذا وش سويت ياربي والله مالي اعداء واني حبوبه مع الكل ولاعمري اذيت احد
ويكون بعلمكم اللي ترسلي بنت قد دقت علي من كذا كبينه بس والله مااعرفها
انا الحين ماابي جواااااااااااااااااااال كرهت كل الجوالات بس زوجي يقول مستحيل تقعدين بلا جوال ماعليك منهم
ابيكم تعطوني حل الله يوفقكم وش السوات
شاركي في النقاش
سجلي الدخول لإضافة تعليق.
التعليقات
48- نصيحة لك اختي ولكل مكروب من المسلمين وكل صاحب حاجة وكل صاحب هم
اكثري من الإستغفار وخصوصا أفضل صيغه و أفضل صيغ الإستغفار هو ماسماه النبي صلى الله عليه وسلم سيد الإستغفار
عنْ شَدَّادِ بْنِ أَوْسٍ رضي اللَّه عنْهُ عن النَّبِيِّ صَلّى اللهُ عَلَيْهِ وسَلَّم قالَ : « سيِّدُ الاسْتِغْفار أَنْ يقُول الْعبْدُ : اللَّهُمَّ أَنْتَ رَبِّي ،لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ . منْ قَالَهَا مِنَ النَّهَارِ مُوقِناً بِهَا ، فَمـاتَ مِنْ يوْمِهِ قَبْل أَنْ يُمْسِيَ ، فَهُو مِنْ أَهْلِ الجنَّةِ ، ومَنْ قَالَهَا مِنَ اللَّيْلِ وهُو مُوقِنٌ بها فَمَاتَ قَبل أَنْ يُصْبِح ، فهُو مِنْ أَهْلِ الجنَّةِ » رواه البخاري .
وهذا الحديث هو أفضل ما يستعمل من ألفاظ الاستغفار
ولهذا وصفه النبي صلي الله عليه وسلم بأنه سيد
الاستغفار وترجم له البخاري بعنوان أفضل الاستغفار ، وكأنه أشار إلى أنه المراد بالسيادة الأفضلية
ومعناها الأفضل نفعًا لمستعمله . - طلعي رقم ولا تعطينه الا زوجك واهلك بسس
- المشكله كل ماطلعت رقم يجيبونه والارقام المجهوله صارو يفصلونها اللي بدون اسم يعني محتاره والا انا مابقيت ولاخليت شي الا وسويته اشتكيت عليهم في الاتصالات حتى وفصلوا ارقامهم ورجعوا يدقون علي بارقام جديده
- ياشيخه طنشي ولا تعطين رقمك احد الااهلك هاذي شكلها حاطه عينها على زوجك
- هذي قريبة منكم
كيف متابعة كل ارقامك
إما أنها تبغى زوجك
أو حاقدة عليك أنت بلا سبب
أكثري من الدعاء
(( اللهم اكفنيها بما شئت ))
(( اللهم إني أعوذبك من شرها ))
الله يحفظك
مواضيع مشابهة
تابعي تجارب أخرى من هذا القسم.