يــــابــــنااااااااااااااااات انتبهن لبيوتكن ’’’واكبر دليل رجليني !!!

السلام عليكم ورحمة الله وبركـــــــــــــــــاته

تصدقن يابنات أكتشفت أننا نسوي فيها سنعات وصبارات وعلى اتفه شي نخرب الدعوى<<<الشكوى لله ماتعرف تكتب مقدمات على سنع

المهم ادش في الموضوع

تلقين الوحدة مسوية فيها سنعة مع رجلها وصباره وكل مابغى شي سوته لاويمكن تسوي شي ماطلبه

ثم يجيها ونفسيتها الله بالخير ولا ملت من السناعة

ويقول لها ابي اعزم اهلي او ربعي أو أو

ثم تناظره بعيون وحجان معقودة وتقول له لاوالله وش قالوا لك عني تراني مليت ونحلت يديني من كثر الكرف <<<<كنها قاعدة بينهم

تعالن عاد شوفن نظرة الزوج لها

او لوصبرت على اهله ثم طلبوا منها طلب تافه ورفظت والله اللي بينغسل الأولي والتالي وبيرسخ الشين وبس

المهم الأمثلة كثيررررررررررررررررررررررة

بتقولن وش دخل رجلينك في السالفة

ياطويلات العمر انا قررت في يوم من الأيام اني احلس رجليني واملسهن طمحا انهن يصيرن مثل رجلين االبزور<<<في الحلم يصيرن كذا

وبتلت ياما دهن ياما حكحكة لاوالشبشب البلاستيكي ماينفصخ عن رجليني ابد صار جزء منهن

تصدقن اربع شهور وهالشبشب لازق فيني صار بيني وبينه علاقة حب ووفاء

والمشكلة اني صرت ما اقدر افصخه متى مابغيت تعرفون رجل ومكتومة وش بتصير الريحة:eek:

لاوإذا قال لي احد شبشبك غريب وين لقيتيه ؟؟ افصخيه اشوفه ’’

قلت رجااااااااااااااااء بدون أحراج ناظروه وهو علي

وتعليقات من الأخوات ماقصرن :06:

لاواذا بغيت انوم الحريم قبل ماينومن يجي في بالهن اما لبس ولاتزين هاه ولا هاه

انا مافي بالي وش لو انسى ما اغسل رجليني واطيبهن مأسااااااااااااااااااة

شفت رجليني صارن حلس بس مهوب لدرجة رجلين بزور :04:

قصرت واطلقت الدعوى تصدقون عشر ايام بس

تعالن شوفنهن وش صارن:35:

ما ادري وش اقول

اخاف اقول عكرة ضب ’’ ويرفع علي الضب قظية تشويه سمعة أني شوهت سمعت عكرته:30:

يعني بصريح العبارة صرت إذا بغيت احك ساقي ما أعني على نفسي مشوار اني اثني جسمي واحك ساقي بيدي

لاابد عركوبي يقوم بالمهمة من الحرشة صاير حكاكة ممتااااااااااااااااااازة:06:

شفتوووووووووووا هالمثال اللي يدل على أن البناء يبي له وقت والهدم يصير باقصر وقت :time:

فلذلك لازم نصبر ونذكر أن الخير ماينذكر بسهولة ويقنع اللي حولك

والشر لو بنظرة ماينسى لك ويصير سالفة الناس عنك ولمدة طووووووووووووووويلة

دارية انه موضوع مكركب لكن كتبته بسرررررررعة من هول ماشفته من رجليني :06:

ردودكن الله يسلمك راح تنسيني حرشة رجليني :26: