الموضوع مغلق

بنات تتذكرون بنت مجرن .. اللي زوجها كان عقيم // قديم

ما أدري بنات تتذكروني .. و لا نسيتوني ..
أنا عضوة قديمة بالمنتدي ...
كنت متزوجة من عشر سنوات و زوجي حيواناته المنوية صفر ..
جربنا كل العلاجات و ما فاد .. سافرنا و أخذنا خلطات و أنابيب و علاجات .. ما خلينا شئ ..
بعدين سبحان الله بناء على طلبي استخرت و طلبت الطلاق .. مع إني كنت أحبه و هو يحبني ..
استخرت و تطلقت .. حسيت بتأنيب ضمير .. بس مع ذلك توكلت على الله سبحانه ... لأن كان خاطري أكون أم .. و عمري جرب على الثلاثين ..
اتزوجت من رجل غير متزوج .. خلوق و متدين و ما شاء الله عليه حطاني في عينه .. حملت من أول شهر
الحين ما شاء الله عندي ولد .. و الله يسوى الدنيا و ما فيها ..
انحرمت منه عشر سنين .. و الحين كل يوم أشكر ربي على النعمة .. ابتسامة ولدي و ضحكته بالدنيا كلها ..
ما تتخيلون شعور ما يوصف لما أشوف ابني ..
أنا كتبت الموضوع لأني حصلت بريدي ما شاء الله رسائل تسأل عن حالتي .. حبيت أرد عليكم و أطمن البنات على حالتي ..
الله يرزق كل محرومة .. و يخلي كل ولد لأمه ..

169 تعليق 31,058 مشاهدة

شاركي في النقاش

سجلي الدخول لإضافة تعليق.

التعليقات

161
  1. @klby_maa_aayaly

    ماشاء الله تبارك الرحمن

    الله يخليه يارب ويرزقك باخوان واخوات له

    شوفي اختي مقدر الومك لانك تطلقتي من زوجك اول

    لان هدفك كان طلب الذريه

    وزوجك الاول عسى ربي يرزقه بوحده ويكتب له ذريه منها ان شاء الله

    الله يرزقني ويرزقك بالذريه الصالحه وكل من يتمناهم
  2. @hlahh

    ماشاءالله تبارك الرحمن
    الله يوفقك ويخلي لك ولدك ياارب وعقبال ماتشوفينه معرس
  3. @marshmalo

    ايه و الله أتذكرك يا غالية.. الحمد لله و الشكر انك طمنتينا عنك
    و الله يخلي لك ولدك يا رب و يحفظه ..و يسعدك و ين ما كنتي
  4. @bnt_mgrn

    صاحبة الموضوع
    جزاكم الله خير خواتي ..

    الله يرزق كل محرومة .. و الله يحفظ عيالنا و أزواجنا ..

تابعي تجارب أخرى من هذا القسم.