شاركي في النقاش

سجلي الدخول لإضافة تعليق.

التعليقات

106
  1. @00zhor_alryf00

    صاحبة الموضوع
    ياناس والله موبايدي أحس غصه في قلبي أحس إني ماني طايقتها سببت لي حاله نفسيه من صغري وهي مهملتني عاطفياً حتى بوسه ماأذكر باستني الا مره وكنت نايمه بعد تضرب بعنف ماتسمع لاحد حتى لابوي ماتطيعه شايله عبايتها وعند جيرانها كانت تقفل علينا باب البيت وتخرج بالعصر والليل أحيانا دائمة النزاع هي ووالدي إذا تعبناها في البيت طلعتنا بالحوش حتى لو كان عز البرد بالليل الوالد هو اللي كان يودينا الحمام ماترضى تقوم من النوم لها نقاط تحسب لها ولكن عليها أكثر كانت السبب هي ووالدي في انحرافي وتعرفي على شاب فترة مراهقتي والحمد لله أراد لي ربي الستر والنجاه والسبب ابي مشغول وامي لاهيه بجيرانها وعندما اكتشفوا الامر لم يحتووني بالعطف الي انا محتاجته بل بالضرب والعنف والتوبيخ والشتم تضربني حتى تخرجت من الجامعه لاتقبل مني كلمه تقلب الكلام كما تشاء لاتصدق أحد منا نحن بناتها كثيرة الخصام حتى لو كانت الاسباب تافهة تزوجت ولله الحمد وكانت أسعد أيام حياتي عندما خرجت من المنزل وأقسم بالله أن نار زوجي أرحم من جنة أهلي رزقني الله بأربعة اطفال حفظهم الله لي وأحاول أن ألبي جميع طلباتهم وأضغط على نفسي من أجلهم حتى لايشعروا بما أشعر به ولايعانوا ماعانيته ولكنها لاتتركني في حالي دعيهم اتركيم دوامك يكفي مو شرط تذاكري لهم ماعاد فيه وظايف لاتسوين لهم شي ماهم ملائكه هم عيال بشر فاتذكر اهمالها لنا وان كلامها مو من فراغ ماأقدر ياناس أشوفهم ماهم حافظين ولامذاكرين وماأسوي لهم شي عندي دوام طوال الاسبوع وارجع من الدوام ونوم نص ساعه واقوم اسوي الغدا وأذاكر للعيال الى العشا وأعشيهم وانومهم وأبدأ أحضر وأجهز لليوم الثاني ولاأرتاح حتى أنام ونهاية الاسبوع مقسمته يوم لاهلي ويوم لاهل زوجي والجمعه استعد لليوم الثاني انا وعيالي وياويلي لو أخرب هالتقسيمه ولا أتأخر مالي اي يوم انا وعيالي مضغوطين ولا أحد يراعينا ماأقدر اكلمها بالتلفون أيام الاسبوع لاني ادري بتقلب الكلام وبتقعد تسأل وتحقق وتخاصم وتضيق علي حياتي اقولها تعبانه تقول كذابه عندك شغاله مااقدر اشكي لها ولا احط راسي على صدرها وابوح لها بهمومي اختي متزوجه وعندها ولد وعايشه معها عشان زوجها عمله بعيد ضربتها ضرب بغت تموتها مافكها منها الا انا وبغيت ابكي عليها والسبب شي بسيط مايستاهل وتسب وتشتم ياناس والله احاول ارضيها وماازعلها خوف من الله بس ماقدرت احبها مارضى عليها بس مااحبها شسوي بقلبي امتلى من النكد والهم والغم كرهتني في الناس كثيرة الغيبه واذا ماشاركناها ولا نصحناها سوت قضيه وزعلت وهاوشت ادري تحبون فلانه وعلانه تدافعون عنهم وتكرهوني كل شي تفهمه بالمقلوب حياتي قريب منها جحيم صبرت صبرت ثم صبرت 30 سنه ومااقدر احس اني بانطق احس بضيقه اخاف من رب العالمين شسوي اخاف يحاسبني على كرهي لها لو اروح لها نص ساعه ولا ساعه سوتها قضيه اروح لها العصر يوم الاربعاء بعد تعب الدوام عشان يمديني اجلس معاها وارجع البيت بدري عشان عيالي ينامون بدري بسبب المدارس بس ماهي راضيه تقتنع تقول سهريهم وش يعني ليش ماتقعدين عندنا مانتي زي بقية البنات تحبين اهلك وتبغين تقعدين عندهم وكل زياره لهم تجيب مشاكل يااقعد الى نصف الليل ياانها لاتشوفني تتسلى بالعيال وتحب تسهر الليل اقول لها كذا تعب علي وعلى العيال تقول مااقبل ولا اسامحك وكل صغيره وكبيره فيها مشكله وقضيه احاول ارضيها مافيه فايده ياناس دلوني ابغى ارتاح ابغى الضيقه اللي فيني تروح ابغى ارضيها وماني عارفه كيف مافيه شي يرضيها
  2. @mhl_moaaayn

    لحنان123
    لاتعصينها ولا تغضبينها واحسني لها واحتسبي الاجر ولا تطولين عندها يعني زوريها نص ساعه ساعه وارجعي بيتك - …
    :) هذي اول مشاركة لي وبصراحة شدني الموضوع .. مهما كان امك وحقها عليك كبير الطاعة والاحترام وتقبلها بعيوبها ما احد يختار والدينه .. ادعي لها بالهداية:26:
  3. @ho_tvdg

    اتقي الله في امك شوفي وش فيها حاولي تتقربين منها يمكن تكون مضغوطه نفسيا والله يهدينا وياكم

تابعي تجارب أخرى من هذا القسم.