بصراحه فيه كم بنت صدمونى حيل فى هالمنتدى بدون ذكر اسامى وحده فيهم راده بالموضوع ودى تقرا كلامى دام السالفه عن ثقه وهى ماتثق الا فى بنات بلدها يعنى الباقى غشاشات لاننا مو من ديرتك ؟؟؟؟والموضوع عادى نقاش احب اتناقش انا معكم زى ماتفضلتوا وحكيتوا عن البنات الى يتاجرون فى بضايعهم انا بحكى عن البنات الزبونات الى للاسف الشديد عليهم حركات ولله عيب حتى الواحد يحكى فيها بس بقول شى يضايقنى انا وااغلب الاخوات التاجرات
فيه زبونه ترسل كذا رساله خاصه انها تبى طلب من ببضاعه معروضه وتطلب الايميل واضيفها معى وتجلس مع بالساعات تحكى وتضيع وقتى وتطلب رقم جوالى واسمى ورقم حسابى اقوم اعطيها على انها بتشترى صدق وتحجز الكميه وتحدد النوعيه وتقولى بتصل فيك ياروح البخور وفجاه قبل تطلع من المسنجر تقولى اسفه مامعى فلوس الحين 00طيب انتى دام مامعك على قولك فلوس اجل ليه تاخذين ايميلى ورقمى وتلعبين على وتضيعين وقتى واخرتها يطلع لعب وكلام اطفال من بيصدق مامعها فلوس تشترى اصلا من جبرك تطلبين ولاتجين تشترين منى
وعشان اكون واضحه مع الكل انا تاجره صريحه حطيت كذا مره عنوان المحل تقدر اى زبونه اى مشرفه اى انسانه تروح لمحل تتاكد من بضاعتى واسمى وجوالى وكل حاجه لانى مالعب على الغير ولا احب بنت تجى تلعب على او تستهبل او على قولتنا بالسعودى تتميلح
زبونه من نوع ثانى مكلمتنى من فتره تطلب بضاعه جمله ولما جا وقت الجد تقولى بدفع اقساط !!!!! عسى ماشر وشو اقساط؟ وبنفس الوقت ماتحضر وقت موعد الشراء يعنى شايفنا نلعب معكم ولا وش مشكلتهم هالبنات
لكن فيه بنات اقسم بالله ينحطون على الجرح يطيب مثل الاخت وجدان الاموره من زود الادب فى التعامل وكثير بنات زيها حتى لو بيوم غيروا رايهم وماشروا اسلوبهم المؤدب يخجلنى يخلينى احترمهم من صراحتهم واتمنى اخدمهم بى وقت يحتاجون فيه شى لانهم يتعاملون معى بمصداقيه وثقه عكس نوعيه الزباين الى تو كتبت عنها
دام التاجره صريحه معكم المفروض تحترمون صراحتها وتتعاملون معها باخلاق افضل من كذا اذا بعضكم فاضى ويضيع وقت ترا حنا موفاضين له مع احترامى للكل واتمنى تتقبلون هالكلام وماتوقع الحق يزعل كثير تاجرات يعانون بس ساكتين مايبون يسوون مشاكل مع الزباين
اذا التاجره حاطه عنوان محلها وصور بضاعتها وتعطيكم جوالها وايميلها وتقابلكم شخصيا وجه لوجه لو فيه بنت طلبت مقابلتها هالشى يكفى انها تكون محل ثقه لزبونه ولا كلامى غلط !!!!!!!!!!
فيه شغله مهمه اخيره فى بنات يطلبون ارسل عينات لهم من حسابى والشحن من حسابهم
اوكى انا سويتها وزعت عينات ماتخيلون ياخواتى وشكثر خسرت كم توله بخور خلصت بس على عينات وطبعا هالخساره انا الى ادفعها من حسابى يعنى هذا مو منطق بعد ارسل لكل بنت توله لديرتها كارثه وخساره ماديه البخور غالى مو معقول بدفع كل هذا بروحى ولما صرت ارفض ماعجبهم وزعلوا 000اتوقع من حقى اررفض لانى بخسر كميات بخور ودهن عود للبلد الفلانى والبنت العلانيه محد يرضى لنفسه بالخساره
فيه مشاكل كثيره حاصله بصراحه بس اغلبكم ماتطرق لها بالحديث واذا ذكرت شى بضيفه اذا سمحت لى صاحبه الموضوع اضيف او يكفيها الى قلته
اتمنى من كل قلبى تتقبلون هالكلام وماتزعلون مع احترامى لكم وارق تحياتى
دعوة لجميع سيدات الأعمال والزبونات : إلى أي مدى الثقة موجودة بينا في البيع والشراء
متابعة النقاش، صفحة 6