كيف اخلي عيالي يحترموني ويسمعون كلامي
السلام عليكم
ياعالم انا تعبانه مع عيالي...مااعرف شلون اربيهم ... :44:...تعبت معاهم
يجننوني....
اولا بنتي.... عنيده ... عمرها 3 سنوات... هالنتفه تحاول تمشي كلمتها علي....
قبل سنه ...كانت تصيح وماترضى تلبس الا اللي تبيه .... وما تحب تلبس تنوره ,,, تبي بنطلون
واقعد انا وياها ...تلبسين اللي اقولك عليه..!!!
والحين اقولها قومي رتبي الحوسه الي سويتيها ... تقعد ماتتحرك...واناا رايحه وجايه ....يالله قومي ...ماش ولا كأنها تسمع
اوصل بالاخير اني اهددها باني امنعها من اشياء تحبها....!!! مافي فايده
ولما يكون اخوها معاها ...يقوم "بعد فتره هواش "يرتب ....خاصه لما اطلع الحلاوه ...يرتب البيت كله...الا هي
وتقعد تصيح.. تبي حلاوه بس ماتبي ترتب...او تبيني ماأعطي اخوها حالها حاله...!!!!
هالنتيفه... تراها صغيره وقصيره ...بس اسم الله عليها... موب هينه عنيده...عليها رااااااس يابس
كله كوم لما اهاوشها .....تقعد تضحك:mad:
اما اخوها عمره 4 سنوات
يجي من الروضه ....باسم الله عليه ....يحوس لي البيت
وانا ماعندي شغاله والبيت يكون مرتب.... يكبون العصير عالسيراميك يلعبون بالماي....
اقعد انا وياه :angry: صراخ
اذا اجتمعوا مع بعض يتحدون ...وكل واحد يشجع الثاني
المشكله ان ابوهم اذا دخل البيت يعصب اذا شافه مش مرتب.... فقبل ساعه من وقت جيته اراكض بالبيت
ارتب هذا وامسح هذا ....كل شغلي الصباح ولاشئ :icon33:
يمكن المشكله فيني...انا دقيقه بالترتيب والنظافه
مااحب اشوف التكايه ( المخده حق كنبه الصاله ) عالارض
استخف لما افتح درج واشوفه حوسه :mad:
اقعد طوووووووووول اليوم وانا على رجولي ارتب الصاله ...واروح مكان ثاني... وارجع ارتب الصاله مره ثانيه من بعدهم
لالالالا .... هم عليهم حركات ترفع ضغطي ...احس اني بيجيني شئ ضغط ....سكر ...طول اليوم هواش وصراخ
يعني مثلا ...يعلون صوت التلفزيون للآخر ...اهاوشهم واقصر عليه....اروح ...يرجعون يطولون عليه
مالي احترااااااااااااااااااااام:mad: هذا اللي بااااااط تشبدي مالي احـــــتــــــــراااااااااام
والله تجيني حاله اسكر على نفسي الباب اهدي روحي....
المشكله....نهايه اليوم يتمسكنون....يقولي ولدي ....ياماما انا احبك ليه تقولين لي وجع
ما اعرف شقوله
ساعه يكسرون خاطري .... وساعات اضربهم ..... ومالي خلق لهم
حاولت اتغير...بس ما:44:قدرت ....مااتحمل اقعد في مكان حووووووووسه
ماادري .....قالي زوجي ...ان شخصيتي ضعيفه معاهم...عشان كذه مايسمعون كلامي...ولا يخافون مني
والله كنت قبل اطنش بعض الاشياء اللي يسوونها....واغلب وقتي رايقه...
بعد ماقالي احس اني عصبيه وشااااده معاهم
التربيه صعبه...
:icon33:
ماابي اذا كبرو يراددوني .... وتصير كلمتي عالارض
مااعرف متى اعطيهم حنان واحضنهم ....وهم على طول مطلعين عيوني
وامي تقول طبيعي يخافون من الابو ... والام مو كثير يخافون منها