هلا والله انا والده في بريطانيا لسا خالصه من الاربعين ابقولكم ايش شفت
طبعا في الحمل انواع الرياضه عندهم قسم بالله اني اتفشل من زوجي وهم يمشون تقول مو حامل ما تدرين الا اذا لفت علي قدام ولا تمشي ازين مني قبل ما احمل بخفه ورشاقه كلهم بدون استثناء ليه تتوقعن كذا ...............؟؟
لانهم مايركبون سيارات بس مشي والله اني اشوف العجب تخيلو تمطر هواء وبرد برضو عااادي يمشون ولا الابتسامه ما تفارق وجوههم وحنا سواقين وتلقين الوحده ماده بوزها شبرين............ ( بس حنا عندنا تخلف مع الاسف الشديد لانه اذا الوحده مشت في السعوديه انواع المعاكسات والترقيم حتي وهي حامل ههههههههههههه) (ولا الفشيله زوجي مره سئل الدكتوره عادي تمشي زوجتي وهي حامل طبعا بغى يغمى عليها من الصدمه)
بالنسبه للزيارات الدكتور مدري احس ما يهتمون فيني مثل البيبي بس ناويه الاسبوع الجاي اهريهم اسئله باذن الله
اما عن الولاده اتذكر من بكرا وانا نايمه ( تعرفون انواع التسدح والتعب وهم ماشاء الله يناقزون مناقز من السرير ) جت عندي خبيرة رياضه وعطتني ورقه تقول لازم تسويها عاد اختكم بالله انواع الاستهتار وما سويت شي بس باذن الله ناويه دايت+ سبور علي الاقل ثلاث مرات في الاسبوع والله يعين ...................
اما بطونهم صراحه انا اشوف انه الي والده لها كرش لا يغركم اذا شفت معاها بيبي صغير ومالها كرش ترا تكون... (متبنيته) لانهم عادي عندهم
اما التشققات انا صراحه اشوف كثير ولا من الثقه تلبس تي شيرت وتربطه تطلع بطنها (وانا شايفه برنامج جاي في التلفزيون يتكلم عن هذي المشكله وانها طبيعيه حسب البشره)
هل يوجد فرق بيننا وبين الاجانب فيما يخص الحمل ؟هذه ملاحظاتي.. وانت هاتي ملاحظاتك
متابعة النقاش، صفحة 5
