الموضوع مغلق
هل انا غلطانه يوم بلغت الهيئه عليهم؟
كنا ليلة الاربعاء في اسواق المملكه واشوف الا فيه رجال كبير داخل من ناحيةالاوتيل لفت انتباهي انه شايل باقة ورد كبيره ويكلم طول الوقت ويدور وجلست انتظر خواتي لين ينزلون من فوق شوي الا هم جايين قالت اختي فيه رجال معه باقة ورد جو ثنتين ومسك وحده ودخل هو وياها ستار بكس قلت اثره مواعد متاكده قالت ايه واروح اشوف ابي ابلغ عنهم واشوفها جالسه والورد قدامها وشكله توه طالب لانه دخل ويسكر الستاره وهو يضحك واطلع الا الهيئه في وجهي وابلغ عنهم ويدخلون الهيئه ويمسكونهم وينشب لي رجال يهاوشني انتي وش دخلك مالك حق ماعليك منهم ونطلع من السوق وتستلمني وحده من خواتي انتي وش دخلك انتي ملقوفه الحين بيتحسبون عليك ومن ها الحكي انا اقول ان ها الرجال الكبير اللي تارك عياله وبيته وزوجته وحلال محلله الله ورايح يواعد ويدور الحرام هو واشكاله سبب نكباتنا وعدم نزول المطر وها البلاوي كلها في ذمتكم هل انا غلطت يوم بلغت وحاولت اغير منكر؟؟؟؟