انا ام مثاليه ولاكنني زوجه فاشله((اعتراف))

السلام عليكم ورحمت الله وبركانته


عزيزاتي بنات حواء اعترف اعتراف صررررررررررررررررررررررررررررريح بانني زوجه مقصره في حق زوجي من يوم جت بنتى
قبل ما اولد كنت دائما جنبه ومعاه في كل مكان لايهمني سواه كنت له كل شي والحين انقلبت 180درجه بنتي اخذت كل وقتي بقولكم ليش
اولا ترضع مني والرضاعه تاخذ وقت كثبييييييييير مني لا تقولو اعطيها رضاعه صناعيه لاني حاولت معها كثييييييير ولا فيه فايده هي طبيعتها كذا
ثانيا بنتي من النوع الي يرجع كثيييييييييييييييييير ودائما توسخ ملابسي وانادائما اخذ فوطه عليه عشان ما اتوسخ لاكن ما فيه فايده وتوسخ ملابسها اغير انا وهي في اليوم مرتين الى ثلاث مرات فراش النوم كمان توسخه دائما بإتصار كل شي في البيت صار وسخ وراح وقتي في التنضيف
ثالثا النوم بنتي دائما تصحى باليل وتبكي يعني مزعجه وفي النهار نايمه فاجلس معها حاولت انضم نومها ماقدرت عمرها 5 اشهر
رابعا الحين بدات تاكل وصرت احاول انوع لها واطبخ لها لان حليبي مايشبعها
خامسا الماساه الحين تعودت من كثر ما اجلس عندها ما تبغاني ابتعد عنها ولا دقيقه حتى ما اقدر اشتغل في بيتي صارت الاشغال تتراكم والسبب بكاها ولما اخليها عند ابوها تبكي وتبغى الا انا


المشكله زوجي ضاع مني ماعاد يبغى البيت صار كل وقته برا اذا جا جلس عند النت ابي اتكلم معه ما يعطيني وجه
مايراعي مشاعري بس يجرحني اسئله اشفيك تبي شي يقول مافيه شي كل الوقت صار مشاكل في مشاكل ماصرت طايقه الحياه معه احسها صارت جحيم وانا السبب اعترف لاكن هذي بنتي ارميها طلبته شغاله قال بلاويهم اكثر من نفعهم وما نبيها غيركذا هو يغار من البنت لاحظته في مواقف كثيره




اش اسوي وين الحل ؟؟؟؟؟؟؟



اعطوني حل مقنع وفعال الله يجزاكم الجنه ويسخر ازواجكم لكم ويجعلهم قرة عين لكم

12 تعليق 1,796 مشاهدة

شاركي في النقاش

سجلي الدخول لإضافة تعليق.

التعليقات

12
  1. @almnhaoyh

    حاولي تقسمين وقتك بطريقه سليمه
    صحيح هذا السن في عمر الطفل انتي تسرين على كيفه لين عمر سنه او سنتين
    لكن جربي ان زوجك يشارك معاك في رعاية البنت وتتقاسمون المهمه بينكم بحيث يتقرب منها وانتي بعد تكونين مع زوجك
    لطفي الجو ولا تبينين علامات الضجر في معاملتك لبنتك او زوجك
    راعيهم الاثنين وكانهم طفلين تؤام
    حببيه في البيت واللعب مع البنت
  2. حاولي تخلين زوجج يتعود على تربية البنت معاج

    ووقت الي اهي تنام ويكون زوجج موجود قعدي معاه و مافي مشكلة لوأجلتي كم شغلة لوقت ثاني مثلا وقت الي اهو يطلع من البيت سوي كل شي ووقت الي يكون موجود قعدي معاه حتى لو بنتج صاحية مو نايمة خليه يمسكها ويلاعبها

    مشكلتج خوفتني لأني ان شاء الله راح اصير ام عما قريب ودائما افكر هل إني راح اوفق بين زوجي و طفلي الي جاي و لا لا
  3. @ghla_mysho

    الله يذكر ابو حصان بالخير
    حسافه قطعوه من السوق
    ولا اول كان يسدح لك ذا البزاريت تسديح
    خخخخخخخخخخخ
    بس مااجربه على ولدي

    اختي صاحبه الموضوع
    انا عانيت مثلك لما كان ولدي بهالعمر
    كلها كم شهر ويصير يتعلق بابوه ويتركك وابوه يجلس بالبيت عشانه
    وتصيرين تهتمين بنفسك
  4. @hoaaa_sbaba

    فترة الرضاع أصعب شي وهذا طبيعي

    لكن ضروري تتحملي وتظغطين على نفسك وتحاولي تنظمي وقتك وتنوميها بدري

    وتعطي وقت حق زوجك ونفسك.

    وكل ماكانت نايمة استغلي الوقت ودلعي زوجك واهتمي فيه.
  5. يا حبيبتي الله يعينك
    هذول الاطفال كذا يتعبون ويطفشون لكن مساكين هم امانه في اعناقنا
    ومالك الا الصبر
    وانك تستسمحين دايم من زوجك وتقولين له اصبر علي الايام تجري والبنت بتكبر وننسى متاعبها
    وحاولي انك وقت نومها تتقلربين من زوجك اكثر
    ادري انه تعب عليك لكن ايش تسوين
    والله اني ما استرحت الا بعد ما كبرو اولادي
    واحس اني خلاص ما ابغى اطفال عقدوني كلهم زي طفلتك الله يحفضها لك
    ما يرضعون الا طبيعي ومتعلقين في دايم وكنت دايم في مشاكل عشانهم
    والان الحمد لله اصغر اولادي عمره خمس سنوات
    واذا حنيت للاطفال افتكر السهر والرضاعه ومرضهم والغسيل المستمر والاستغراغ ابطل من التفكير في الحمل
    واصلا لو يدري زوجي اني بس افكر في الحمل بس تفكير يمكن يهج من البيت ههههههههههههه
    والله يحق له
    وهو الان يقول الان حسيت بالراحه والله اني احس اني قربت منه اكثر واكثر وفهمته اكثر من اول والحمد لله قلت مشاكلنا
    مع اني لي معاه 14 سنه
    شوفي بعد هاذي الفتره كلها
    الله يعينك وانتبهي تحملين بدري نضمي بين اطفالك والله انها نصيحه من اخت مجربه اللي قلتيه كله
    بارك الله فيك

تابعي تجارب أخرى من هذا القسم.