موعد ولادتي المرتقب كان يوم الاحد واخر موعد زياره عن ددكتورتي زاهيه المهم مسمى دكتوره لهذه الانسانه التي ملأت القسوه قلبها واقسمت قسم الاطباء لايليق بها ...
المهم كان موعدي والمفروض ان تقيس كم سم انفتح رحمي لتقرر متى الد طفلي المهم شديت معاها لا ارادي وهي ماده بوزهاشبرين لظروف تمر فيها المفروض ماتحط حرتها بمريضاتها المفروض تلهيني وهي تقيس عشان ما اشد زي كل الي قبلها وبعدها لا هي شديت مرتين بس فصخت قفازاتها بكل عصبيه وقالت وهي تهوش ماراح اقيس قلت انتي دكتورتي اذا ماتحملتيني مين يتحملني قالت كفايه اتحملك مره وحده بالولاده تخيلووووووو اناودي اتهاوش معها خفت مافيه دكتوره تقبلني الان المهم جلست اصيح من القهر ورى عباتي حسبي الله عليها ولفت فيني الدنيا ايش اسوي انا احس رحمي مفتوح وشي بيطلع ويروح كل شوي والم في بطني المهم ربي يسرلي وجرتني رجولي لدكتورتي في طفلي الاول د نعيمه ابا الخيل ياحبيلكم يا السعوديات بس ياعمري عليها الله يوفقها ويسعدها يا رب قولو امين...
المهم قاست بكللللللل سهوله وتقولي خذي نفس وتسولف بعدين جاني الخبر الصاعقه ؟؟؟؟؟؟؟؟؟؟؟
قالت يا بنتي شوفو الامومه كلها والحنان في هالانسانه هذي هي رسالة الطب الحقيقيه قالت يابنتي رحمك مفتوح 4 سم تخيلووووووووووو قالت روحي بسرعه للطوارء ولاده وذيك الي ماهي دكتوره اصلا مطلعتني من العياده فيني الولاده لوني راجعه بيتي بعيييييييد كان ولدت بالطريق حسبي الله عليها المهم رحت للطوارء قاسو برضو بكل سهوله يعني المشكله فيها مو فيني المهم دقو عليها قالت تاكدو ثانيه من دكتوره هي عينتها بنفسها عشان طويلة العمر ماهي متخيله انها مسويه جريمه مطلعتني من عيادتها وفيني ولاده المهم يوم جلست لين انفتح 6 جت تخيلو من قواية الوجه داخله علي وفيني الطلق الصناعي يقطعني تقطيع بكل قواية وجه تهوش وتنافخ تقول شفتي لو خليتيني اقيس كان عرفت ان فيك ولاده تخيلو نفسيتي بهالوقت اقول في نفسي ودي احط ذا الطلق فيك بس يقطع فيك وانااتفرج اطلع حرتي بس ماقدرت لا انا ولا زوجي نقول شي خايفين تسوي شي قلنا لين نطلع ***** الله بالسلامه المهم راحت كلت جتنا وحده ثانيه تقول خلاص انا عصبت عليك كثير الحين بهدي شوي قلت وش عقبه المهم وانا اتنفس عجزت احاول ماطلع البيبي جابتالجفت وسحبته تدرون ايش قالت قلت لها شكرا وهي ماتستاهل قالت انتي ماسويتي شي انتي تعبانه تخيلو كل هالتزحر وماسويت شي تقول احنا طلعنا البيبي شوفو التحطيم ونعيمه حبيبتي حسيت اني مسويه انجاز يوم طلع البيبي قالت برافو والله انك قويه وتشجع موزي ذي
ايش رايكم هذي دكتوره؟؟؟؟؟؟؟؟؟؟؟؟؟؟؟
اكيد فيه البعض بيقول بالعكس نفسيتها ماراح يقول حلوه مستحيل بس يمكن بيقول عاديه انا برد عليه واقول اذا جاها شي يضيق صدرها ياويل الي عندها موعد وانا كانت نفسيتها دمار اعلى وقت افتتاح مستشفاهم الي يبون يفتحونه وهم ماستعدو عشان الفلوس بس
يوم رحت لزيارة بعد الولاده نفسيتها كانت فرق طبيعيه بس مو زي باقي الدكتورات وشي ذا الدكتوره الي اي شي يحوس نفسيتها!!!!!!!!!!!!!!!!!!!!
الموضوع مغلق